ສົົ່ງເສີມ ແລະ ນໍາໃຊ້ໂທລະຄົມມະນາຄົມ, ເຕັກໂນໂລຊີ ການສື່ສານຂໍ້ມູນຂ່າວສານ (ໄອຊີທີ), ປັນຍາປະດິດ ແລະ ດີຈິຕອນທີ່ທັນສະໄໝ, ມີຄວາມປອດໄພສູງ ເຂົ້າໃນທຸກຂະແໜງການເສດຖະກິດ-ສັງຄົມ ແຕ່ສູນກາງລົງຮອດທ້ອງຖິ່ນ ເພື່ອຂັບເຄື່ອນການພັດທະນາເສດຖະກິດ-ສັງຄົມ ເຂົ້າສູ່ຍຸກອຸດສາຫະກໍາ 4.0, ຫັນເປັນລັດຖະບານດີຈິຕອນ ແລະ ສ້າງເສດຖະກິດ-ສັງຄົມດີຈິຕອນ; ສືບຕໍ່ຜັນຂະຫຍາຍ 8 ຍຸດທະສາດ ແລະ 14 ແຜນງານ ທີ່ໄດ້ກໍານົດໃນແຜນພັດທະນາເສດຖະກິດດີຈິຕອນ ຍຸດທະສາດ ພັດທະນາໂທລະຄົມມະນາຄົມ ແລະ ອິນເຕີເນັດແຫ່ງຊາດໄລຍະປີ 2026-2040 ໃຫ້ປະກົດຜົນເປັນຈິງ.
ຂໍ້ມູນດັ່ງກ່າວ ໄດ້ຮັບການງານໃນໂອກາດທີ່ ທ່ານ ສັນຕິສຸກ ສິມມາລາວົງ ລັດຖະມົນຕີກະ ຊວງເຕັກໂນໂລຊີ ແລະ ການສື່ສານ ມີຄໍເຫັນໃນໂອກາດວັນໂທລະຄົມມະນາຄົມ ແລະ ຂໍ້ມູນຂ່າວສານສາກົນ ຄົບຮອບ 161 ປີ(17/5/1865-17/5/2026). ພ້ອມນີ້, ທ່ານຍັງໄດ້ຮຽກຮ້ອງມາຍັງທຸກພາກ ສ່ວນ, ທັງພາກລັດ, ພາກເອກະຊົນ, ຜູ້ປະກອບການ, ຜູ້ໃຊ້ບໍລິການ ແລະ ປະຊາຊົນທຸກຖ້ວນໜ້າ ຈົ່ງຮ່ວມກັນສົ່ງເສີມການນຳໃຊ້ເຕັກໂນໂລຊີດີຈິຕອນດ້ວຍຄວາມຮັບຜິດຊອບ, ຍົກສູງສະຕິຕໍ່ການຫລອກລວງທາງອອນລາຍ ແລະ ສະໜັບສະໜູນການພັດທະນາທັກສະດີຈິຕອນ. ພ້ອມນັ້ນ, ຂໍໃຫ້ຮ່ວມກັນຊຸກຍູ້ນະວັດຕະກຳດີຈິຕອນ, ສ້າງແພລດຟອມດີຈິຕອນ ທີ່ຮອງຮັບທຸກຄົນ ແລະ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຕາມທິດສີຂຽວ ແລະ ຍືນຍົງ.
ໂອກາດນີ້, ທ່ານ ສັນຕິສຸກ ສິມມາລາວົງ ຍັງໄດ້ໃຫ້ຄຳໝັ້ນສັນຍາວ່າ: ກະຊວງເຕັກໂນໂລຊີ ແລະ ການສື່ສານ ຈະສືບຕໍ່ຮ່ວມມືກັບສະຫະພາບໂທລະຄົມມະນາຄົມສາກົນ, ອົງການສາກົນ ແລະ ພາກສ່ວນຕ່າງໆພາຍໃນປະເທດ ເພື່ອຊຸກຍູ້ການຫັນເປັນດີຈິຕອນ ທີ່ຮອງຮັບສຳລັບທຸກຄົນ ແລະ ປະກອບສ່ວນເຂົ້າໃນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XII ຂອງພັກ, ແຜນພັດທະນາເສດ ຖະກິດ-ສັງຄົມແຫ່ງຊາດ ແລະ ເປົ້າໝາຍການພັດທະນາທີ່ຍືນຍົງ.
ແຫຼ່ງທີ່ມາ: ປະເທດລາວ