spot_img
Homeຂ່າວພາຍ​ໃນເສຍຊີວິດກໍລະນີທີ 4 ຈາກການດື່ມເຫຼົ້າປະສົມສານປົນເປື້ອນທີ່ວັງວຽງ

ເສຍຊີວິດກໍລະນີທີ 4 ຈາກການດື່ມເຫຼົ້າປະສົມສານປົນເປື້ອນທີ່ວັງວຽງ

Published on

ຈາກກໍລະນີທີ່ສັງຄົມໃຫ້ການຕິດຕາມຢ່າງໃກ້ຊິດກ່ຽວກັບນັກທ່ອງທ່ຽວກຸ່ມໜຶ່ງມາທ່ຽວໃນເມືອງວັງວຽງ, ແຂວງວຽງຈັນ, ສປປ ລາວ ແລ້ວໄດ້ເຂົ້າໂຮງໝໍຫຼັງຈາກດື່ມເຫຼົ້າທີ່ຄາດວ່າມີສານປົນເປື້ອນ ໃນວັນທີ 18 ພະຈິກ 2024 ທີ່ຜ່ານມາ.

ລາຍງານຈາກ ABC News ອົດສະຕາລີ ຫຼ້າສຸດ, ມີຜູ້ເສຍຊິວິດເພີ່ມ 1 ຄົນ ເຊິ່ງເປັນຄົນອາເມລິກາ ຈາກການດື່ມເຫຼົ້າທີ່ຄາດວ່າ ມີສານປົນເປື້ອນ methanol. ກະຊວງການຕ່າງປະເທດສະຫະລັດອາເມລິກາໃຫ້ຮູ້ວ່າ: ພວກເຮົາສາມາດຢືນຢັນວ່າມີຄົນອາເມລິກາເສຍຊີວິດ 1 ຄົນ ຢູ່ທີ່ເມືອງວັງວຽງ, ພວກເຮົາຂໍສະແດງຄວາມເສຍໃຈມາຍັງຄອບຄົວໃນການສູນເສຍຄັ້ງນີ້, ແລະ ພວກເຮົາແມ່ນຕິດຕາມຢ່າງໃກ້ຊິດ ພ້ອມໃຫ້ການຊ່ວຍເຫຼືອທຸກເວລາ.

ນອກນີ້, 1 ໃນ 2 ຂອງນັກທ່ອງທ່ຽວ ຄົນອົດສະຕາລີ ທີ່ໄປຮັກສາຢູ່ທີ່ໂຮງໝໍໃນໄທ ກໍໄດ້ເສຍຊີວິດລົງໃນຕອນເຊົ້າມື້ນີ້ ວັນທີ 21 ພະຈິກ 2024 ເຊິ່ງທາງຄອບຄົວໄດ້ອອກມແຈ້ງຂ່າວ. ສ່ວນໝູ່ອີກ 1 ຄົນ ຍັງຮັກສາໂຕ ແລະ ໄດ້ຮັບການເບິ່ງແຍງຢ່າງໃກ້ຊິດຈາກທ່ານໝໍ.

ສຳລັບກໍລະນີທີ 1 ແລະ ກໍລະນີທີ 2 ທີ່ເສຍຊີວິດແມ່ນເປັນຄົນເດັນມາກ ຈາກການດື່ມເຫຼົ້າທີ່ມີສານປົນເປື້ອນເຊັ່ນດຽວກັນ.

ທັງນີ້, ທາງເຈົ້າໜ້າທີ່ຕຳຫຼວດ ແລະ ພາກສ່ວນກ່ຽວຂ້ອງໃນເມືອງວັງວຽງ ແລະ ນະຄອນຫຼວງວຽງຈັນ ກໍໄດ້ເຂົ້າກວດກາຈຸດເກີດເຫດ ພ້ອມສືບສວນສອບສວນເລື່ອງນີ້ຕໍ່ໄປ.

ບົດຄວາມຫຼ້າສຸດ

ລັດຖະບານ ໂດນັລ ທຣຳ ປະທານາທິບໍດີແຫ່ງສະຫະລັດ ພິຈາລະນາປິດສະຖານທູດ-ສະຖານກົງສຸນຕ່າງປະເທດ ເກຶອບ 30 ແຫ່ງ.

ລັດຖະບານ ໂດນັລ ທຣຳ ປະທານາທິບໍດີແຫ່ງສະຫະລັດ ພິຈາລະນາປິດສະຖານທູດ-ສະຖານກົງສຸນຕ່າງປະເທດ ເກຶອບ 30 ແຫ່ງ. ສຳນັກຂ່າວຕ່າງປະເທດລາຍງານໃນວັນທີ 16 ເມສາ 2025 ນີ້ວ່າ: ລັດທະບານຂອງປະທານາທິບໍດີ ໂດນັລ...

“ປະຫວັດຄວາມເປັນມາຂອງບຸນປີໃໝ່ລາວ” (ປະຫວັດນາງສັງຂານເທບພະທິດາທັງ 07)

"ປະຫວັດຄວາມເປັນມາຂອງບຸນປີໃໝ່ລາວ"(ປະຫວັດນາງສັງຂານເທບພະທິດາທັງ 07) ຄວາມເປັນມາຂອງນາງສັງຂານ (ບຸນປີໃໝ່ລາວ) ໃນອະດີດຕະການດົນນານມາແລ້ວ... ໃນສະໄໝນັ້ນມີເຈົ້າຜູ້ຄອງເມືອງສະຫວັນອົງໜື່ງຊື່ "ພະຍາກະບິນລະພຣົມ" ເປັນຄົນມີພູມປັນຍາສະຫຼາດອາດຫານເກັ່ງກ້າສາມາດບໍ່ມີຜູ້ໃດມາທຽມໄດ້ເປັນເທບແຫ່ງສວງສະຫວັນວິມານຊັ້ນຟ້າ (ຊັ້ນພຣົມ), ຢູ່ມາມື້ໜຶ່ງບັນດາເສນາອາມາດໄດ້ຮູ້ຂ່າວວ່າມີຊາຍໜຸ່ມຄົນໜື່ງໃນໂລກມະນຸດສະຫຼາດຫຼັກແຫຼມເປັນນັກປຣາດບັນດິດຈື່ງເຊີນເຂົ້າມາໃນເມືອງສະຫວັນເພື່ອທ້າສະໝອງລອງປັນຍາດ້ວຍເຫດເລົ່າກັນມາມີດັ່ງນີ້: "ພະຍາກະບິນລະພຣົມ" ຈຶ່ງໄດ້ທ້າສະໝອງລອງປັນຍາ ກັບທ່ານນັກປຣາດຜູ້ຮຽນຈົບໄຕຼເພດ (ຄວາມຮູ້ຂັ້ນສູງສາມຢ່າງ ໄດ້ແກ່...

ເຫດເຮລິຄອບເຕີ ຕົກລົງແມ່ນໍ້າຮັດສັນ ນະຄອນນິວຢອກ ສະຫະລັດອາເມລິກາ ເສຍຊີວິດ 6 ຄົນ

ເສຍຊີວິດໝົດລຳ! ເຫດເຮລິຄອບເຕີ ຕົກລົງແມ່ນໍ້າຮັດສັນ ນະຄອນນິວຢອກ ສະຫະລັດອາເມລິກາ ເສຍຊີວິດ 6 ຄົນ ສຳນັກຂ່າວຕ່າງປະເທດລາຍງານໃນຊ່ວງບາຍຂອງວັນທີ 10 ເມສາ 2025 ກີດເຫດເຮລິຄອບເຕີລຳໜຶ່ງປະສົບອຸບັດເຫດຄົກລົງໃນແມ່ນໍ້າຮັດສັນ ບໍລິເວນທ່າເຮືອ 40...

ພິທີມອບ​-ຮັບໂຄງການກໍ່ສ້າງ,​ ປັບປຸງ,​ ສ້ອມແປງ ອາຄານຫໍພິພິທະພັນແຂວງຈຳປາສັກ ມູນຄ່າ 15 ຕື້ດົງ

ພິທີມອບ​-ຮັບໂຄງການກໍ່ສ້າງ,​ ປັບປຸງ,​ ສ້ອມແປງ ອາຄານຫໍພິພິທະພັນແຂວງຈຳປາສັກ. ວັນທີ 11 ເມສາ 2025,​ ໄດ້ມີພິທີມອບ​-ຮັບໂຄງການກໍ່ສ້າງ,​ ປັບປຸງ,​ ສ້ອມແປງ ອາຄານຫໍພິພິທະພັນແຂວງຈຳປາສັກ ແຕ່ກ່ອນແມ່ນອາຄານຫ້ອງການພະແນກການຕ່າງປະເທດແຂວງ ຫຼື​ ອາຄານເກົ່າຫ້ອງວ່າການແຂວງ.​...