ໃນໂອກາດຂຶ້ນສະເໜີບົດລາຍງານການເຄື່ອນໄຫວວຽກ ງານປະຈໍາປີ 2024 ແລະ ທິດທາງແຜນການປະຈຳປີ 2025 ຂອງສານປະຊາຊົນ ແລະ ສານທະຫານຕໍ່ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ IX ຢູ່ຫ້ອງປະຊຸມສະພາແຫ່ງຊາດ, ນະຄອນຫຼວງວຽງຈັນ ໃນວັນທີ 28 ພະຈິກ 2024, ທ່ານ ນາງ ວຽງທອງ ສີພັນດອນ, ປະທານສານປະຊາຊົນສູງສຸດ ໄດ້ລາຍງານໃຫ້ຮູ້ວ່າ:
ຜ່ານການຕິດຕາມກວດກາ ເຫັນວ່າມີຜູ້ພິພາກສາໄດ້ມີການປະພຶດ, ກະທຳຜິດຕໍ່ລະບຽບກົດໝາຍເຊິ່ງໄດ້ປະຕິບັດວິໄນ 3 ຄົນຄື: (1) ປະຕິບັດວິໄນ 1 ຄົນ ໂດຍໃຫ້ປົດຊັ້ນຜູ້ພິພາກສາ ຈາກຊັ້ນສາມເປັນຊັ້ນສອງ; (2) ບໍ່ໃຫ້ປະຕິບັດໜ້າທີ່ເປັນຜູ້ພິພາກສາ ໂດຍສັບຊ້ອນໄປເຮັດວຽກບໍລິຫານ ເປັນເວລາ 2 ປີ ຈຳນວນ 1 ຄົນ; (3) ໂຈະການປະຕິບັດໜ້າທີ່ຈົນກ່ວາຈະດໍາເນີນຂັ້ນຕອນຕາມກົດໝາຍສິ້ນສຸດ 1 ຄົນ.
ຂ່າວ: ວສລ