ຈີນເປີດເຜີຍຕົວເລກເສດຖະກິດໄຕມາດສຸດທ້າຍ ພົບການສົ່ງອອກເພີ່ມຂຶ້ນ ການນຳເຂົ້າຫລຸດລົງ ເນື່ອງຈາກຜົນຂອງລາຄານ້ຳມັນໃນຕະຫລາດໂລກ ມີການປັບຫລຸດລົງຕໍ່ເນື່ອງ.
ສຳນັກຂ່າວຕ່າງປະເທດ ລາຍງານໃນວັນທີ 13 ມັງກອນຜ່ານມາວ່າ ຕົວເລກເສດຖະກິດຈີນໃນໄຕມາດສຸດທ້າຍຂອງປີ 2014 ເພີ່ມຂຶ້ນ 6.1% ເມື່ອປຽບທຽບກັບປີກ່ອນ ໃນຂະນະທີ່ການນຳເຂົ້າເພີ່ມຂຶ້ນພຽງ 0.4% ໂດຍລາຍງານຕົວເລກເມື່ອເດືອນທັນວາ ພົບວ່າຈີນເກີນດຸນການຄ້າເຖິງ 304.5 ລ້ານຢວນ ເຊິ່ງມີການວິເຄາະອີກວ່າ ການນຳເຂົ້າຈະຫລຸດລົງກ່ວາ 7% ແລະ ສົ່ງອອກຈະເພີ່ມຂຶ້ນ 60.8%.
ທັງນີ້ ລາຍງານຂ່າວຍັງໄດ້ລະບຸວ່າ ການນຳເຂົ້າທີ່ຫລຸດລົງຢ່າງຕໍ່ເນື່ອງ ສະທ້ອນໃຫ້ເຫັນເຖິງ ຜົນກະທົບຂອງການປ່ຽນແປງຢ່າງຕໍ່ເນື່ອງຂອງລາຄານ້ຳມັນໃນຕະຫລາດໂລກ.