ເຮົາຈະມັກໄດ້ຍິນຄໍາເວົ້າທີ່ວ່າ: ໜັງທ້ອງເຄັງໜັງຕາຍານ, ຫຼາຍຄົນສົງໃສວ່າຫຼັງຈາກຮັບປະທານອາຫານແລ້ວມັນຈະເຮັດໃຫ້ເຮົາຮູ້ສຶກຢາກນອນແທ້ບໍ່? ຫຼັງຈາກຮັບປະທານອາຫານແລ້ວມີຜົນເຮັດໃຫ້ເຮົາຮູ້ສຶກຢາກນອນໄດ້ອີຫຼີ!
ເນື່ອງຈາກລະບົບການທໍາງານໃນສະໝອງຊ້າລົງ ແລະ ຈໍານວນເລື່ອດທີ່ຈະໄປລ້ຽງສະໝອງມີຈໍານວນຫຼຸດໜ້ອຍລົງ ເພາະເລື່ອດຈໍານວນຫຼາຍ ແລະ ລະບົບສັ່ງການໃນສະໝອງຖືກນໍາໄປໃຊ້ໃນຂະບວນການຍ່ອຍອາຫານ ເມື່ອຄົນເຮົາໄດ້ຮັບປະທານອາຫານເຂົ້າໄປ ກະເພາະກໍ່ຈະເລີ່ມທໍາງານຍ່ອຍອາຫານເຊິ່ງໄດ້ນໍາເອົາເລືອດຈາກພາກສ່ວນຕ່າງໆມາຊ່ວຍຍ່ອຍອາຫານຈຶ່ງເຮັດໃຫ້ຂະບວນການປະຕິບັດການຂອງສະໝອງຊ້າລົງ ຈຶ່ງເຮັດໃຫ້ເຮົາຮູ້ສຶກອ່ອນເພຍ ແລະ ຢາກນອນໄດ້.
ເຊິ່ງແທ້ຈິງແລ້ວການອນຕອນກາງເວັນເປັນເວລາປະມານ 15-30 ນາທີ ຈະສົ່ງຜົນດີກັບຮ່າງກາຍ ເຊິ່ງເໝືອນກັບເປັນການໄດ້ ຊາກແບັດໃຫ້ກັບຮ່າງກາຍ ເຮັດໃຫ້ກັບມາສູ່ການເຮັດວຽກໄດ້ຢ່າງສົດຊື່ນ.
ການນອນລັບ ເປັນຂະບວນການຢ່າງໜຶ່ງໃນຮ່າງກາຍມີການ ນໍາເອົາຮອກໂມນທີ່ຄວບຄູມການຈະເຈີນເຕີບໂຕອອກມາ ມີການຊ້ອມແຊມອະໄວຍະວະຕ່າງໆຕາມຮ່າງກາຍທີ່ບາດເຈັບ ແລະ ຊ່ວຍເສີມສ້າງຄວາມຕ້ານທ່ານການຕິດເຊື້ອໄດ້ອີກດ້ວຍ. ລອງສັງເກດເບິ່ງວ່າຄົນອົດນອນຈະມັກເປັນຫວັດງ່າຍ ເນື່ອງຈາກວ່າພູມຕ້ານທານຫຼຸດລົງຍ້ອນການພັກຜ່ອນບໍ່ພຽງພໍ.