spot_img
Homeຂ່າວການພັດທະນາໃຫ້ສຳເລັດໃນ 5 ປີ ກະຊວງໂຍທາທິການ ແລະ ຂົນສົ່ງ ສຸມໃສ່ການຍົກລະດັບເສັ້ນທາງຄົມມະນາຄົມທາງບົກ 11 ໂຄງການ

ໃຫ້ສຳເລັດໃນ 5 ປີ ກະຊວງໂຍທາທິການ ແລະ ຂົນສົ່ງ ສຸມໃສ່ການຍົກລະດັບເສັ້ນທາງຄົມມະນາຄົມທາງບົກ 11 ໂຄງການ

Published on

ກະຊວງໂຍທາທິການ ແລະ ຂົນສົ່ງ (ຍທຂ) ວາງທິດທາງແຜນການ, ຄາດໝາຍສູ້ຊົນ, ວຽກງານຈຸດສຸມແຕ່ລະດ້ານ ແລະ ມາດຕະການຈັດຕັ້ງປະຕິບັດ ໃນ 5 ປີຕໍ່ໜ້າ(2026-2030) ໂດຍຈະສຸມໃສ່ຍົກລະດັບເສັ້ນທາງຄົມມະນາຄົມທາງບົກຢ່າງມີຈຸດສຸມ ເພື່ອເຊື່ອມຈອດພາກພື້ນຕາມບັນ ດາແລວທາງເສດຖະກິດ, ໄປພ້ອມກັບການພັດທະນາເສັ້ນທາງເຊື່ອມຈອດພາຍໃນ ຕິດພັນກັບການພັດ ທະນາຕົວເມືອງ ໃຫ້ສໍາເລັດ 11 ໂຄງການ. ພ້ອມທັງ, ຈະສຸມໃສ່ນໍາໃຊ້ທ່າແຮງ ຂອງທຸກພາກສ່ວນເສດ ຖະກິດ ໂດຍສະເພາະພາກເອກະຊົນ ໃນການຍົກລະດັບທາງຫລວງແຫ່ງຊາດສາຍຫລັກ ທີ່ມີການຂົນ ສົ່ງຫລາຍ, ມີທ່າແຮງໃຫ້ສາມາດຮັບນໍ້າໜັກໄດ້ໄດ້ 11 ໂຕນ/ເພົາ ຄາດຄະເນໃຫ້ໄດ້ 500 ກິໂລແມັດ, ສຸມໃສ່ວຽກງານຄຸ້ມຄອງນຳໜັກລົດບັນທຸກ, ຄຸ້ມຄອງດ້ານເຕັກນິກທາງດ່ວນ ແລະ ບັນດາວຽກງານຕ່າງໆທີ່ມີຄວາມຈໍາເປັນ.

ສະຫາຍ ງາມປະສົງ ເມືອງມະນີ ຮອງລັດຖະມົນຕີ ກະຊວງ ຍທຂ ໄດ້ລາຍງານຕໍ່ກອງປະຊຸມໃຫຍ່ຜູ້ແທນອົງຄະນະພັກກະຊວງ ຍທຂ ຄັ້ງທີ VI ເມື່ອບໍ່ດົນນີ້ວ່າ: ໃນລະຍະ 5 ປີໃນຕໍ່ໜ້າ ໂດຍຈະສຸມໃສ່ຍົກລະດັບເສັ້ນທາງຄົມມະນາຄົມທາງບົກຢ່າງມີຈຸດສຸມ ໃຫ້ສໍາເລັດ 11 ໂຄງການຄື: ໂຄງການປັບປຸງ ແລະ ສ້ອມແປງທາງເລກ 13 ໃຕ້ ແຕ່ທ່າແຂກ-ດ່ານສາກົນ ນາເພົ້າ; ຂົວ 6 ແຫ່ງ ຕາມທາງເລກ 8; ຂົວ 12 ແຫ່ງ ຕາມທາງເລກ 20; ທາງຫລວງທ້ອງຖິ່ນ 5 ແຂວງພາກເໜືອ; ໂຄງການພັດທະນາຊົນນະບົດໄລຍະ 3 ແລະ ໄລຍະ 4; ໂຄງການກໍ່ສ້າງທາງແຕ່ເມືອງປາກທາ-ເມືອງຜາອຸດົມ; ທາງຫລວງແຫ່ງຊາດເລກ 8 ທີ່ໄດ້ຮັບຄວາມເສຍຫາຍຈາກໄພພິບັດປີ 2023; ສືບຕໍ່ກະກຽມ ແລະ ສູ້ຊົນໃຫ້ສຳເລັດການກໍ່ສ້າງ 3 ໂຄງການ ຄື: ໂຄງການກໍ່ສ້າງຂົວ ຂ້າມນໍ້າຂອງຊຽງແມນ-ນະຄອນຫລວງພະບາງ, ທາງຫລວງທ້ອງຖິ່ນ ເພື່ອເຊື່ອມໂຍງ-ເຊື່ອມຈອດ ຢູ່ 3 ແຂວງພາກໃຕ້ (ຄຳມ່ວນ, ສະຫວັນນະເຂດ ແລະ ສາລະວັນ), ໂຄງການກໍ່ສ້າງຂົວ 12 ແຫ່ງ ຕາມທາງຫລວງແຫ່ງຊາດເລກ 13 ໃຕ້; ສືບຕໍ່ກະກຽມ 2 ໂຄງການ ຄື: ຂົວຂ້າມນໍ້າຂອງມິດຕະພາບ ລາວ-ໄທ ແຫ່ງທີ 6 ສາລະວັນ-ອຸບົນຣາດຊະທານີ; ໂຄງ ການຟື້ນຟູ ແລະ ຍົກລະດັບ ທາງເລກ 18B ແລະ ສືບຕໍ່ສຶກສາບັນດາໂຄງການ ຕາມເສັ້ນທາງຫຼວງແຫ່ງຊາດ.

ສຳລັບ ວຽກງານຂົນສົ່ງ ຈະສືບຕໍ່ນຳພາພັດທະນາການບໍລິການຂົນສົ່ງພາຍໃນປະເທດ, ລະຫວ່າງປະເທດ ແລະ ຜ່ານແດນໃຫ້ມີຄວາມສະດວກ, ວ່ອງໄວ, ປອດໄພ ສາມາດຮ່ວມມື ແລະ ແຂ່ງ ຂັນກັບສາກົນໄດ້; ສ້າງທ່າບົກທ່າແຂກ, ທ່າບົກຫ້ວຍຊາຍ ແລະ ທ່າບົກຫລວງພະບາງ ເພື່ອເປັນສູນບໍລິການດ້ານໂລຈິສຕິກລະດັບສາກົນ, ພ້ອມທັງປັບປຸງ ແລະ ຄຸ້ມຄອງ ລາຄາຄ່າບໍລິການທ່າບົກໃຫ້ສົມເຫດສົມຜົນ; ເພີ່ມທະວີການຄຸ້ມຄອງຕິດຕາມກວດກາ ລົດຂົນສົ່ງສິນຄ້າ ເຂົ້າ-ອອກ ລະຫວ່າງປະເທດ ແລະ ຜ່ານແດນ ໃຫ້ເປັນໄປຕາມສັນຍາການຂົນສົ່ງທີ່ ສປປ ລາວ ໄດ້ເຂົ້າຮ່ວມເປັນພາຄີ; ປັບປຸງມາດຕະຖານລົດຂົນສົ່ງໂດຍສານ, ສະຖານີຂົນສົ່ງໂດຍສານ, ການຄຸ້ມຄອງສາຍທາງຂົນສົ່ງຜູ້ໂດຍສານປະຈຳທາງ ດ້ວຍລະບົບທັນສະໄໝ; ຄຸ້ມຄອງມາດຕະຖານເຕັກນິກ, ການນຳເຂົ້າ, ການຂຶ້ນທະບຽນ ແລະ ການນໍາໃຊ້ ຍານພາຫະນະ ດ້ວຍລະບົບທີ່ທັນສະໄໝ ໂດຍການສ້າງສູນຄວບຄຸມການຂົນສົ່ງ, ສູນຄວບຄຸມການຈະລາຈອນ, ການຈອດລົດ, ລະບົບກ້ອງວົງຈອນປິດ ພາຍໃຕ້ໂຄງການຄຸ້ມຄອງຍານ ພາຫະນະ ແລະ ການຂົນສົ່ງແບບຄົບວົງຈອນ (PPP).

ສ່ວນວຽກງານທາງນໍ້າ ສືບຕໍ່ນຳພາພັດທະນາທ່າເຮືອ, ປັບປຸງຄອງເດີນເຮືອຕາມລຳແມ່ນໍ້າຂອງ, ປັບປຸງລະບົບການຂົນສົ່ງທາງນໍ້າໃຫ້ມີຄວາມປອດໄພ ໄດ້ມາດຕະຖານສາກົນ; ຄຸ້ມຄອງ ແລະ ຊຸກຍູ້ ນໍາໃຊ້ການຄົມມະນາຄົມ-ຂົນສົ່ງທາງນໍ້າຕາມ ລໍາແມ່ນໍ້າຂອງ ແລະ ແມ່ນໍ້າສາຂາ ຕິດພັນກັບການທ່ອງ ທ່ຽວ ແລະ ການຂົນສົ່ງສິນຄ້າ. ສ່ວນວຽກງານທາງລົດໄຟ ສືບຕໍ່ພັດທະນາເສັ້ນທາງລົດໄຟ ເພື່ອເຊື່ອມຈອດກັບບັນດາປະເທດໃກ້ຄຽງ, ພາກພື້ນ ແລະ ສາກົນ; ແກ້ໄຂຂໍ້ຄົງຄ້າງຈາກການກໍ່ສ້າງໂຄງການກໍ່ ສ້າງລົດໄຟ ລາວ-ຈີນ ໃຫ້ສຳເລັດ; ປັບປຸງການບໍລິການແລ່ນລົດໄຟລາວ-ຈີນ, ລາວ-ໄທ ໃຫ້ມີປະສິດທິຜົນສູງຂຶ້ນ; ຕິດຕາມການຈັດຕັ້ງຜັນຂະຫຍາຍໂຄງການຮ່ວມມືພັດທະນາເສັ້ນທາງລົດໄຟ ລາວ-ຫວຽດ ນາມ ທີ່ບໍລິສັດຝ່າຍ ລາວ ແລະ ຫວຽດນາມ ໄດ້ເຊັນຮ່ວມນໍາກັນຜ່ານມາ; ສຳຫລວດ, ສຶກສາຄວາມເປັນໄປໄດ້ ແລະ ອອກແບບລະອຽດ ໂຄງການທາງລົດໄຟ ແຕ່ນະຄອນຫລວງວຽງຈັນຫາ ຕົວເມືອງທ່າແຂກ ແຂວງຄຳມ່ວນ ຫາ ຊາຍແດນລາວ-ຫວຽດນາມ (ນາເພົ້າ); ສຳຫລວດ, ສຶກສາຄວາມເປັນໄປໄດ້ ແລະ ອອກແບບລະອຽດ ໂຄງການທາງລົດໄຟ ແຕ່ນະຄອນ ໄກສອນ ພົມວິຫານ ແຂວງສະຫວັນນະເຂດຫາ ດ່ານສາກົນແດນສະຫວັນ-ລາວບາວ; ສຶກສາຄວາມເປັນໄປໄດ້ເສັ້ນທາງລົດໄຟ ແຕ່ນະຄອນ ຫລວງວຽງຈັນ ຫາ ແຂວງຈຳປາສັກ (ຊາຍແດນລາວ-ກຳປູເຈຍ).

ແຫຼ່ງຂໍ້ມູນ: ປະເທດລາວ

ບົດຄວາມຫຼ້າສຸດ

ກິນແໜງຢູ່ໃນໃຈ ຊາຍຄົນຈີນເຄີຍຂາຍໄຂ່ຫຼັງເພື່ອຊື້ໄອໂຟນ ຍ້ອນຢາກມີຄືໝູ່ ສຸດທ້າຍກາຍເປັນຄົນພິການ

ເລື່ອງນີ້ໄດ້ເກີດຂຶ້ນໃນປີ 2011 ທີ່ຜ່ານມາ ແລະ ກາຍເປັນອຸທາຫອນໃຫ້ແກ່ຫຼາຍໆຄົນທີ່ຮູ້ເທົ່າບໍ່ເຖິງການ ຫຼື ຄິດໜ້ອຍເກີດໄປໃນການຕັດສິນໃຈໂດຍບໍ່ຄຳນຶງເຖິງຜົນກະທົບໄລຍະຍາວ.ໂດຍມີກໍລະນີມີເດັກຊາຍຈີນຄົນໜຶ່ງອາຍຸ 17 ປີ ໄດ້ຕັດສິນໃຈລັກຂາຍໄຕຂອງຕົນເອງ ເພື່ອທີ່ຈະເອົາເງິນໄປຊື້ໄອໂຟນ. ໃນປີ 2011 ນັ້ນ, ໄອໂຟນ...

ສະຫລຸບຜົນການແຂ່ງຂັນຊ່ວງເຮືອປະເພນີ ຈອມແຈ້ງ ເມືອງ ສີສັດຕະນາກ ປະຈໍາປີ 2025

ຜົນການແຂ່ງຂັນເຮືອຊ່ວງປະເພດ 12 ສີພາຍ ແລະ 55 ສີພາຍ ໃນງານບຸນຊ່ວງເຮືອປະເພນີຈອມແຈ້ງ ປະຈໍາປີ 2025 ບຸນຊ່ວງເຮືອປະເພນີຈອມແຈ້ງ ປະຈໍາປີ 2025 ໄດ້ຈັດຂຶ້ນທີ່ທ່າວັດຈອມແຈ້ງ, ເມືອງ ສີສັດຕະນາກ,...

ກອງປະຊຸມໃຫຍ່ ຜູ້ແທນອົງຄະນະພັກ ນະຄອນຫຼວງວຽງຈັນ ຄັ້ງທີ VIII ໄຂຂຶ້ນຢ່າງເປັນທາງການ

ກອງປະຊຸມໃຫຍ່ ຜູ້ແທນອົງຄະນະພັກ ນະຄອນຫຼວງວຽງຈັນ ຄັ້ງທີ VIII ໄຂຂຶ້ນຢ່າງເປັນທາງການ ກອງປະຊຸມໃຫຍ່ຜູ້ແທນ ອົງຄະນະພັກ ນະຄອນຫລວງວຽງຈັນ ຄັ້ງທີ VIII ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 25 ກັນຍາ...

ເສື້ອຊ້ອນສະແກນນິ້ວ ອອກແບບມາເພື່ອໃຫ້ໃຊ້ນິ້ວຄົນຮັກໃນການປົດລ໊ອກ ນະວັດຕະກຳໃໝ່ຈາກຍີ່ປຸ່ນຖ້າເປັນເຈົ້າຈະຊື້ ຫຼື ບໍ່?

ໃນປັດຈຸບັນທີ່ເຕັກໂນໂລຊີໄດ້ພັດທະນາຢ່າງຕໍ່ເນື່ອງ ເຮັດໃຫ້ມີນະວັດຕະກຳເຄື່ອງໃຊ້ໃໝ່ໆທີ່ຖືກຄິດຄົ້ນຂຶ້ນມາຢ່າງຫຼາກຫຼາຍ ແລະ ໜຶ່ງໃນນັ້ນມີສິ່ງທີ່ເຮັດໃຫ້ຫຼາຍໆຄົນປະຫຼາດໃຈ ແລະໃຫ້ຄວາມສົນໃຈຢ່າງຍິ່ງ ກໍຄື ເສື້ອຊ້ອນສະແກນດ້ວຍນິ້ວມື ເຊິ່ງຖືກຄິດຄົ້ນໂດຍນັກສຶກສາຍິງ ຈາກປະເທດຍີ່ປຸ່ນ. ສຳລັບແນວຄິດການປົດລ໊ອກໂດຍການສະແກນນິ້ວ ແລະ ຈຸດປະສົງໃນການສະແກນນິ້ວ ຕ້ອງເປັນລາຍນິ້ວມືຂອງຄົນຮັກເທົ່ານັ້ນ. ເຊິ່ງນໍາເອົາເຕັກໂນໂລຊີ Biometric...