spot_img
Homeຂ່າວພາຍ​ໃນເຫດການເຮືອບິນລົງຈອດສຸກເສີນທີ່ແຂວງຄຳມ່ວນ

ເຫດການເຮືອບິນລົງຈອດສຸກເສີນທີ່ແຂວງຄຳມ່ວນ

Published on

ກາຍເປັນປະເດັນໃຫຍ່ໃນສື່ສັງຄົມອອນລາຍ ກໍລະນີມີພາບເຮືອບິນລົງຈອດສຸກເສີນທີ່ທົ່ງນາ ແຂວງຄຳມ່ວນ. ນອກນີ້ຍັງມີການເຄື່ອນຍ້າຍເຮືອບິນລຳດັ່ງກ່າວແຕ່ແຂວງຄຳມ່ວນຂຶ້ນມານະຄອນຫຼວງວຽງຈັນ ເຮັດໃຫ້ຜູ້ສັນຈອນໄປມາພົບເຫັນ ພ້ອມເກັບພາບ-ບັນທຶກວີດີໂອ ລົງໃນສື່ສັງຄົມອອນລາຍຂອງຕົນ ແລະ ມີການສະແດງຄວາມຄິດເຫັນໄປຕ່າງໆນາໆຈາກຜູ້ໃຊ້ສື່ສັງຄົມອອນລາຍ.

ຫຼ້າສຸດ, ວັນທີ 19 ພະຈິກ 2024 ນີ້, ກອງບັນຊາການທະຫານອາກາດກອງທັບປະຊາຊົນລາວໄດ້ໃຫ້ສໍາພາດຕໍ່ເຫດການເຮືອບິນລົງຈອດສຸກເສີນທີ່ແຂວງຄໍາມ່ວນໃນຂະນະທີ່ກໍາລັງບິນກັບຈາກການປະຕິບັດໜ້າທີ່ ຜ່ານສະຖານີໂທລະພາບກອງທັບປະຊາຊົນລາວ ຊ່ອງ LATV ໂດຍໃຫ້ຮູ້ວ່າ:

ໃນວັນທີ 14 ພະຈິກ 2024, ທະຫານອາກາດໄດ້ຮັບໜ້າທີ່ບິນຮັບໃຊ້ການລົງຮາກຖານ ຈາກນະຄອນຫຼວງວຽງຈັນ ໄປ ແຂວງຄຳມ່ວນ ແລ້ວລົງທ້ອງຖິ່ນ ພາຍຫຼັງສຳເລັດການປະຕິບັດໜ້າທີ່ແລ້ວກໍໄດ້ບິນກັບຄືນແຂວງຄຳມ່ວນ ກ່ອນຈະຮອດຈຸດລົງຈອດປະມານ 12 ກິໂລແມັດ, ຄວາມສູງປະມານ 700 ແມັດ ຫ່າງຈາກໜ້າດິນ, ໄດ້ເກີດມີເຫດການເຮືອບິນສັ່ນຜິດປົກກະຕິ ນັກບິນກໍໄດ້ຕັດສິນລົງຈອດສຸກເສີນໂດຍປອດໄພທຸກຢ່າງ ຜູ້ໂດຍສານບໍ່ເປັນຫຍັງ.

ສຳລັບເຫດການຄັດຂ້ອງດັ່ງກ່າວ ແມ່ນໃບພັດຫ່າງ 1 ໃນ 3 ຂອງເຮືອບິນມີການແຊກຂາດ ເຊິ່ງແມ່ນແຜ່ນຄວາມຮ້ອນ ຫຼື ວ່າຕ້ານນໍ້າແຂງ ເຮັດໃຫ້ຂາດຄວາມດຸນດ່ຽງຈົນນຳພາເຮືອບິນມີການສັ່ນແຮງ. ສ່ວນວ່າເກີດຂຶ້ນໄດ້ແນວໃດ ແມ່ນຍັງຕ້ອງໄດ້ມີການວິເຄາະ ແລະ ກວດສອບຕື່ມອີກ.

ເຮືອບິນແມ່ນສາມາດພື້ນຟູ ປ່ຽນອາໄຫຼ່ ແລ້ວນຳກັບມານຳໃຊ້ໄດ້ປົກກະຕິ, ເນື່ອງຈາກວ່າເຮືອບິນບໍ່ໄດ້ຈອດຢູ່ຕົວເມືອງ ບໍ່ໄດ້ຈອດຢູ່ເດີນບິນ ສະນັ້ນ, ຕ້ອງຖອດໃບພັດອອກແລ້ວໃສ່ລົດລາກຂຶ້ນມານະຄອນຫຼວງວຽງຈັນ ເພື່ອສືບຕໍ່ຊ້ອມແປງ ແລະ ຄົ້ນຄ້ວາຫາເຫດຜົນຕໍ່ໄປ.

ຕໍ່ເຫດການດັ່ງກ່າວ, ໃຫ້ຮູ້ຕື່ມອີກວ່າ ທາງກອງທັບອາກາດກໍໄດ້ປະຕິບັດຕາມຫຼັກການບົວລະບັດຮັກສາເຮືອບິນຕາມທີ່ກຳນົດ. ພ້ອມນັ້ນ, ຍັງຈະສົບທົບກັບໂຮງງານຜະລິດ ສຶກສາຄົ້ນຄ້ວາວ່າເຫດຜົນແມ່ນຫຍງແທ້ ເພື່ອວາງມາດຕະຖານສະກັດກັ້ນບໍ່ໃຫ້ເກີດເຫດອີກ.

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...