spot_img
Homeຂ່າວຕ່າງປະເທດໄທກຽມອອກໜັງສືເຊີນຊວນ ໃຫ້ນາຍຈ້າງ ມີມື້ພັກສຳລັບເປັນປະຈຳເດືອນໂດຍໄດ້ຮັບຄ່າຈ້າງ

ໄທກຽມອອກໜັງສືເຊີນຊວນ ໃຫ້ນາຍຈ້າງ ມີມື້ພັກສຳລັບເປັນປະຈຳເດືອນໂດຍໄດ້ຮັບຄ່າຈ້າງ

Published on

ກົມສະວັດດິການ ແລະ ຄຸ້ມຄອງແຮງງານ ອອກໜັງສືເຊີນຊວນ ໃຫ້ນາຍຈ້າງ ມີມື້ພັກສຳລັບເປັນປະຈຳເດືອນໂດຍໄດ້ຮັບຄ່າຈ້າງ

ສຳນັກຂ່າວຕ່າງປະເທດລາຍງານໃນວັນທີ 21 ພຶດສະພາ 2025 ກົມສະວັດດິການ ແລະ ຄຸ້ມຄອງແຮງງານ ອອກໜັງສືເຊີນຊວນ ໃຫ້ນາຍຈ້າງ ມີມື້ພັກສຳລັບເປັນປະຈຳເດືອນໂດຍໄດ້ຮັບຄ່າຈ້າງ ພ້ອມລະບຸຄືບາດກ້າວທີ່ສຳຄັນອະນາຄົດປ່ຽນຈາກ ແນະນຳ ເປັນຂໍ້ບັງຄັບທາງກົດໝາຍ.

ທ່ານ ນາງ ການ ພັດສະລິນ ລາມວົງ ສະມາຊິກຜູ້ແທນຣາຊາດອນ ກຸງເທບມະຫານະຄອນ ພັກປະຊາຊົນ ໄດ້ໂພສເຟສບຸກ ກໍລະນີກົມສະວັດດິການ ແລະ ຄຸ້ມຂອງແຮງງານອກກໜັງສືໃຫ້ທຸກຈັງຫວັດ ຕອບຮັບຂໍ້ສະເໜີເລື່ອງ: ຜ້າອະນາໄມ ເປັນສະວັດດີການ ແລະ ໃຫ້ມີມື້ພັກປະຈຳເດືອນໂດຍໄດ້ຮັບຄ່າຈ້າງ ເຊິ່ງເປັນຂໍ້ຮຽກຮ້ອງທີ່ເຄືອຄ່າຍແຮງງານພາກເໜືອໄດ້ຍື່ນໄວ້ໃນວັນຜູ້ອົບພະຍບຍ້າຍຖິ່ນສາກົນທີ່ຜ່ານມາໂດຍລະບຸວ່າ: ຖືເປັນເລື່ອງໜ້າຍິນດີຫຼາຍ ທີ່ໜ່ວຍງານລັດເລີ່ມຍົກຂໍ້ສະເໜີຂອງພາກປະຊາຊົນໄປສື່ສານຕໍຈົນຮອດລະດັບຈັງຫວັດ ເຊິ່ງສະແດງໃຫ້ເຫັນວ່າເກີດການຕອບສະໜອງເຊີງນະໂຍບາຍໄດ້ແທ້.

ທ່ານ ນາງ ການ ຍັງກ່າວຕື່ມອີກວ່າ: ຕົນ ແລະ ພັກປະຊາຊົນ ໄດ້ປຸກລະດົມນະໂຍບາຍກ່ຽວກັບສິດທິອະນາໄມຈະເລີນພັນຂອງຜູ້ມີປະຈຳເດືອນມາໂດຍຕະຫຼອດ ນັບຕັ້ງແຕ່ຜ້າອະນາໄມຟຣີ ການໃຊ້ມື້ພັກຕອນເຈັບທ້ອງປະຈຳເດືອນ ໄປຈົນຮອດສະວັດດິການດູແລສິດທິອະນາໄມຈະເລີນພັນຄົບວົງຈອນ.

ບາງເນື້ອໃນໜັງສືເຊີນຊວນມີຫຼາຍຂໍ້ສຳ ໜຶ່ງໃນນັ້ນກໍຄວາມໝັ້ນຄົງໃນການຈ້າງງານ, ປ່ຽນລະບົບການຈ້າງງານລາຍມື້ລາຍເດືອນ, ເພີ່ມຄ່າແຮງຂັ້ນຕ່ຳໃຫ້ສອດຄ່ອງກັບຄ່າຄອງຊີບ, ເວລາພັກຜ່ອນ ຈຳກັດຊົ່ວໂມງໃນການເຮັດວຽກບໍໃຫ້ເກີນ 40 ຊົ່ວໂມງຕໍ່ອາທິດ, ເພີ່ມມື້ພັກຂັ້ນຕ່ຳ, ສັກສີຄວາມເປັນມະນຸດໃນບ່ອນຮັດວຽກ, ຫ້າມເລືອກປະຕິບັດດ້ວຍເຫດແຫ່ງເພດ ຫຼື ສະຖານະພາບ ແລະ ສະເໜີໃຫ້ມີສິດລາພັກເນື່ອງຈາກມີປະຈຳເດືອນ 3 ມື້/ເດືອນ ໂດຍບໍ່ນັບໃສ່ມື້ລາປ່ວຍ ລວມເຖິງຈັດໃຫ້ມີພຶ້ນທີ່ເກັບນ້ຳນົມແມ່ ແລະ ຜ້າອະນາໄມຟຣີຢູ່ບ່ອນເຮັດວຽກ.

ທ່ານ ນາງ ການ ຍັງໄດ້ກ່າວຕື່ມອີກວ່າ: ນີ້ແມ່ນບາດກ້າວທໍາອິດທີ່ສໍາຄັນ. ເຖິງແມ່ນວ່າໃນປັດຈຸບັນທາງກົມ ສະວັດດິການ ແລະ ຄຸ້ມຄອງແຮງງານ ຍັງໃຊ້ພາສາວ່າ “ເຊີນຊວນ” ນາຍຈ້າງ, ແຕ່ການທີ່ໜ່ວຍງານລັດສະແດງຈຸດຢືນໃນທາງນະໂຍບາຍ ຄືຊ່ອງທາງທີ່ໃຊ້ຕໍ່ຍອດ ເພື່ອປ່ຽນຈາກຄຳແນະນະເປັນຂໍ້ບັງຄັບທາງກົດໝາຍ.

ແຫຼ່ງຂ່າວ: ໄທລັດ

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...