ວົງການມວຍຍີ່ປຸ່ນເສົ້າ! 2 ນັກຊົກມວຍເສຍຊີວິດເວທີດຽວກັນ ຫຼັງໄດ້ຮັບອາການບາດເຈັບ ໝໍເຜີຍເລືອດອອກໃນເຫຍື້ອຫຸ້ມສະໝອງ.
ສຳນັກຂ່າວຕ່າງປະເທດລາຍງານເຫດການສຸດສະຫຼົດ ຂອງວົງການມວຍຍີ່ປຸ່ນ ໄດ້ເກີດເຫດການສຸດຊ໋ອກ ຫຼັງຈາກຊິເງໂຕຊິ ນັກຊົກອາຍຸ 28 ປີ ເສຍຊີວິດ ເມື່ອວັນສຸກ 8 ສິງຫາ 2025 ຜ່ານມາ, ຫຼັງມີອາການເລືອດອອກຢູ່ໃຕ້ເຫຍື້ອຫຸ້ມສະໝອງ ຈາກການຂຶ້ນຊົກມວຍກັບ ຍາມາໂຕະ ຮາຕະ ເມື່ອວັນທີ 2 ສິງຫາ 2025 ຜ່ານມາ.
ຫຼ້າສຸດເມື່ອວັນທີ 10 ສິງຫາ 2025 ສື່ຕ່າງປະເທດລາຍງານວ່າ: ຮິໂລມາສະ ອຸຮາຄາວະ ນັກຊົກມວນຊາວຍີ່ປຸ່ນອີກໜຶ່ງລາຍ ອາຍຸ 28 ປີ ຂຶ້ນຊົກໃນເວທີດຽວກັບ ໂຄທາຣິ ກໍເສຍຊີວິດລົງແລ້ວ ດ້ວຍສາເຫດອັນດຽວກັນ.
ຕາມການລາຍງານ ສຳລັບໂຄທາຣິ ຂຶ້ນຊົກຊິງສາຍເອວລຸ້ນຊຸບເປີເຟເທີເວດ ຂອງສະຫະພັນມວນພາກພຶ້ນຕາເວັນອອກ ແລະ ປາຊີຟິກ (OPBF) ທີ່ນພຄອນໂຕກຽວ ໂດຍຜົນການແຂ່ງຂັນສະເໝີກັບ ຍາມາໂຕະ ຮາຕະ, ຂະນະທີ່ທາງ ອຸຮາຄາວະ ແພ້ນ໋ອກ ໃຫ້ກັບທາງ ໂຍຈິ ໄຊຕະ ໃນລຸ້ນເຟເທີເວດ ເຊິ່ງພາຍຫຼັງການຊົກ ທັງຄູ່ຖືກນຳຕົວສົ່ງໂຮງໝໍເພື່ອຮັບກາຜ່າຕັດສະໝອງສຸກເສີນຈາກພາວະເລືອດອອກຢູ່ໃຕ້ເຫຍື້ອຫຸ້ມສະໝອງ.
ພາຍຫຼັງທີ່ເກີດການບາດເຈັບຮຸນແຮງດັ່ງກ່າວ ທາງກຳມະທິການມວຍຂອງ ຍີ່ປຸ່ນ ໄດ້ອອກມາປະກາດການຊົກມວຍຂອງ (OPBF) ໃຫ້ຫຼຸດຈຳນວນຍົກລົງ ຈາກ 12 ຍົກ ໃຫ້ເຫຼືອ 10 ຍົກທັນທີ.
ເຊິ່ງກ່ອນໜ້ານີ້ ເມື່ອເດືອນກຸມພາ ຜ່ານມາ, ຈອນ ຄູນີ ນັກຊົກມວຍຊາວໄອຣີສ ກໍເສຍຊີວິດຫຼັງຈາກການຂຶ້ນຊົກກັບ ນາທານ ຫາວເວວ ນັກຊົກມວຍຊາວ ເວວ ທີ່ເບວຟາດ ຫຼັງຈາກການຂຶ້ນຊົກແລ້ວເກີດພາວະເລືອດອອກໃນສະໝອງ.