F-35 ກອງທັບອາກາດສະຫະລັດ ເກີດເຫດຕົກໃນອາລາສກາ ໂຊກດີທີ່ນັກບິນສາມາດດີດຕົວອອກໄດ້ທັນປອດໄພ.
ສຳນັກຂ່າວຕ່່ງປະເທດລາຍງານໃນວັນທີ 29 ມັງກອນ 2025 ຜ່ານມາ, ທ່ານ ພົນເອກ ພອລ ທາວເຊັນ ຜູ້ບັນຊາການກອງບິນຂັບໄລ່ທີ່ 354 ໄດ້ອອກມາຖະແຫຼງຂ່າວກ່ຍວກັບເຫດການ ເຮືອບິນຂັບໄລ່ F-35 ປະສົບອຸບັດຕິເຫດຕົກລະຫວ່າງການຝຶກຊ້ອມ ໂດຍມີເນື້ອໃນວ່າ: ເຮືອບິນລຳດັ່ງກ່າວຕົກໃນລະຫວ່າງທີ່ກຳລັງລົງຈອດໃນສະໜາມບິນ ຂອງກອງທັບອາກາດ (Eielson) ໃນອາລາສກາ ສະຫະລັດອາເມຣິກາ ເມື່ອວັນທີ 28 ມັງກອນ 2025 ຜ່ານມາ, ນັກບິນສາມາດດີດຕົວອອກມາຈາກເຮືອບິນໄດ້ຢ່າງປອດໄພ.
ທ່ານໄດ້ກ່າວຕື່ມອີກວ່າ: ນັກບິນໄດ້ປະກາດເຫດສຸກເສີນເທິງເຮືອບິນກ່ອນເກີດອຸບັດຕິເຫດ ໂດຍທາງກອງທັບອາກາດຈະດຳເນີນການສອບສວນຢ່າງເຂັ້ມງວດ ເພື່ອບໍ່ໃຫ້ເຫດການດັ່ງກ່າວເກີດຂຶ້ນອີກ.
ເຊິ່ງກ່ອນໜ້ານີ້ໃນຊ່ວງ ເດືອນພຶດສະພາ ປີ 2024 ກໍເກີດເຫດລັກສະນະດຽວກັນ ເຮືອບິນ F-35 ທີ່ກຳລັງເດີນທາງຈາກລັດເທັກຊັດ ໄປຫາ ຖານທັບອາກາດເອັດເວີດ ທີ່ຢູ່ໃກ້ເມືອງລອສແອນແຈລີສ ລັດແຄລິຟໍເນຍ ໄດ້ປະສົບອຸູບັດຕິເຫດຕົກ ຫຼັງຈາກນັກບິນຢຸດເຕີມນ້ຳມັນເຊື້ອໄຟໃນລັດນິວແມັກຊິໂກ ທາງດ້ານນັກບິນໄດ້ຮັບບາດເຈັບສາຫັດ.
ແຫຼ່ງຂ່າວ: PPTV