ຕາມຂ່າວຕ່າງປະເທດ,ວັນທີ 23 ເດືອນ12, ເຈົ້າໜ້າທ່ີກະຊວງການຄ້າສະຫະລັດອາ​ເມ​ລິ​ກາເປີດ​ເຜີ​ຍວ່າ: ລວມຍອດຜະລິດ​ຕະພັນ​ພາຍ​ໃນ​ປະ​ເທດ ​ຫລື GDPໃນ​ໄລຍະ​​ໄຕ​ມາດ3 (ເດືອນ​ກໍລະກົດ-​ກັນຍາ​)​ ໃນປີນີ້ໄດ້​ຂະຫຍາຍຕົວ​ 5 % ຫລັງ​ຈາກ​ທີ່​ຂະຫຍາຍຕົວ​ຢ່າງຕໍ່​ເນື່ອງ​ ຈາກ​ໄຕ​ມາດ 2 ເພີ່ມຂຶ້ນ 4,6% ສົ່ງ​ຜົນ​ເຮັດ​ໃຫ້​ຕະຫລາດ​ຫຸ້ນ​ອາ​ເມ​ລິ​ກາ(ດາວ​ໂຈນ) ​ເພີ່ມ​ຂຶ້ນ​ເຖິງ18. 000 ຈຸດ​ເປັນ. ນີ້ຖືວ່າເປັນຄັ້ງທຳ​ອິດ​ໃນ​ຮອບ10​ ກວ່າ​ປີ.

ເຈົ້າໜ້າທ່ີກະຊວງ​ການ​ຄ້າ​ອາ​ເມ​ລິ​ກາ ​ແຈ້ງ​ຕື່ມ​ວ່າ: ການ​ໃຊ້​ຈ່າຍ​ຂອງ​ຜູ້​ບໍລິ​ໂພ​ກ​​ເພີ່ມ​ຂຶ້ນ 3,2% ຖື​ເປັນການ​ເພີ່ມ​ຂຶ້ນ​ ຫລາຍ​ທີ່​ສຸດ​ ນັບ​ແຕ່​ທ້າຍ​ປີ2013, ພ້ອມ​ກັນນັ້ນ ຕົວ​ເລກ​ການ​ບໍລິ​ໂພ​ກສິນຄ້າ​ ກໍ​ເພີ່ມ​ຂຶ້ນ 4,7%,ການ​ໃຊ້​ຈ່າຍ​ໃນ​ພາກ​ບໍລິ​ການ​ເພີ່ມ​ຂຶ້ນ 2,5% ເຊັ່ນ​ດຽວ​ກັນ ຕົວ​ເລກ​ການ​ຈ້າງ​ງານ​ ເພີ່ມ​ຂຶ້ນ​ເຖິງ 321.000ຕຳ​​ແໜ່​ງ.

ນອກຈາກນັ້ນ, ທ່ານນາງ ​ເຈ​ເນັດ​ເຢລ​ເລນ ປະທານ​ທະນາຄານ​ກາງ​ສ.ອາ​ເມ​ລິກາ(ເຟດ) ແຈ້ງວ່າ: ​ເສດຖະກິດ​ອາ​ເມ​ລິ​ກາພວມ​ຟື້ນ​ຕົວຂຶ້ນຢ່າງ​ໜັ້ນຄົງ​​​ ແຕ່ຈໍາ​ເປັນ​ຕ້ອງ​​ເພີ່ມ​ຄວາມ​ເຂັ້ມ​ແຂງ​ໃນດ້ານການຕະຫລາດ​ແຮງ​ງານ​ເຊັ່ນກັນ ແລະ ຈະຕ້ອງ​ຮັກສາ​ອັດຕາ​ດອກ​ເບ້ຍ​ລະດັບ​ຕ່ຳ​ຕໍ່​ໄປ​ອີກ​ໃນຫລາຍ​ເດືອນ.

ຂອບໃຈຂໍ້ມູນດີໆ ຈາກ :​ ຂປລ