spot_img
Homeອຸບັດເຫດແລະປາກົດການຫຍໍ້ທໍ້ບໍລິຄຳໄຊ - ຮ່າຕິ່ງ ຮ່ວມມືມ້າງຄະດີຢາເສບຕິດລາຍໃຫຍ່

ບໍລິຄຳໄຊ – ຮ່າຕິ່ງ ຮ່ວມມືມ້າງຄະດີຢາເສບຕິດລາຍໃຫຍ່

Published on

lao-viet share border

 

ກອງບັນຊາການ ປກສ ແຂວງບໍລິຄຳໄຊ ສປປ ລາວ ຮ່ວມກັບກອງບັນ ຊາການທະ ຫານຊາຍແດນ ແຂວງຮ່າ ຕິງ ສສ ຫວຽດນາມ ສະຫລຸບຖອດຖອນບົດຮຽນ ການມ້າງຄະດີຢາເສບຕິດລາຍໃຫຍ່ ແລະ ມອບໃບຍ້ອງຍໍຂັ້ນແຂວງ, ຂັ້ນກອງບັນຊາການ ໃຫ້ຜູ້ທ່ີມີຜົນງານດີເດັ່ນ ໃນການປະກອບສ່ວນມ້າງ ຄະດີດັ່ງກ່າວຢ່າງສົມກຽດ.

ໃນທ້າຍອາທິດຜ່ານມານີ້ ກອງບັນຊາການ ປກສ ແຂວງບໍລິຄຳໄຊ ສປປ ລາວ ຮ່ວມກັບ ກອງບັນຊາການທະຫານຊາຍແດນແຂວງຮ່າຕິງ ສສ ຫວຽດນາມ ເປີດກອງປະຊຸມສະຫລຸບຖອດຖອນບົດຮຽນ ແລະ ມ້າງລາຍຄະດີ PT1 ( 461-LV) ຢູ່ຫ້ອງປະຊຸມກອງບັນຊາການທະຫານຊາຍແດນແຂວງຮ່າຕິ່ງ. ຝ່າຍລາວ ມີທ່ານນາງ ບຸນຍົງ ສີສຸວັນນະຄອນ ຮອງເຈົ້າແຂວງໆບໍລິຄຳໄຊ, ທ່ານ ພັນເອກ ດຣ. ທອງແດງ ຄຳພິທູນ ຫົວໜ້າກອງບັນຊາການ ປກສ ແຂວງບໍລິຄຳໄຊ ພ້ອມດ້ວຍຄະນະ ແລະ ຝ່າຍ ສສ ຫວຽດນາມ ມີທ່ານ ພົນໂທ ຫງວຽນ ຈົງຫາຍ ຫົວໜ້າທະຫານຊາຍແດນແຫ່ງຊາດ, ທ່ານ ພັນໂທ ວໍ ເຖື່ອນຫາຍ ຫົວໜ້າກອງບັນຊາການທະຫານຊາຍແດນ ແຂວງຮ່າຕິ່ງ ພ້ອມດ້ວຍຄະນະ.

ໃນພິທີທ່ານ ພັນເອກ ເຫີງນເຖືອນ ຮອງຫົວໜ້າທະຫານຊາຍແດນ ແຂວງຮ່າຕິ່ງ ໄດ້ຂຶ້ນຜ່ານບົດລາຍງານໃນການ​ມ້າງລາຍ​ຄະດີ​ສະ​ເພາະຄັ້ງວັນ​ທີ 10 ເດືອນ 3 ປີ 2013 ເຈົ້າ​ໜ້າທີ່​ສອງ​ຝ່າຍ​ໄດ້​ປະ​ສານ​ສົມທົບ​ກັນ ມ້າງ​ລາຍ​ຄະດີ P4-1 ສາມາດ​ຈັບ​ຜູ້ຖືກ​ຫາ​ໄດ້ 3 ຄົນ ຢຶດ​ຂອງ​ກາງ​ເປັນປະ​ເພດ​ຢາ​ໄອ​ ຈຳນວນ 4 ຖົງ ນ້ຳໜັກ 4 ກິໂລ,ລົດ​ກະບະ ຍີ່ຫໍ້​ວີ​ໂກ​ 1 ຄັນ; ຄັ້ງວັນ​ທີ 11 ເດືອນ 3 ປີ 2013 ເຈົ້າ​ໜ້າ​ທີສອງ​ຝ່າຍ​ໄດ້ປະສານ​ສົມທົບກັນ​ມ້າງ​ລາຍ​ຄະດີ​ P4-2 ສາມາດ​ຈັບ​ຜູ້ຕ້ອງ​ຫາ​ໄດ້ 3 ຄົນ ຢຶດຂອງ​ກາງ​ເປັນປະ​ເພດ​ເຮ​ໂລ​ອິນ ຈຳນວນ 2 ແທ່ງ, ລົດ​ກະບະ ຍີ່ຫໍ້​ວີ​ໂກ​ 1 ຄັນ, ປືນສັ້ນຫຍີ່​ຫໍ້​ວິ​ແຢດ 1 ກະບອກ ​ແລະ ລູກ​ກະ​ສູນ​ຈຳນວນ 12 ລູກ. ຄ້ັງ​ວັນ​ທີ 13 ເດືອນ 12 ປີ 2014 ເຈົ້າ​ໜ້າ​ທີ່ສອງ​ຝ່າຍ ​ໄດ້​ປະສານ​ສົມທົບ​ກັນ​ມ້າງ​ລາຍ​ຄະດີ PT1 (461- LV) ຈັບ​ຜູ້ຖືກ​ຫາ​ໄດ້ 6 ຄົນ ຢຶດຂອງ​ກາງ​​ປະ​ເພດ ​ເຮ​ໂລ​ອິນ ໄດ້ 92 ແທ່ງ ລົດ​ກະບະ ຍີ່ຫໍ້​ວີ​ໂກ​ 2 ຄັນ.

ຈາກນັ້ນ ທ່ານ ນາງ ບຸນຍົງ ສີສຸວັນນະຄອນ ກໍໄດ້ມີຄຳຄິດຄຳເຫັນ ຕໍ່ກອງປະຊຸມ ເຊິ່ງທ່ານໄດ້ຍ້ອງຍໍ ຊົມເຊີຍຕໍ່ຜົນງານຂອງ​ກຳລັງ​ປ້ອງ​ກັນ​ຄວາມ​ສະຫງົບ ​ແຂວງບໍລິ​ຄຳ​ໄຊ ​ແລະ ກຳລັງ​ທະຫານ​ຊາຍ​ແດນ​ ແຂວງ​ຮ່າ​ຕິ່ງ ຍາດມາໄດ້ ໂດຍສະເພາະແມ່ນການມ້າງຄະດີລາຍໃຫຍ່ລະດັບຊາດໄດ້ສຳເລັດ. ພ້ອມທັງກ່າວເຖິງມູນ​ເຊື້ອ​ພິລະ​ອາດ​ຫານ, ສາຍ​ພົວພັນມິດຕະພາບ ຄວາມສາມັກຄີແບບພິເສດ ແລະ ການຮ່ວມ​ມື​ຮອບດ້ານລະຫວ່າງສອງ​ພັກ​, ສອງ​ລັດ ​ແລະ ສອງກຳລັງ​ປະກອບ​ອາວຸດ​ຂອງ​ພວກເຮົາ​ ໃຫ້​ໜັກ​ແໜ້ນ​ເຂັ້ມ​ແຂງ​ຮອບດ້ານຕະຫລອດໄປ.

ກອງປະຊຸມ ຍັງໄດ້ມອບໃບຍ້ອງຍໍຂັ້ນແຂວງ,ຂັ້ນກອງບັນຊາການໃຫ້ຜູ້ທ່ີມີຜົນງານດີເດັ່ນ ໃນການປະກອບສ່ວນມ້າງຄະດີຢາເສບຕິດລາຍໃຫຍ່ດັ່ງກ່າວ ຢ່າງສົມກຽດ.

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...