spot_img
Homeຂ່າວການພັດທະນາເສັ້ນທາງສູ່ການພັດທະນາຂອງ ສ.ປ.ປ ລາວ

ເສັ້ນທາງສູ່ການພັດທະນາຂອງ ສ.ປ.ປ ລາວ

Published on

   02.1tn_2

#ມາດຖານໃນການເຂົ້າເປັນ ແລະ ຫລຸດພົ້ນອອກຈາກ ປະເທດດ້ອຍພັດທະນາ

ຕາຕະລາງທີ 2: ມາດຖານໃນການເຂົ້າເປັນແລະ ຫລຸດພົ້ນຈາກສະຖານະພາບປະເທດດ້ອຍພັດທະນາທຸກໆສາມປີຈະມີການທົບທວນລາຍຊື່ ບັນດາປະເທດດ້ອຍພັດທະນາ ໂດຍອີງໃສ່ ສາມມາດຖານ. ໃນການທົບທວນດັ່ງກ່າວ ຈະມີການພິຈາລະນາ ຄວາມເປັນໄປໄດ້ໃນການເພີ່ມປະເທດໃດຫນຶ່ງເຂົ້າໃນບັນຊີລາຍຊື່ ປະເທດດ້ອຍພັດທະນາ, ແລະ ພິຈາລະນາ ຄວາມເປັນໄປໄດ້ຂອງປະເທດໃດຫນຶ່ງໃນການຫລຸດພົ້ນຈາກສະຖານະພາບດ້ອຍພັດທະນາ. ຂີດຫມາຍຂອງສາມມາດຖານ ໃນການເຂົ້າເປັນແມ່ນແຕກຕ່າງກັບ ຂີດຫມາຍ ຂອງ ການຫລຸດພົ້ນ. ສາມມາດຖານທີ່ກ່າວເຖິງແມ່ນມີຄືດັ່ງລຸ່ມນີ້:
  • 1 ມາດຖານລາຍຮັບທີ່ຕໍ່າ, ອີງຕາມການຄາດຄະເນ ຄ່າສະເຫລ່ຍສາມປີ ຂອງລາຍຮັບແຫ່ງຊາດຕໍ່ຫົວຄົນ (GNI). ການທົບທວນ ໃນ2012 ຄາດວ່າ ສ.ປ.ປ ລາວ ສາມາດບັນລຸໄດ້ 77% ຂອງ US$1,190 ເຊິ່ງເປັນຂີດຫມາຍຂອງການຫລຸດພົ້ນທີ່ໄດ້ກຳນົດໄວ້;
  • 2 ມາດຖານຄວາມອ່ອນແອທາງດ້ານຊັບສິນມະນຸດ, ອີງຕາມດັດສະນີທາງດ້ານໂພສະນາການ, ສາທາລະນະສຸກ (ອັດຕາການຕາຍຂອງເດັກ), ອັດຕາການເຂົ້າຮຽນຂອງໃນລະດັບມັດທະຍົມ, ອັດຕາການຮູ້ຫນັງສື ຂອງຜູ້ໃຫຍ່. ໃນປີ 2012 ສ.ປ.ປ ລາວໄດ້ບັນລຸ 93% ຂອງມາດຖານດັ່ງກ່າວ;
  • 3 ມາດຖານຄວາມອ່ອນໄຫວ (ຄວາມບອບບາງ) ທາງດ້ານເສດຖະກິດ, ອີງຕາມດັດສະນີຜົນກະທົບ ແບບກະທັນຫັນ ທາງດ້ານ ທຳມະຊາດ ແລະ ທີ່ພົວພັນເຖິງດ້ານການຄ້າ, ອັດຕາສ່ວນຂອງປະຊາກອນທີ່ດຳລົງຊີວິດລຽບຕາມແຄມທະເລ, ຄວາມຈຳກັດ ຫລື ບໍ່ຫລາກຫລາຍຂອງເສດຖະກິດ (ດ້ານການຜະລິດ ແລະ ການສົ່ງອອກ), ຄວາມຫ່າງໄກ (remoteness) ແລະ ຂະຫນາດຂອງປະເທດທີ່ນ້ອຍ (smallness). ໃນປີ 2012, ສ.ປ.ປ ລາວ ບັນລຸ 86% ຂອງມາດຖານດັ່ງກ່າວ.

ບັນຊີລາຍຊື່ຂອງປະເທດດ້ອຍພັດທະນາແມ່ນຖືກທົບທວນຄືນ ທຸກໆສາມປີໂດຍອົງການ

ສ.ປ.ຊ. ການທົບທວນ ຄັ້ງຫລ້າສຸດແມ່ນໄດ້ຈັດຂຶ້ນໃນເດືອນມີນາ ປີ2012 ໂດຍຄະນະກໍາມະການນະໂຍບາຍພັດທະນາຂອງອົງການ ສ.ປ.ຊ. ມາດຖານທີ່ນຳໃຊ້ໃນປະຈຸບັນ ເພື່ອເຂົ້າເປັນ ແລະ ຫລຸດພົ້ນຈາກປະເທດດ້ອຍພັດທະນາ ພ້ອມກັບຄວາມຄືບຫນ້າ ຂອງ ສ.ປ.ປ ລາວໃນການຫລຸດພົ້ນແມ່ນໄດ້ຖືກລະບຸໃນຕາຕະລາງທີ 2. ໃນທຸກໆຄັ້ງຂອງ ການທົບທວນບັນດາລາຍຊື່ປະເທດດ້ອຍພັດທະນາ, ຈະມີການທົບທວນ ແລະ ກຳນົດຂີດຫມາຍການຫລຸດພົ້ນ ຂອງແຕ່ລະມາດຖານ, ເຊິ່ງມາດຖານຂອງການຫລຸດພົ້ນປະກອບດ້ວຍ ສາມມາດຖານຫລັກ. ຫລັກການຂອງ ການຫລຸດພົ້ນ ຂອງອົງການ ສ.ປ.ຊ ໄດ້ກຳນົດໄວ້ວ່າ ເພື່ອຈະຖືກພິຈາລະນາວ່າປະເທດໃດຫນຶ່ງມີ ເງື່ອນໄຂເບື້ອງຕົ້ນໃນການຫລຸດພົ້ນ, ປະເທດດັ່ງກ່າວຕ້ອງບັນລຸໄດ້ຢ່າງຫນ້ອຍສອງໃນສາມຂີດຫມາຍການຫລຸດພົ້ນ ໃນສອງຄັ້ງຂອງການທົບທວນຕິດຕໍ່ກັນປັນ

ຢ່າງຫນອ້ຍ.

ສ.ປ.ປ ລາວແມ່ນຍັງບໍ່ທັນບັນລຸໄດ້ ມາດຖານໃດຫນຶ່ງໃນສາມມາດຖານດັ່ງກ່າວ. ອີງຕາມການຄາດຄະເນ ຄັ້ງຫລ້າສຸດໂດຍອົງການ ສ.ປ.ຊ, ຖ້າຫາກວ່າການພັດທະນາດ້ານເສດຖະກິດສັງຄົມຂອງສປປ ລາວ ມີຄວາມກ້າວຫນ້າຢ່າງຕໍ່ເນື່ອງ, ໃນປີ2015 ສປປ ລາວ ອາດສາມາດບັນລຸຢ່າງຫນ້ອຍສອງໃນສາມຂີດຫມາຍຂອງການຫລຸດພົ້ນແລະ ມີເງື່ອນໄຂເບື້ອງຕົ້ນສຳລັບການຫລຸດພົ້ນ. ຖ້າວ່າຄວາມຄືບຫນ້າໃນລະດັບດຽວກັນ ຫລື ລະດັບທີ່ສູງກວ່າແມ່ນຍັງສືບຕໍ່ ຮອດປີ 2018, ສ.ປ.ປ ລາວຈະມີ ເງື່ອນໄຂຄົບຖ້ວນ ໃນການຫລຸດພົ້ນອອກຈາກ ສະຖານະພາບປະເທດດ້ອຍພັດທະນາແລະ ໂດຍປົກກະຕິແມ່ນຈະໄດ້ຖືກສະເຫນີ ໃຫ້ຫລຸດພົ້ນອອກຈາກສະຖານະພາບປະເທດດ້ອຍພັດທະນາ, ຫລັງຈາກນັ້ນ ສະພາເສດຖະກິດ ແລະ ສັງຄົມ ຂອງອົງການ ສ.ປ.ຊ (ECOSOC) ແລະ ກອງປະຊຸມສະມັດຊາໃຫຍ່່ ສ.ປ.ຊ ກໍ່ຈະຮັບຮອງເອົາການສະເຫນີດັ່ງກ່າວ. ຈາກນັ້ນໄລຍະຂ້າມຜ່ານກໍ່ຈະເລີ່ມໃນທ້າຍປີ 2018 ແລະ ການຫລຸດພົ້ນອອກຈາກສະຖານະພາບປະເທດ ດ້ອຍພັດທະນາຢ່າງເປັນທາງການຈະເກີດຂຶ້ນຫລັງຈາກສິ້ນສຸດໄລຍະຂ້າມຜ່ານ

(ແຫລ່ງຂໍ້ມູນ: ອົງການສະຫະປະຊາຊາດດ້ານການຄ້າ ແລະ ການພັດທະນາ
(UNCTAD), ປີ2012)

ຂອບໃຈຂໍ້ມູນດີໆ ຈາກ: http://neri.gov.la

 

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...