spot_img
Homeແຈ້ງການເມືອງທຸລະຄົມອອກແຈ້ງການໃຫ້ເອົາໃຈໃສ່ຄຸ້ມຄອງປົກປັກຮັກສາສັດລ້ຽງບໍ່ໃຫ້ຢູ່ຕາມຖະຫນົນຫົນທາງ

ເມືອງທຸລະຄົມອອກແຈ້ງການໃຫ້ເອົາໃຈໃສ່ຄຸ້ມຄອງປົກປັກຮັກສາສັດລ້ຽງບໍ່ໃຫ້ຢູ່ຕາມຖະຫນົນຫົນທາງ

Published on

ເມືອງທຸລະຄົມອອກແຈ້ງການໃຫ້ເອົາໃຈໃສ່ຄຸ້ມຄອງປົກປັກຮັກສາສັດລ້ຽງບໍ່ໃຫ້ຢູ່ຕາມຖະຫນົນຫົນທາງ. ເພື່ອເຮັດໃຫ້ຕົວເມືອງ ໂດຍສະເພາະເມືອງທຸລະຄົມໃຫ້ມີຄວາມສະອາດຈົບງາມ ແລະ ເຮັດໃຫ້ມີຄວາມປອດ ໄພໃນການເດີນທາງໄປ-ມາ.

ຫ້ອງວ່າການເມືອງທຸລະຄົມ ຂໍຖືເປັນກຽດແຈ້ງການມາຍັງ ຫົວຫນ້າກຸ່ມບ້ານພັດທະນາ 5 ກຸ່ມບ້ານ, ນາຍບ້ານ ແລະ ປະຊາຊົນບັນດາເຜົ່າພາຍໃນເມືອງທຸລະຄົມ, ແຂວງວຽງຈັນ ຊາບວ່າ: ໃນໄລຍະຜ່ານມາມີສັດລ້ຽງປະເພດງົວ, ຄວາຍ ແລະ ແບ້ ຂອງປະຊາຊົນຈໍານວນຫນຶ່ງ ອອກມາຢູ່ຕາມຖະຫນົນຫົນທາງພາຍໃນຂອບເຂດຕາມທາງ ເຮັດໃຫ້ມີຄວາມຫຍຸ້ງຍາກໃນການສັນຈອນໄປ-ມາຕາມທາງ ແລະ ທໍາລາຍຜົນລະປູກຂອງປະຊາຊົນ ພ້ອມທັງເຮັດໃຫ້ເປື້ອນ ຕາມທ້ອງຖະຫນົນ ແລະ ເປັນພາບພົດທີ່ບໍ່ງາມໃຫ້ບ້ານເມືອງ, ສະນັ້ນ ຈຶ່ງຮຽກຮ້ອງມາຍັງ ຫົວຫນ້າກຸ່ມບ້ານ, ນາຍບ້ານ ຈົ່ງຮີບຮ້ອນນໍາເອົາບັນຫາດັ່ງກ່າວໄປປຶກສາຫາລືແກ້ໄຂ ໂດຍໃຫ້ສຶກສາອົບຮົມເຈົ້າຂອງສັດລ້ຽງ ໃຫ້ ເອົາໃຈໃສ່ຄຸ້ມຄອງສັດລ້ຽງຂອງຕົນໃຫ້ຢູ່ໃນຄັງ, ໃນຄອກ, ຢູ່ໃນຄວາມປອດໄພ, ຖ້າຫາກມີການພົບເຫັນສັດລ້ຽງ ຂອງທ່ານໃດອອກມາຢູ່ຕາມຫົນທາງ ຫລື ຈັບໄດ້ ຈະຖືກປັບໄຫມຕາມລະບຽບບ້ານ ພ້ອມດຽວກັນນັ້ນຫົວຫນ້າກຸ່ມ ບ້ານ, ນາຍບ້ານຕ້ອງໄດ້ເຮັດບົດບັນທຶກກັບເຈົ້າຂອງສັດລ້ຽງໄວ້ເປັນຫລັກຖານ.
ຜົນດີ.
ດັ່ງນັ້ນ ຈຶ່ງໄດ້ເຮັດແຈ້ງການສະບັບນີ້ມາຍັງບັນດາທ່ານ ເພື່ອຮັບຊາບ ແລະ ໃຫ້ພ້ອມກັນປະຕິບັດ

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...