Eggsotic Beauty : ໄກ່ງາມເພາະຂົນ ຄົນງາມເພາະ “ ໄຂ່ ” ກັບເຄັດລັບທີ່ເຈົ້າອາດບໍ່ເຄີຍຮູ້
ຕອນນີ້ເວລານີ້ຖ້າໃຜປະສົບບັນຫາຜົມແຫ້ງແຕກປາຍຢູ່ ແທນທີ່ເຈົ້າຈະເປີດກະເປົ໋າເງິນເພື່ອຊື້ຄີມນວດກ໋ອງໃໝ່ ເຮົາຂໍແນະນຳໃຫ້ເຈົ້າ “ເຕາະ” ເປືອກໄຂ່ແທນກັນກ່ອນດີກວ່າ
ເພາະວ່າພາຍໃນໄຂ່ມີໂປຕີນຊະນິດໃກ້ຄຽງກັບຂອງເສັ້ນຜົມ ດ້ວຍເຫດນີ້ໄຂ່ຈຶ່ງເປັນຕົວເລືອກທີ່ເໝາະທີ່ຈະໃຊ້ແທນຄອນດິຊັນເນີແລະມາດ ບຳລຸງຜົມ ພຽງແຕ່ນຳໄຂ່ແດງມາປະສົມກັບນ້ຳມັນໝາກກອກໜ້ອຍໜຶ່ງຕີໃຫ້ເຂົ້າກັນແລ້ວມາລົງເທິງ ເສັ້ນຜົມ ແຕ່ຖ້າຢ້ານຫົວເໝັນຫືນກໍສາມາດເຕີມນ້ຳມັນຫອມລະເຫຍເພີ່ມກິ່ນອະໂລມາເຂົ້າໄປໄດ້ ຫລື ເພີ່ມໄຂ່ແດງອີກ 1 ຫນ່ວຍສຳລັບຜົມແຫ້ງຫລາຍ ກ່ອນຈະຖິ້ມໄວ້ປະມານ 20 ນາທີ ແລ້ວລ້າງອອກດ້ວຍນ້ຳອຸ່ນ ເທົ່ານີ້ຜົມເຈົ້າກໍຈະນຸ່ມສວຍງາມ
ແຕ່ດ໋ຽວກ່ອນ! ຂໍ້ດີຂອງໄຂ່ຍັງບໍ່ໝົດທໍ່ນັ້ນ ເພາະໄຂ່ຍັງມີສ່ວນປະກອບສຳຄັນໃນການບຳລຸງຜິວ ກ່າວກັນວ່າ ຫາກເອົາໄຂ່ຂາວປະສົມນ້ຳແລ້ວລ້າງໜ້າກໍຈະເຮັດໃຫ້ໜ້າໃສ ແລະ ລຸດຂະໜາດຂອງຮູຂຸມຂົນໄດ້ຢ່າງ ຊະນິດ ໃນຂະນະທີ່ໄຂ່ແດງຈະອຸດົມໄປດ້ວຍວິຕາມິນເອ ຈຶ່ງມີສ່ວນຊ່ວຍເພີ່ມຄວາມຊຸ່ມຊື່ນປະດຸດມອຍເຈີລ໌ໄລເຊີ ຊຶ່ງວິທີກໍບໍ່ຕ່າງກັນ ຄືປະສົມນ້ຳແລ້ວລ້າງໜ້າກໍເປັນອັນສຳເລັດ
ໄຂ່ຂອງສາວໆ ກ້ຽງຕູ້ເຢັນກໍຄາວນີ້!
– “ໄຂ່ຂາວ” ສຸດຍອດນັກກຳຈັດຄາບ
ຈາກປະໂຫຍດຂອງໄຂ່ໃນຂໍ້ທີ່ຜ່ານມາ ເຮົາຄົງເຫັນພ້ອງຕ້ອງກັນວ່າ “ໄຂ່ຂາວ” ນັ້ນດີຕໍ່ “ຜິວພັນ” ແຕ່ຄວາມເປັນຈິງແລ້ວໄຂ່ຍັງດີຕໍ່ “ໜັງ” ອີກດ້ວຍ
ຄຸນສົມບັດຂອງໄຂ່ຂາວຢູ່ທີ່ຄວາມສາມາດໃນການກຳຈັດຄາບ ເນື່ອງຈາກຄວາມໜຽວຂອງໄຂ່ຈະຊ່ວຍດຶງສິ່ງເປື້ອນສົກກະປົກໃຫ້ຫລຸດລອກໄດ້ງ່າຍ ໂດຍສະເພາະເຄື່ອງໜັງທັງຫລາຍແຫລ່ ບໍ່ວ່າຈະເປັນກະເປົ໋າ ເກີບ ເຂັມຂັດ ໄປຈົນເຖິງສິ່ງຂອງທີ່ເປັນໜັງກໍສາມາດເຮັດຄວາມສະອາດໄດ້ສະບາຍໆ ດ້ວຍການໃຊ້ໄຂ່ຂາວດິບຢອດໃສ່ບໍລິເວນທີ່ເປັນຄາບ ແລ້ວຂັດຄ່ອຍໆ ດ້ວຍແປງນ້ອຍໆ ຈາກນັ້ນໃຫ້ນຳຜ້າແຫ້ງຄ່ອຍໆ ຖູແລ້ວເຊັດອອກອີກເທື່ອ ໃນທີ່ສຸດເຮົາຈະໄດ້ພົບກັບຜົນລັບອັນໜ້າດີໃຈ ເພາະຄາບເປື້ອນສົກກະປົກຈະຫາຍປານເດັດຖິ້ມ ແຕ່ນັ້ນຍັງບໍ່ເລີດເທົ່າກັບການທີ່ໄຂ່ຂາວຈະຖິ້ມຄາບບາງໆ ເອົາໄວ້ ແລະເຮັດໃຫ້ເຄື່ອງໜັ’ຂອງເຈົ້າເງົາຂຶ້ນ! ໄດ້ຢ່າງບໍ່ໜ້າເຊື່ອ