ເຈົ້າ​ຮູ້​ຫລື​ບໍ່​ວ່ານັກ​ປັ່ນ​ລົດຖີບມືອາ​ຊີບ​ເຜົາ​ຜານ​ພະລັງ​ງານ​ໄດ້​ຫລາຍ​ເຖິງ 5, 000 ແຄ​ລໍ​ຣີ ຈານ​ຕໍ່​ການ​ແຂ່ງໄ​ລ​ຍະ​ທາງ 200 ກິ​ໂລ​ແມັດ
       ແລ້ວ​ສຳລັບ​ຕອນ​ນີ້​ກະ​ແສ​ລົດຖີບ​ກໍ​ກຳ​ລັງ​ມາ​ແຮງ​ຢູ່ຫາກວ່າ​ສາວໆ ຄົນ​ໃດ​ກຳ​ລັງ​ລັງ​ເລ​ວ່າ​ຈະ​ປັ່ນ​ລົດຖີບດີ​ບໍ ຫລື ​ຈະ​ຖີບ​ແລ້ວ​ສະໂພກຈະໃຫຍ່ຫລື​ບໍ່ ອັນ​ນີ້​ຕ້ອງ​ຢູ່​ທີ່​ການ​ປັບ​ອຸປະກອນ​ຂອງ​ລົດຖີບ​ໃຫ້​ເຂົ້າ​ກັບ​ຕົວ​ເອງ ແລ້ວ​ກໍ​ຖີບໃນ​ໄລ​ຍະ​ທາງ​ທີ່​ໄດ້ ກັບ​ກຳ​ລັງ​ຂາ​ທີ່​ພໍ​ເໝາະ​
ຫລາຍ​ຄຳ​ແນະ​ນຳ​ກັບ​ຫລາຍ​ກູ​ລູ​ເລື່ອງ​ການ​ຖີບ ແຕ່​ສຳລັບ​ນັກ​ຖີບລົດ​ໜ້າ​ໃໝ່ຈະ​ລອງ​ຖີບ​ມື້​ລະ 2 ຊົ່ວ​ໂມງ ກ່ອນ​ກໍ​ໄດ້ຖີບເບົາໆ ບໍ່​ໃຊ້​ແຮງ​ຫລາຍ ເພາະ​ແຮງ​ຂາ​ຍັງ​ບໍ່​ພ້ອມ​ໃນ​ຊ່ວງທຳອິດ ແລະ​ບໍ່​ຕ້ອງ​ສົນ​ໃຈ​ໄລ​ຍະ​ທາງ​ເທົ່າໃດ ໃຫ້​ເຮັດ​ເວລາ​ໄດ້​ກ່ອນ​ພໍ​ເຮັດ​ໄດ້​ແລ້ວ​ກໍ​ຄ່ອຍ​ເພີ່ມ​ແຮງ ເພີ່ມ​ເວລາ ແລະ​ເພີ່ມ​ໄລ​ຍະ​ທາງ
      ແຕ່​ມີ​ເທັກ​ນິກ​ໜ້ອຍໜື່ງ ທຸກ​ເທື່ອ​ໃຫ້​ວອມ​ຮ່າງກາຍ​ດ້ວຍ​ລົດຖິບ​ປະ​ມານ 5-10 ນາ​ທີ ແລ້ວ​ຖີບ​ຊ້າ 10 ວິ​ນາ​ທີ ສະ​ຫລັບ​ກັບ​ຖີບໄວ 20 ວິ​ນາ​ທີ ເຮັດ​ສະ​ຫລັບ​ໄປ​ມາ​ຄົບ 8 ຮອບແລ້ວຜ່ອນ ​ເພື່ອ​ໃຫ້​ຮ່າງກາຍ​ເຂົ້າ​ສູ່​ປົກກະຕິ​ອີກ 5 ນາ​ທີ ເພື່ອ​ຊ່ວຍ​ໃຫ້​ມີ​ແຮງ​ໃນ​ການ​ປັ່ນ​ຕໍ່​ໄດ້ຕາມເວລາ​ທີ່​ຕ້ອງ​ການ ສຸຂະ​ພາບ​ດີ​ແຖມ​ຍັງ​ເຮັດ​ໃຫ້ ​ຂາ​ງາມຂຶ້ນ​ອີກດວ້ຍ