ລະດູໜາວເຂົ້າມາທຸກມື້ ຫລາຍແຂວງກໍໜາວຫລາຍແລ້ວ ສາວໆ ຫລາຍຄົນກໍຄົງມີໂປແກມໄປທ່ຽວຕອນນີ້ນອກຈາກໜ້າງາມ,ຊຸດງາມແລ້ວ ອີກຢ່າງທີ່ເຮົາກໍຕ້ອງເບິ່ງແຍງໃຫ້ງາມຢູ່ສະເໝີ ກໍຄື “ຜົມ” ຂອງເຮົານັ້ນເອງ ລະດູໜາວເຮົາກໍຕ້ອງມີການເບິ່ງແຍງຜົມທີ່ພິເສດຫລາຍກວ່າເດີມນຳ ໃນໜ້າໜາວແບບນີ້ ຕໍ່ໃຫ້ອາກາດຈະເຢັນຫລາຍປານໃດກໍຕາມ ແຕ່ແດດໄລຍະກາງເວັນ ແຮງ!!! ສຸດໆໄປເລີຍ ເພາະສະນັ້ນຜົມເຮົາຕ້ອງຜະເຊີນທັງກັບຄວາມໜາວເຢັນຈາກອາກາດ ແລະ ກໍຄວາມຮ້ອນຈາກແສງແດດອີກດ້ວຍ
ການເບິ່ງແຍງເສັ້ນຜົມໃຫ້ເງົາງາມ
– ເລືອກຢາສະຜົມທີ່ມີຄ່າ pH ເປັນກາງ ທີ່ສາມາດເຮັດຄວາມສະອາດໄດ້ຢ່າງອ່ອນໂຍນ ໂດຍບໍ່ເຮັດໃຫ້ຜົມແຫ້ງ
– ຫລີກລ້ຽງການໃຊ້ນ້ຳອຸ່ນສະຜົມ ເພາະຈະເຮັດໃຫ້ໜັງຫົວແຫ້ງລອກເປັນຂຸຍ
– ຄວນໃຊ້ Oil ໝັກຜົມເພື່ອຄວາມຊຸ່ມຊື້ນກ່ອນສະ ແລະບໍ່ຄວນສະຜົມເລື້ອຍຈົນເກີນໄປ
– ເວລາສະຜົມໃຫ້ນວດໜັງຫົວໄປນຳ ເພື່ອຊ່ວຍໃຫ້ເກີດການໝຸນວຽນເລືອດທົ່ວບໍລິເວນໜັງຫົວ
– ຫລັງການສະຜົມ ຄວນເຮັດຜົມໃຫ້ແຫ້ງກ່ອນຫວີ ເພາະການຫວີຂະນະທີ່ຜົມປຽກຈະເຮັດໃຫ້ເສັ້ນຜົມຂາດງ່າຍ
– ໝັ່ນໝັກບຳລຸງເສັ້ນຜົມດ້ວຍທຣີດເມັນທີ່ມີສ່ວນປະສົມຂອງມອຍຊ໌ເຈີໄລເຊີລ໌ເຂັ້ມຂຸ້ນ ທີ່ຊ່ວຍເພີ່ມນ້ຳໜັກໃຫ້ກັບເສັ້ນຜົມ
– ຫລີກລ້ຽງການໃຊ້ຄວາມຮ້ອນສູງຈາກການໄດຜົມ ໜີບຜົມ ເພື່ອຈັດຊົງຜົມຕ່າງໆ
– ກ່ອນອອກຈາກບ້ານ ຈຶ່ງຄວນສີດພົມເຊລ່ຳບຳລຸງຜົມ ໃຫ້ທົ່ວເສັ້ນຜົມ ເພື່ອຊ່ວຍປົກປ້ອງຈາກຄວາມຮ້ອນແລະສະພາບແວດລ້ອມ
– ຫາກຕ້ອງຜະເຊີນກັບແສງແດດໂດຍກົງໃຫ້ໃຊ້ໝວກປ້ອງກັນລັງສີຍູວີຈາກການຮັບແສງແດດຈັດ
– ໃນລະຫວ່າງມື້ ຄວນດື່ມນ້ຳຫລາຍໆ ເພື່ອຄືນຄວາມຊຸ່ມຊື້ນໃຫ້ກັບເສັ້ນຜົມ
– ເລືອກຮັບປະທານອາຫານທີ່ມີສານອາຫານຊ່ວຍບຳລຸງສຸຂະພາບຜົມ ເນັ້ນການຮັບປະທານອາຫານທີ່ມີໂປຕີນສູງ ສານອາຫານປະເພດທາດເຫລັກ ແລະ ວິຕາມິນຊີເສີມ