ນັກທ່ອງທ່ຽວໜຸ່ມຊາວຝຣັ່ງ ຖືກຈັບໃນກຳປູເຈຍ ຫລັງແກ້ເຄື່ອງເປືອຍກາຍ ຖ່າຍຮູບຢູ່ນະຄອນວັດ.
ສຳນັກຂ່າວຕ່າງປະເທດ ລາຍງານໃນວັນທີ 3 ກຸມພາຜ່ານມານີ້ວ່າ ນັກທ່ອງທ່ຽວຝຣັ່ງ 3 ຄົນ ຖືກຈັບກຸມໃນກຳປູເຈຍ ຫລັງຈາກໄປເປືອຍກາຍຖ່າຍຮູບພາຍໃນນະຄອນວັດ ເຊິ່ງເປັນສະຖານທີ່ທ່ອງທ່ຽວສຳຄັນຂອງປະເທດ ແລະ ເປັນມໍລະດົກໂລກ ເມື່ອວັນທີ 29 ມັງກອນຜ່ານມາ.
ໂຄສົກທາງການຂອງກຳປູເຈຍໄດ້ລະບຸວ່າ ນະຄອນວັດແຫ່ງນີ້ ເປັນສະຖານທີ່ສັກສິດ ແລະ ຝຣັ່ງທັງ 3 ຄົນນີ້ ໄດ້ສະແດງພຶດຕິກຳທີ່ບໍ່ເໝາະສົມ ໂດຍຕຳຫລວດຂອງກຳປູເຈຍ ໄດ້ດຳເນີນຄະດີກັບພວກກ່ຽວ ໃນຂໍ້ຫາແກ້ເຄື່ອງໃນທີ່ສາທາລະນະ ເຊິ່ງເປັນສິ່ງທີ່ຮັບບໍ່ໄດ້ໃນສັງຄົມກຳປູເຈຍ.
