spot_img
Homeຂ່າວພາຍ​ໃນສປປ ລາວ ຊຸກຍູ້ການເຊື່ອມຈອດ ແລະ ຄວາມເຂັ້ມແຂງທາງດ້ານພະລັງງານຂອງອາຊຽນໃນອະນາຄົດ

ສປປ ລາວ ຊຸກຍູ້ການເຊື່ອມຈອດ ແລະ ຄວາມເຂັ້ມແຂງທາງດ້ານພະລັງງານຂອງອາຊຽນໃນອະນາຄົດ

Published on

ກອງປະຊຸມ AEBF-24 ທີ່ຈັດຂຶ້ນໃນລະຫວ່າງວັນທີ 25-27 ກັນຍາ 2024 ທີ່ ຫໍປະຊຸມແຫ່ງຊາດ ນະຄອນຫຼວງວຽງຈັນ ໄດ້ກາຍເປັນເວທີສໍາຄັນຂອງ ສປປ ລາວ ໃນການຊຸກຍູ້ບູລິມະສິດດ້ານພະລັງງານ ລວມທັງການເພີ່ມທະວີຄວາມໝັ້ນຄົງ ໃນການສົ່ງເສີມພະລັງງານທົດແທນ ແລະ ການພັດທະນາການເຊື່ອມຈອດທາງດ້ານພະລັງງານໃນພາກພື້ນ ແລະ ຊ່ວຍໃຫ້ ສປປ ລາວ ກັບ ອາຊຽນ ກາຍເປັນຜູ້ນໍາພາສູ່ການປຶກສາຫາລື ກ່ຽວກັບການແກ້ໄຂບັນຫາພະລັງງານແບບຍືນຍົງ.

ໃນວັນທີ 26 ກັນຍາ 2024 ທີ່ຜ່ານມາ, ທາງສື່ມວນຊົນກໍໄດ້ມີໂອກາດສຳພາດ ທ່ານ ສຸກວິສັນ ຄິນສະໝອນ ຮອງຫົວໜ້າກົມແຜນການ ເຊິ່ງທ່ານໄດ້ໃຫ້ຮູ້ວ່າ: ສປປ ລາວ ເປັນປະເທດເຊື່ອມໂຍງ-ເຊື່ອມຈອດກັບບັນດາປະເທດໃກ້ຄຽງ ແລະ ພາກພື້ນ, ເປັນປະເທດທີ່ມີທ່າແຮງໃນການພັດທະນາພະລັງງານສະອາດຢ່າງຫຼວງຫຼາຍ ເປັນຕົ້ນມາຈາກເຂື່ອນໄຟຟ້ານໍ້າຕົກ , ໄຟຟ້າແສງຕາເວັນ, ພະລັງງານລົມ, ການຊົມໃຊ້ພະລັງງານໄຟຟ້າໃນ ສປປ ລາວ 90% ແມ່ນມາຈາກພະລັງງານສະອາດ.

ສຳລັບການຈັດກອງປະຊຸມໃນຄັ້ງນີ້ເປັນໂອກາດອັນດີທີ່ຈະເຮັດໃຫ້ ສປປ ລາວ ມີການສົ່ງເສີມພະລັງງານສະອາດທີ່ເປັນຈຸດໃຈກາງສຳຄັນໃນການກ້າວໄປສູ່ການຫັນປ່ຽນພະລັງງານໃນອະນາຄົດ,  ບັນດາຫຼາຍປະເທດໃນໂລກໃຫ້ຄວາມສຳຄັນກັບການເປັນມິດກັບສິ່ງເເວດລ້ອມ ເປັນຕົ້ນແມ່ນການຄົມມະນາຄົມຂົນສົ່ງ, ການນຳໃຊ້ໄຟຟ້າເຂົ້າໃນອຸດສາຫະກຳ ແລະ ການດຳລົງຊີວິດໃນປັດຈຸບັນ.

ສ່ວນເປົ້າໝາຍການນໍາໃຊ້ພະລັງງານສະອາດໃຫ້ປະສົບຜົນສຳເລັດໄດ້ແມ່ນຕ້ອງມີການຮ່ວມມືກັນຈາກບັນດາປະເທດໃກ້ຄຽງໃຫ້ເປັນໜຶ່ງດຽວ ເພື່ອກ້າວໄປສູ່ການນຳໃຊ້ພະລັງງານສະອາດໃນອະນາຄົດ. ນອກນີ້ທ່ານຍັງໃຫ້ຮູ້ຕື່ມວ່າ: ໃນປັດຈຸບັນນີ້, ສປປ ລາວ ເປັນປະເທດໜຶ່ງທີ່ມີທ່າແຮງໃນການພັດທະນາພະລັງງານສະອາດຢ່າງຫຼວງຫຼາຍທີ່ສຸດໃນພາກພື້ນອາຊຽນນີ້, ໂດຍມີຄວາມມຸ່ງຫວັງຈະນຳໃຊ້ພະລັງງານສະອາດນີ້ ເຂົ້າໃນການພັດທະນາອຸດສາຫະກຳປຸງແຕ່ງ, ການດຳລົງຊີວິດ ແລະ ຊຸກຍູ້ໃຫ້ບັນດາປະເທດອາຊຽນນໍາໃຊ້ພະລັງງານສະອາດຮ່ວມກັນ.

ນອກນີ້ ທ່ານ ດຣ ແອນດີ້ ຕິຣ໌ຕາ ຫົວໜ້າຝ່າຍບໍລິຫານ ສູນພະລັງງານອາຊຽນ ທັງເປັນປະທານກອງປະຊຸມ AEBF-24 ໄດ້ກ່າວວ່າ: “ພວກເຮົາເຊື່ອວ່າ ການຄົມມະນາຄົມສີຂຽວມີຄວາມສໍາຄັນຫຼາຍ ແລະ ທາງເລືອກໃນການໃຊ້ພະລັງງານເຫຼົ່ານັ້ນ ກໍມີຫຼາຍເຊັ່ນກັນບໍ່ສະເພາະແຕ່ການນຳໃຊ້ພາຫະນະໄຟຟ້າເທົ່ານັ້ນ, ແຕ່ຍັງມາຈາກແຫຼ່ງອື່ນໆເຊັ່ນ: ນໍ້າມັນເຊື້ອໄຟຊີວະພາບ, ຍານພາຫະນະແບບ hybrid, ແລະ hydrogen ເຊັ່ນດຽວກັນ.

ດັ່ງນັ້ນ, ພວກເຮົາເຊື່ອວ່າ ອະນາຄົດຂອງການຄົມມະນາຄົມສີຂຽວ ແມ່ນຈໍາເປັນໃນບັນດາປະເທດອາ​ຊຽນ, ໂດຍສະເພາະ​ໃນ​ຍຸກການ​ຫັນ​ປ່ຽນ​ພະ​ລັງ​ງານ​ໃນ​ປັດຈຸບັນ​, ພວກເຮົາເຊື່ອວ່າການຫັນປ່ຽນດ້ານພະລັງງານໃນພາກພື້ນອາຊຽນ ຄວນມີການສະໜັບສະໜູນຈາກພາກເອກະຊົນ ແລະ ພາກລັດ.

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...