ການສ້າງແຮງງານທີ່ມີສີມືເພື່ອຮັບປະກັນມີວຽກເຮັດງານທຳທີ່ໝັ້ນຄົງ, ມີລາຍຮັບທີ່ສົມເຫດສົມຜົນ, ມີຫຼັກຄ້ຳປະກັນ
ພື້ນຖານໃນຊີວິດແມ່ນຄວາມມຸ່ງມາດປາຖະໜາຂອງ ລັດຖະບານທີ່ພະຍາຍາມສູ້ຊົນໃຫ້ໄດ້ຫຼາຍທີ່ສຸດ ໂດຍສົກ 2014-
2015 ນີ້ ກະຊວງແຮງານ ແລະ ສະຫວັດດີການສັງຄົມ (ຮສສ) ໂດຍສະເພາະຂະແໜງແຮງງານຈະພັດທະນາສີມືແຮງ
ງານໃຫ້ໄດ້ຫຼາຍກວ່າ 90 ພັນຄົນ, ພ້ອມສົ່ງເສີມສະຖານທີ່ພັດທະນາສີມືແຮງງານ, ຫົວໜ່ວຍແຮງງານຕ່າງໆດຳເນີນ
ການທົດສອບ ແລະ ອອກໃບຢັ້ງຢືນມາດຕະຖານສີມືແຮງງານຢ່າງກວ້າງຂວາງຂຶ້ນກວ່າເກົ່າ.
ອີງຕາມຂໍ້ມູນຈາກກະຊວງແຮງງານ ແລະ ສະຫວັດດີການສັງຄົມ (ຮສສ) ໃຫ້ຮູ້ຫວ່າງບໍ່ດົນມານີ້ວ່າ: ໃນທິດທາງແຜນ
ການຈຸດສຸມສົກປີ 2014-2015 ແມ່ນຈະສືບຕໍ່ເຮັດໃຫ້ ຄາດໝາຍສູ້ຊົນການຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງ
ທີ IXຂອງ ພັກ, ແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີຄັ້ງທີ VII ກ່ຽວກັບວຽກແຮງງານຈະສຸມໃສ່ຈັດຕັ້ງ
ປະຕິບັດ4 ແຜນງານ 15 ໂຄງການ ເພື່ອບັນລຸວຽກຈຸດສຸມທີ່ສຳຄັນອັນປະກອບດ້ວຍການສ້າງສູນຂໍ້ມູນ ຂ່າວສານຕະ
ຫຼາດແຮງງານໃຫ້ໄດ້ 4 ແຫ່ງ (ຂັ້ນກະຊວງ 1 ແຫ່ງ, ຂັ້ນພາກ 3 ແຫ່ງ), ພັດ ທະນາສີມືແຮງງານໃຫ້ໄດ້ 91.941 ຄົນ, ສົ່ງ
ເສີມສະຖານທີ່ຝຶກວິຊາຊີບ, ສະ ຖານທີ່ພັດທະນາສີມືແຮງງານ ແລະ ຫົວໜ່ວຍແຮງງານຕ່າງໆ ດຳເນີນການທົດສອບ
ແລະ ອອກໃບຢັ້ງຢືນມາດຕະຖານສີມືແຮງງານຢ່າງກວ້າງຂວາງ ແລະ ແຂງແຮງກວ່າເກົ່າ, ສືບຕໍ່ສ້າງມາດຕະຖານສີ
ມືແຮງງານຂົງເຂດບໍລິການໃຫ້ໄດ້ 5 ສາຂາອາຊີບ (ການບໍລິການຕ້ອນຮັບ, ການບໍລິການອາຫານ ແລະ ເຄື່ອງດື່ມ, ການ
ບໍລິການທ່ອງທ່ຽວ, ການປຸງແຕ່ງອາຫານ-ແມ່ເຮືອນ) ແລະ ຈັດຕັ້ງການແຂ່ງຂັນຊ່າງສີມືແຮງງານພາຍໃນລະດັບ
ຕ່າງໆຢ່າງກວ້າງຂວາງ.
ຊຸກຍູ້ສົ່ງເສີມທຸກຂະແໜງການເສດຖະກິດລວມທັງຂົງເຂດການ ບໍລິຫານ, ສູ້ຊົນຈັດຫາວຽກເຮັດງານທຳໃຫ້ໄດ້ປະມານ
70,1 ພັນຄົນ, ເຮັດໃຫ້ອັດຕາສ່ວນແຮງງານໃນຂົງເຂດກະສິກຳຫຼຸດລົງເປັນ 68%, ຂົງເຂດອຸດສາຫະກຳ-ກໍ່ສ້າງເພີ່ມຂຶ້ນ
ເປັນ 8,2% ແລະ ການບໍລິການເພີ່ມຂຶ້ນເປັນ 24,1% ຄວບ ຄຸມອັດຕາວ່າງງານໃຫ້ຢູ່ໃນລະດັບ 2%, ສູ້ຊົນໂຄສະນາເຜີຍ
ແຜ່ກົດໝາຍນິຕິກຳກ່ຽວກັບແຮງງານ, ກວດກາແຮງງານກ່ຽວກັບຫົວໜ່ວຍແຮງງານ ແລະ ໂຄງການຕ່າງໆຢ່າງກວ້າງ
ຂວາງ,ສະເໜີຕໍ່ລັດຖະບານພິຈາລະນາຮັບຮອງເອົາຜົນການປັບປຸງຄ່າແຮງ ງານຂັ້ນຕ່ຳຂອງຜູ້ອອກແຮງງານໃນຂົງເຂດ
ທຸລະກິດ, ສືບຕໍ່ປະສານງານກັບຂະແໜງການກ່ຽວຂ້ອງຂັນສູນກາງ ແລະ ທ້ອງຖິ່ນຈັດຕັ້ງປະຕິບັດຕາມມະຕິ 03/ລບ
ກ່ຽວກັບການແກ້ໄຂຊາວຕ່າງປະເທດທີ່ເຂົ້າມາທຳມາຫາກິນດ້ວຍ ການຄ້າຂາຍ ແລະ ອອກແຮງງານຮັບຈ້າງຢູ່ ສປປ ລາວ
ໃຫ້ມີປະສິດທິຜົນກວ່າເກົ່າ.
ແນວໃດກໍດີ ໃນຊຸມປີຜ່ານມາ ຂະແໜງ ຮສສ ແລະ ພາກສ່ວນຕ່າງໆນັບທັງພາກລັດ ແລະ ເອກະຊົນ, ການຈັດຕັ້ງສັງຄົມ,
ຫົວໜ່ວຍການຜະລິດທຸລະກິດ, ໂຄງການລົງທຶນທຸກລະດັບສາມາດຈັດຕັ້ງການຝຶກວິຊາຊີບ ແລະ ພັດທະນາ ສີມືແຮງງານ
ໄດ້ທັງໝົດ 158.622 ຄົນ, ຍິງ 71.490 ຄົນ, ທຽບ ໃສ່ແຜນການ 5 ປີ ເທົ່າກັບ 71,59% (ແຜນການວາງໄວ້ 221.583 ຄົນ),
ໃນນັ້ນຂະແໜງກະສິກຳ 46.208 ຄົນ, ບໍລິການ 65.921 ຄົນ, ອຸດສາຫະກຳ ແລະ ກໍ່ສ້າງ 46.496 ຄົນ.
ແຫລ່ງຂ່າວ: ເສດຖະກິດ – ສັງຄົມ