ພັດຕະຄານຈີນໃນນະຄອນເຈີ້ງໂຈວ ແຂວງເຫີໜັນອອກໂປຣໂມຊັ່ນ ທ້າຄົນໜ້າຕາດີ ເຂົ້າມາກິນພາຍໃນຮ້ານແບບຕໍ່ຕ້ອງຈ່າຍເງິນຈັກຢວນ.
ສຳນັກຂ່າວຕ່າງປະເທດ ລາຍງານໃນວັນທີ 14 ມັງກອນນີ້ວ່າ ພັດຕະຄານແຫ່ງໜຶ່ງໃນນະຄອນເຈີ້ງໂຈວ ເມືອງເອກຂອງແຂວງເຫີໜັນ ນຳສະເໜີນະໂຍບາຍສົ່ງເສີມການຂາຍຂອງຕົນ ດ້ວຍໂປຣໂມຊັ່ນ ” ຈ່າຍດ້ວຍໜ້າ ” (Pay by Face) ເຊິງມີເງື່ອນໄຂວ່າ ຫາກລູກຄ້າທີ່ມາຮັບປະທານອາຫານພາຍໃນຮ້ານ ໜ້າຕາສວຍງາມຜ່ານເກນເຂົ້າຕາກຳມະການ ບໍ່ວ່າຈະເປັນຍິງ ຫລື ຊາຍ ຈະໄດ້ຮັບສິດທິພິເສດໃນການກິນຟຣີ ໂດຍບໍ່ຕ້ອງຈ່າຍເງິນຈັກຢວນ.
ໂດຍທາງຮ້ານໄດ້ມີກົດລະບຽບວ່າ ເຈົ້າໜ້າທີ່ບໍລິການຈະທຳການສະແກນໃບໜ້າຂອງລູກຄ້າ ແລະ ສົ່ງໄປໃຫ້ເຈົ້າໜ້າທີ່ຜູ້ຊ່ຽວຊານໃນຄຣີນິກສັນຍາກຳໃນທ້ອງຖິ່ນ ດຳເນີນການພິຈາລະນາຕັດສິນ ໂດຍຜູ້ທີ່ຈະໄດ້ຄະແນນສູງສຸດ 5 ອັນດັບທຳອິດ ພາຍໃນໄລຍະເວລາ 30 ນາທີ ກໍຈະໄດ້ສິດທິພິເສດດັ່ງກ່າວໄປຄອບຄອງທັນທີ.
ທັງນີ້ ພັດຕະຄານດັ່ງກ່າວໄດ້ຕັ້ງຈຳນວນຜູ້ຊະນະໄວ້ທີ່ 50 ຄົນໃນແຕ່ລະມື້ ໂດຍໄລຍະເວລາຂອງໂປຣໂມຊັ່ນນີ້ ແມ່ນເລີ່ມຕັ້ງແຕ່ວັນທີ 10 ມັງກອນ ຈົນເຖິງວັນທີ 9 ກຸມພາ 2015ນີ້.
