spot_img
Homeນານາສາລະຂໍ້ມູນສ່ວນຕົວ 5 ຢ່າງທີ່ບໍ່ຄວນໂພສລົງເຟສບຸກ

ຂໍ້ມູນສ່ວນຕົວ 5 ຢ່າງທີ່ບໍ່ຄວນໂພສລົງເຟສບຸກ

Published on

ຂໍ້ມູນສ່ວນຕົວ 5 ຢ່າງທີ່ບໍ່ຄວນໂພສລົງເຟສບຸກ

facebook-140903_64011

ຂໍ້ມູນສ່ວນຕົວ 5 ຢ່າງນທີ່ບໍ່ຄວນໂພສລົງເຟສບຸກ ເພາະອາດຈະເປັນອັນຕະລາຍຕໍ່ກັບທ່ານ ແລະ ຄົນອ້ອມຂ້າງໄດ້, ມີຫຍັງແດ່ ເຮົາມາເບິ່ງພ້ອມກັນ.

ຄົງປະຕິເສດບໍ່ໄດ້ວ່າທຸກມື້ນີ້ ເຟສບຸກເປັນແຫຼ່ງລວບລວມຂໍ້ມູນສ່ວນຕົວຂອງຄົນທົ່ວໂລກ ຊຶ່ງຫຼາຍຄົນມັກໂພສ ຂໍ້ມູນສ່ວນຕົວເອົໄວ້ຈົນຂະໜາດທີ່ວ່າ  ພຽງແຕ່ເຂົ້າໄປເບິ່ງໃນເຟສບຸກກໍ່ສາມາດຮູ້ຈັກຕົວຕົນ ຂອງຄົນໆ ນັ້ນໄດ້ຢ່າງວອງໄວງ່າຍດ້າຍ ບໍ່ວ່າຈະເປັນ ລົດສະນິຍົມສິ່ງທີ່ມັກ ອາຍຸ ວັນເກີດ ລວມໄປທັງທີ່ຢູ່ ແຕ່ຫຼາຍຄົນອາດບໍ່ເຄີຍຄິດວ່າ ບາງທີ່ໃນການໂພສ ຂໍ້ມູນສ່ວນຕົວແບບເປີດເຜີຍນັ້ນ ຖືວ່າບໍ່ປອດໄປໄພ ແລະ ມີຄວາມສ່ຽງຄືກັນ. ມື້ນີ້ທີມງານຈຶ່ງນໍາບົດຄວາມ ຂໍ້ມູນສ່ວນຕົວ 5 ປະການທີ່ບໍ່ຄວນໂພສລົງເຟສບຸກ  ຈາກເວັບໄຊທ໌ netsecurity.about.com ມາໃຫ້ທ່ານໄດ້ພິຈາລະນານໍາກັນ ວ່າຄວນຈະລົບຂໍ້ມູນພວກນີ້ອອກຈາກເຟສບຸກ ຫຼື ບໍ່?

 

1 ວັນດືອນປີເກີດ ຂອງທ່ານ ຫຼືຄົນໃນຄອບຄົວ

ການເປີດເຜີຍ ວັນດືອນປີເກີດ ໃນທີ່ສາທາລະນະນັ້ນ ຟັງເບິ່ງແລ້ວກໍ່ບໍ່ນ່າຈະເປັນຫ່ວງອີຫຍັງ ແຕ່ໃນຄວາມເປັນຈິງແລ້ວ ບັນດາຜູ້ບໍ່ຫວັງດີລວມທັງແຮັກເກີ ທັງຫຼາຍນັ້ນອາດສາມາດນໍາວັນດືອນປີເກີດ ໄປໃຊ້ແຮັກບັນຊີ ຫຼື ປອມແປງບັນຊີບໍລິການຕ່າງໆ ຂອງທ່ານໄດ້ ເພາະສະນັ້ນຖ້າເປັນໄປໄດ້ກໍ່ບໍ່ຄວນໂພສ ວັນເດືອນປີເກີດ ເອົາໄວ້ເທີງເຟສບຸກ ຫຼືຖ້າຕ້ອງການໂພສເພື່ອໃຫ້ໝູ່ເພື່ອນຈືວັນເກີດຂອງທ່ານໄດ້ແທ້ໆ ກໍ່ຈາດໂພສສະເພາະວັນທີແລະເດືອນ ແຕ້ບໍ່ລະບຸປີກໍ່ໄດ້.

ll

2 ສະຖານະຄວາມສໍາພັນ

ບໍ່ວ່າທ່ານຈະໂສດ ຫຼືມີຄວາມຮັກກໍ່ຕາມຖ້າບໍ່ຈໍາເປັນກໍ່ບໍ່ຄວນປ່າວປະກາດໃຫ້ຄົນຮູ້ທົ່ວໄປ ໂດຍສະເພາະທ່ານທີ່ເປັນຜູ້ຍິງ ທັງຫຼາຍ ເພາະວ່າໃນກໍລະນີທີ່ທ່ານຍັງໂສດຢູ່  ຫຼືວ່າຫາກໍ່ເລີກກັນກັບຄົນຮັກ ແລ້ວປ່ຽນສະຖານະເປັນໂສດ ນັ້ນອາດເປັນຊ່ອງວ່າງໃຫ້ຄົນຮ້າຍ ຮູ້ວ່າທ່ານຢູ່ຄົນດຽວໃນບ້ານຫຼືຫໍພັກ ຫຼືອອກໄປໃສມາໃສຄົນດຽວ ຊຶ່ງເປັນໂອກາດໃຫ້ຄົນຮ້າຍຈອບຕິດຕາມ ແລະ ເຮັດບໍ່ດີບໍ່ງາມກັບທ່ານໃດ້.

 

lp

3 ສະຖານທີ່ ທີ່ທ່ານຢູ່ໃນປັດຈຸບັນ

ການໂພສບອກສະຖານທີ່ ທີ່ທ່ານຢູ່ໃນຂະນະນັ້ນ ໃຫ້ຄົນທົ່ວໄປຮັບຮູ້ຕະຫຼອດເວລາ ອາດບໍ່ແມ່ນເລື່ອງດີ ເນື່ອງຈາກການທີ່ທຸກຄົນຮູ້ວ່າທ່ານຢູ່ບ່ອນໃດ ໃນເວລາໃດແດ່ ກໍ່ເໝືອນກັບວ່າເປັນການເປີດໂອກາດໃຫ້ຄົນຮ້າຍຮູ້ວ່າຊ່ວງເວລາໃດທີ່ທ່ານບໍ່ຢູ່ບ້ານ ແລະ ສາມາດຫຼອຍເຂົ້າມາລັກເຄື່ອງຂອງໄດ້ ຫຼືຫາກວ່າມີຄົນທີ່ເປັນສັດຕູກັບທ່ານກໍ່ອາດຈະດັກທໍາຮ້າຍທ່ານໄດ້ເຊັ່ນດຽວກັນ.

 

4​ ເປີດເຜີຍວ່າທ່ານຢູ່ເຮືອນຄົນດຽວ

ການເປີດເຜີຍວ່າທ່ານບໍ່ຢູ່ເຮືອນຫຼືປ່ອຍໃຫ້ເດັກນ້ອຍ ຢູ່ເຮືອນຄົນດຽວ ຊຶ່ງຖ້າມີຄົນແປກໜ້າຮູ້ວ່າມີເດັກນ້ອຍຢູ່ເຮືອນພຽງຄົນດຽວ ນັ້ນກໍ່ຖືວ່າເປັນອັນຕະລາຍຢ່າງຍິ່ງ ເພາະຖ້າວ່າຮູ້ໄປຮອດຫູ້ຂອງຄົນຮ້າຍ ກໍ່ອາດຈະບຸກມາປົ້ນເຮືອນ ຫຼືລັກພາໂຕເດັກນ້ອຍໄປກໍ່ເປັນໄດ້ ແລະ ເຖີງແມ່ນວ່າ ຈະຕັ້ງໄວ້ສະເພາະ ເພື່ອນທີ່ສາມາດເບິ່ງເຫັນ ຂໍ້ມູນເຫຼົ່ານັ້ນໄດ້ກໍ່ຕາມ ແຕ່ໃຜຈະໄປຮູ້ບາງທີ່ທ່ານອາດເຜີຮັບແອດຄົນແປກໜ້າເປັນເພືອນໄວ້ກໍ່ເປັນໄດ້ ຫຼື ອາດຖືກຄົນຮ້າຍແຮກເຟສແລ້ວເຂົ້າມາເບິ່ງຂໍ້ມູນຂອງທ່ານກໍ່ເປັນໄປໄດ້.

 

5 ຮູບລູກ ຫຼານທີ່ແທ໊ກຊື່ຂອງພວກເຂົາ

ຍຸກນີ້ພໍ່ແມ່ຫຼາຍຄົນນິຍົມໂພສຮູບພາບຂອງລູກຫຼານໂຕເອງລົງເຟສບຸກ ແຕ່ນັ້ນອາດບໍ່ປັນບັນຫາຖ້າບໍ່ມີການແທັກຊື່ຂອງເດັກນ້ອຍລົງໄປນໍາ ຫຼືໜັກໄປກວ່ານັ້ນ ອາດມີການໂພສຂໍ້ມູນລາຍລະອຽດຕ່າງໆ ຂອງເດັກເຊັ່ນ ສິ່ງທີ່ເດັກນ້ອຍມັກ ຫຼືວັນດືອນປີເກີດຂອງເດັກນ້ອຍ  ເນື່ອງຈາກຂໍ້ມູນເຫຼົ່ານີ້ ຈະເຮັດໃຫ້ຄົນແປກໜ້າ ຫຼື ໂຈນລັກພາໂຕ ເດັກໄດ້ງ່າຍຂຶ້ນ ດ້ວຍການໃຊ້ຂໍ້ມູນ ເຫຼົ່ານີ້ ລອກລໍ້ໃຫ້ເດັກເຊື່ອໃຈ ແລະ ບໍ່ຄິດວ່າວ່າເປັນຄົນແປກໜ້ານັ້ນເອງ.

ຢ່າງໃດກໍ່ຕາມນີ້ ເປັນພຽງຄວາມເຫັນຈາກເວັບໄຊທ໌ netsecurity.about.com ເທົ້ານັ້ນຊຶ່ງແຕ່ລະທ່ານຈະນໍາໄປພິຈາລະນາວ່າຂໍ້ມູນໃດສົມຄວນລົບອອກ ຫຼືຂໍ້ມູນໃດສາມາດໂພສ ໄວ້ເທີງເຟສບຸກໄດ້ນັ້ນ ລ້ວນແລ້ວແຕ່ຂຶ້ນຢູ່ກັບວິຈາລະນາຍານຂອງແຕ່ລະທ່ານ ຫຼືໃຊ້ວິທີກໍາໜົດຄ່າຄວາມເປັນສ່ວນຕົວເພື່ອຈໍາກັດຄົນທີ່ສາມາດເຫັນຂໍ້ມູນສາວນຕົວໃຫ້ຢູ່ໃນສະເພາະກຸ່ມຄົນສະນິດກໍ່ໄດ້.

sd

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...