ປະຊາຊົນ ບ້ານດົງນາໂຊກ ເມືອງສີໂຄດຕະບອງ ນະຄອນຫຼວງວຽງຈັນ ຮ້ອງຮຽນຜ່ານສື່ ເພື່ອແຈ້ງໃຫ້ພາກສ່ວນທີ່ກ່ຽວຂ້ອງ ຈົ່ງໄດ້ມາມາຕະການເຂັ້ມງວດຕໍ່ການຫຼິ້ນ ປີໃໝ່ ທີ່ມີໂອກາດເປັນອັນຕະລາຍຕໍ່ຊີວິດແລະຊັບສິນ ຂອງພໍ່ແມ່ປະຊາຊົນ.
ປະຊາຊົນຜູ້ບໍ່ປະສົງອອກນາມເລົ່າວ່າ ເວລາ 0 ໂມງກົງ ຂອງວັນທີ 1 ມັງກອນ 2015 ເຊິ່ງເປັນໄລຍະເວລາຂ້າມຜ່ານ ຈາກປີເກົ່າສູ່ປີໃໝ່ ໄດ້ມີຄົນຍິງປືນຂຶ້ນຟ້າ ປະມານ 10 ກວ່າລູກ ລ້ວມີຫົວລູກປືນຕົກລົງໃສ່ຫຼັງຄາເຮືອນ ຈົນເຮັດໃຫ້ສັງກະສີຊອດ ແລ້ວຕົກລົງກາງເຮືອນ ໂຊກດີທີ່ບໍ່ມີໃຜໄດ້ຮັບບາດເຈັບ ຫຼືເສຍຊີວິດ.
