spot_img
Homeຂ່າວພາຍ​ໃນສາລະວັນ ຕິດຕາມ-ຄຸ້ມຄອງລາຄາສິນຄ້າໃນຕະຫຼາດ ໄລຍະງານມະຫາກຳກິລາມັດທະຍົມສຶກສາຄັ້ງທີ VII

ສາລະວັນ ຕິດຕາມ-ຄຸ້ມຄອງລາຄາສິນຄ້າໃນຕະຫຼາດ ໄລຍະງານມະຫາກຳກິລາມັດທະຍົມສຶກສາຄັ້ງທີ VII

Published on

ທ່ານ ຄໍາຜ່ານ ສີລາວີ ຫົວໜ້າພະແນກ ອຸດສາຫະກຳ ແລະ ການຄ້າ ແຂວງ ປະທານຄະນະກຳມະການຄຸ້ມຄອງລາຄາສິນຄ້າ ແລະ ຄ່າບໍລິການ ຂັ້ນແຂວງ ໄດ້ໃຫ້ສຳພາດຕໍ່ສື່ມວນຊົນແຂວງສາລະວັນ ໃນຕົ້ນອາທິດຜ່ານມາ ວ່າ: ໃນນາມພະແນກອຸດສະຫະກຳ ແລະ ການຄ້າ ເປັນຄະນະກຳມະການຄຸ້ມຄອງລາຄາສິນຄ້າ ແລະ ຄ່າບໍລິການ ຂັ້ນແຂວງ ກໍ່ໄດ້ວາງແຜນກວດກາຕິດຕາມການຄ້າຂາຍສິນຄ້າ ໃນຕະຫຼາດແຂວງສາລະວັນຢ່າງໃກ້ຊິດ, ໂດຍແຕ່ງຕັ້ງພະນັກງານວິຊາການຂະແໜງກ່ຽວຂ້ອງ ລົງກວດກາຕິດຕາມຕົວຈິງເປັນຕົ້ນ: ລາຄາສິນຄ້າຂັ້ນແຂວງ ໄດ້ກຳນົດໃນ 4 ໝວດ 23 ລາຍການ, ໃຫ້ຢູ່ໃນລາຄາມາດຕະຖານ ທີ່ພາກລັດໄດ້ກຳນົດ.

อาจเป็นรูปภาพของ 10 คน และ ข้อความ

ໃນນັ້ນມີຊີ້ນງົວ ປະເພດ 1 ໃຫ້ຂາຍໃນລາຄາ 130.000 ກີບ, ປະເພດ 2 ລາຄາ 120.000 ກີບ, ປະເພດຊີ້ນລວມ 80.000 ກີບ, ຊີ້ນໝູ ປະເພດ 1 ລາຄາ 80.000ກີບ, ປະເພດ 2 ລາຄາ 70.000 ກີບ, ປະເພດຊີ້ນລວມ 65.000 ກີບ, ປານິນ 60.000 ກີບ ແລະອື່ນໆອີກ.

อาจเป็นรูปภาพของ 4 คน และ ข้อความ

ນອກຈາກນັ້ນ, ທ່ານ ອະໂນໄທ ວົງສຸດທິ ຮອງອໍານວຍການຈັດສັນຕະຫຼາດເມືອງສາລະວັນ ຍັງໃຫ້ຮູ້ຕື່ມອີກວ່າ: ເພື່ອເປັນການກະກຽມ ໃຫ້ແກ່ການຈັດງານມະຫາກຳກິລາມັດທະຍົມສຶກສາ ທົ່ວປະເທດ ຄັ້ງທີ VII ທີ່ແຂວງສາລະວັນເປັນເຈົ້າພາບ, ທາງຄະນະຮັບຜິດຊອບຈັດສັນຕະຫຼາດ ໄດ້ມີການແນະນຳໃຫ້ພໍ່ຄ້າຊາວຂາຍ ແລະ ອະນາໄມຄວາມເປັນລະບຽບ ເພື່ອຮອງຮັບໃຫ້ແກ່ຜູ້ມາຊົມໃຊ້, ຈັບຈ່າຍ ໃຊ້ສອຍໃຫ້ມີຄວາມສະດວກສະບາຍ.

อาจเป็นรูปภาพของ 6 คน และ ข้อความ

ຂ່າວ: ໜັງສືພິມສາລະວັນ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...