ສາວຈິນເຈົ້າຂອງກິດຈະການຂາຍເຄື່ອງທາງ ອອນໄລນ໌ ໃຈໃຫຍ່ ຈົກເງິນສ່ວນໂຕຊື້ລົດຫຼູໃຫ້ລູກນ້ອງໂຕເອງເປັນໂບນັສທ້າຍປີ
ເຟສບຸກຂ່າວ CCTVNews ນໍາສະເໜີຂ່າວກ່ຽວກັບເຈົ້າຂອງກິດຈະການຂາຍສິນຄ້າອອນໄລນ໌ທີ່ຊື່ວ່າ Niu Mutong ອາຍຸ 21 ປີ ໃຈໃຫຍ່ ຈົກເງິນຊື້ລົດ BMW ໃຫ້ເປັນໂບນັສທ້າຍປີກັບລູກນ້ອງ 4 ຄົນຂອງລາວ ເພື່ອເປັນການຂອບໃຈທີ່ຊ່ວຍເຮັດໃຫ້ບໍລິສັດຂອງລາວນັ້ນເຕີບໂຕຢ່າງດີຕັ້ງແຕ່ກໍ່ຕັ້ງຂຶ້ນມາ.
ທັງນີ້ Niu Mutong ເລີ່ມຕົ້ນຂາຍເຄື່ອງທາງອອນລາຍນ໌ຕັ້ງແຕ່ປີ 2011 ຊຶ່ງສິນຄ້າທໍາອິດທີ່ລາວຂາຍແມ່ນ ຜະລິດຕະພັນກ່ຽວກັບການຫຼຸດນໍ້າໜັກ ຊຶ່ງຕອນນັ້ນລາວຫາກໍຢູ່ໃນໄວ ທີ່ເປັນໄວລຸ້ນເທົ້ານັ້ນ ທັງນີ້ຄອບຄົວຂອງລາວກໍ່ຄືກັບຄອບຄົວຂອງຊາວຈິນທົ່ວໄປ ທີ່ອອກອາການຕໍ່ຕ້ານທຸກທາງເພື່ອບໍ່ໃຫ້ລາວຮຽນຕໍ່ ແຕ່ທຸກຢ່າງກັບບໍ່ເປັນເຊັນນັ້ນເມື່ອລາວ ຫາເງິນຈາກການຂາຍທາງອອນໄລນ໌ ໄດ້ຫຼາຍພໍທີ່ຈະສາມາດ ໄປສຶກສາຕໍ່ໄດ້ທີ່ປະເທດສະຫະລັດອາເມລິກາ.
ເມື່ອບໍ່ດົນມານີ້ Niu ໄດ້ຮັບຂໍ້ສະເໜີໃຫ້ເຂົ້າສຶກສາຕໍ່ທີ່ມະຫາວິທະຍາໄລບອສຕັນ ແລະ ລາວກໍ່ເລີ່ມຕັ້ງຢີຫໍ່ສິນຄ້າຂອງຕົວເອງເພື່ອຂາຍຜະລິດຕະພັນ ເສີມຄວາມງາມບໍລູງຜິວພັນ ແລະ ອາຫານເສີມຫຼຸດນໍ້າໜັກເມື່ອຊ່ວງຕົ້ນປີ 2014 ທີ່ຜ່ານມາ.
ລາວເລົ່າວ່າ ເມື່ອປີທີ່ຜ່ານມາບໍລິສັດຂອງລາວ ສ້າງລາຍໄດ້ຈາກການຂາຍສິນຄ້າໄດ້ຫຼາຍເຖິງ 32 ລ້ານດອນລາ ສະຫະລັດ ແລະ ໃນປັດຈຸບັນ Niu ລາວຕັ້ງບໍລິສັດເປັນຂອງຕົນເອງ ແລະ ມີລູກຈ້າງກວ່າ 7.000 ຄົນ ແລະ ກິດຈະການຂອງລາວນັ້ນແຜ່ຂະຫຍາຍອອກໄປໃນປະເທດ ຈິນ ສະຫະລັດອາເມລິກາ ອັງກິດ ຝຣັງ ອີຕາລີ ແລະ ນີວຊີແລນ.
ສ່ວນຂອງຂວັນໂບນັສທ້າຍປີລາວຊື້ໃຫ້ກັບລູກຈ້າງ 4 ຄົນຂອງລາວນັ້ນ ເປັນລົດຫຼູຸຢີຫໍ່ BMW ລາວໃຫ້ເຫດຜົນວ່າ ລູກຈ້າງທັງ 4 ຂອງລາວນີ້ເປັນພຽງນັກສຶກສາເທົ້ານັ້ນ 1 ໃນ 4 ຄົນນີ້ສາມາດສ້າງລາຍໃດ້ເຂົ້າບໍລິສັດໄດ້ຫຼາຍກວ່າ 1.6 ລ້ານດອນລາສະຫະລັດ ໃນປີທີ່ຜ່ານມາພວກເຂົາເປັນລູກນ້ອງທີ່ວິເສດທີ່ສຸດ ແລະ ບໍ່ມີໃຜຄືກັບພວກເຂົາ.