ລໍຖ້າຕໍ່ໄປ! ສະເຕີຣ໌ຣິດຈ໌ ຍັງບໍ່ພ້ອມ

ເຫຼົ່າສາວົກ “ເດິຄ໊ອປ” ຕ້ອງຮ້ອງເພງລໍຖ້າກັນຕໍ່ໄປເມື່ອລ່າສຸດ ເບຣນແດນ ຣອດເຈີຣ໌ສ ນາຍໃຫຍ່ລີເວີຣ໌ພູລ ຄອນເຟີມເອງ ແດເນ່ລ ສະເຕີຣ໌ຣິດຈ໌ ຫົວຫອກຕົວຫຼັກຍັງບໍ່ພ້ອມກັບມາລົງສະໜາມໃນເກັມ ເອຟເອຄັພ ວັນເສົານີ້.

ເບຣນແດນ ຣ໊ອດເຈີຣ໌ສ ຜູ້ຈັດການທີມລີເວີຣ໌ພູລ ຢືນຢັນວ່າ  ແດເນ່ລ ສະເຕີຣ໌ຣິສຈ໌ ກອງໜ້າໂຕເກງຈະບໍ່ໄດ້ມີສ່ວນຮ່ວມໃນເກັມເອຟເອຄັບ ຮອບ4 ທີ່ທັບ “ຫົງແດງ” ມີຄິວເປີດຮັງ ແອນຟິລດ໌ ຮັບມືກັບການມາເຢືອນຂອງ ໂບລຕັນ ວັນເດີເຣີຣ໌ສ ສະໂມສອນຈາກລະດັບ ເດິແຊ່ມປ່ຽນຊີພ ໃນວັນເສົາທີ 24​ ມັງກອນນີ້ ເນື່ອງຈາກເຈົ້າໂຕສະພາບຮ່າງກາຍຍັງບໍ່ຟິດເຕັມຮ້ອຍ.

ສະເຕີຣ໌ຣິດຈ໌ ຊຶ່ງຫ່າງຈາກສະໜາມໄປດົນເຕີບຕັ່ງແຕ່ເດືອນກັນຍາປີ່ກ່ອນ ເພາະອາການບາດເຈັບທີ່ນ່ອງ ແລະ ກົກຂາ ຫາກໍ່ກັບມາລົງຊ້ອມໄດ້ເມື່ອອາທິດທີ່ແລ້ວ ແລະ ກໍາລັງມີສະພາບຮ່າງກາຍທີ່ດີຂຶ້ນເລື່ອຍໆຢ່າງໃດກໍ່ຕາມເກັມວັນເສົານີ້ ຍັງໄວເກີນໄປສໍາລັບເຈົ້າໂຕທີ່ຈະກັບມາລົງສະໜາມໄດ້ທັນ.

>>ຂອບໃຈ http://www.siamsport.co.th/football/premierleague/view.php?code=150123002354