ໃນວັນທີ 19 ພະຈິກ 2025 ທີ່ຜ່ານມາ, ສານ ຫວຽດນາມ ຕັດສິນຈຳຄຸກ 2 ປີ ຫງຽນ ຕຸກ ຕຸຍ ຕຽນ (Nguyen Thuc Thuy Tien) Miss Grand International 2021 ຄະດີໂຄສະນາສິນຄ້າເກີນຈິງ ຫຼອກລວງຜູ້ບໍລິໂພກ
ນອກຈາກ ຫງຽນ ຕຸກ ຕຸຍ ຕຽນ (Nguyen Thuc Thuy Tien) ຖືກສານຕັດສິນຈຳຄຸກແລ້ວ ສານຍັງສັ່ງໃຫ້ຈຳເລີຍທັງ 5 ຄົນ ທີ່ມີສ່ວນກ່ຽວຂ້ອງ ຈ່າຍຄ່າປັບໃໝອິກ 50 ລ້ານດົງ ແລະ ຍຶດຜົນກຳໄລຜິດກົດໝາຍຫຼາຍກວ່າ 12,000 ລ້ານດົງ ເຂົ້າເປັນຂອງລັດ ແລະ ບໍລິສັດຍັງຕ້ອງໃຊ້ເງິນຄືນໃຫ້ກັບຜູ້ເສຍຫາຍທີ່ຊື້ຜະລິດຕະພັນດັ່ງກ່າວອີກດ້ວຍ.
ສານໃຫ້ເຫດຜົນວ່າ ຈຳເລີຍທຸກຄົນຕ່າງຮູ້ດີວ່າ ຄຸນນະພາບຂອງຜະລິດຕະພັນບໍ່ຖືກຕ້ອງກັບທີ່ໂຄສະນາ ແຕ່ຍັງດຳເນີນການໂຄສະນາສິນຄ້າຢ່າງຕໍ່ເນື່ອງ ແຕ່ຄວາມຈິງແລ້ວຜະລິດຕະພັນ ມີການໂຄສະນາເກີນຈິງ ແລະ ຍັງບໍ່ສາມາດລະບຸທີ່ມາຂອງສ່ວນປະກອບຢ່າງຊັດເຈນ. ເຊິ່ງການກະທຳດັ່ງກ່າວສົ່ງຜົນໃຫ້ຜູ້ເສຍຫາຍກວ່າ 56,000 ຄົນ ທີ່ໄດ້ຊື້ຜະລິດຕະພັນ ລວມມູນຄ່າກວ່າ 10 ຕື້ດົງ ຫຼື ປະມານ 8.6 ຕື້ກີບ.
ແຫຼ່ງຂໍ້ມູນ: VnExpress