spot_img
Homeຂ່າວພາຍ​ໃນບໍ່ແກ້ວ ລົງກວດກາຮ້ານຄາ-ລາຄາສິນຄ້າ ພາຍໃນແຂວງໃຫ້ກຳນົດເປັນເງິນກີບ

ບໍ່ແກ້ວ ລົງກວດກາຮ້ານຄາ-ລາຄາສິນຄ້າ ພາຍໃນແຂວງໃຫ້ກຳນົດເປັນເງິນກີບ

Published on

ວັນທີ 24 ກັນຍາ 2024, ພະແນກອຸດສາຫະກໍາ ແລະ ການຄ້າ (ອຄ) ແຂວງບໍ່ແກ້ວ ນໍາໂດຍ ທ່ານ ຄໍາລື ແກ້ວປະເສີດ ຫົວໜ້າຂະແໜງການຄ້າພາຍໃນ, ພ້ອມຄະນະລົງຕິດຕາມ ແລະ ກວດກາສິນຄ້າ ຢູ່ສູນການຄ້າສາກົນ ແລະ ຮ້ານຄ້າຕ່າງໆ ພາຍໃນແຂວງ ໃຫ້ໂຄສະນາ ແລະ ຕິດປ້າຍລາຄາສິນຄ້າ ແລະ ຊື້-ຂາຍເປັນຫົວໜ່ວຍເງິນກີບ.

May be an image of 3 people and text

ການລົງກວດກາຄັ້ງນີ້, ແມ່ນປະຕິບັດຕາມແຈ້ງການຫ້ອງວ່າການແຂວງບໍ່ແກ້ວ ເລກທີ 659/ຫວກ.ຂບກ ແລະ ປະຕິບັດຕາມກົດໝາຍວ່າດ້ວຍການຄຸ້ມຄອງເງິນຕາ, ດຳລັດຂອງນາຍົກລັດຖະມົນຕີ ວ່າດ້ວຍການຄຸ້ມຄອງລາຄາສິນຄ້າ ແລະ ຄ່າບໍລິການ ໃນການກຳນົດໂຄງສ້າງລາຄາສິນຄ້າ, ການຕິດສະຫລາກສິນຄ້າເປັນພາສາລາວ, ການປະກາດ ຫລື ການໂຄສະນາ ລາຄາສິນຄ້າ ແລະ ຮັບຊຳລະສິນຄ້າ ລວມທັງການຊື້-ຂາຍຜ່ານຊ່ອງທາງການຄ້າເອເລັກໂຕນິກ, ການຊື້-ຂາຍ ຍານພາຫະນະ, ວັດຖຸມີຄ່າ, ຄ່າບໍລິການຕ່າງໆໃຫ້ເປັນຫົວໜ່ວຍເງິນກີບ.

May be an image of 3 people, speaker and text

ຜູ້ຈັດການທຸລະກິດຕະຫຼາດ ຕ້ອງເປັນເຈົ້າການໃນການຈັດສັນຕະຫລາດໃຫ້ມີຄວາມຈົບງາມ, ພ້ອມທັງແນະນໍາແມ່ຄ້າຊາວຂາຍ ຢູ່ໃນຄວາມຮັບຜິດຊອບຂອງຕົນ ໃຫ້ຕິດລາຄາສິນຄ້າ, ຊື້-ຂາຍເປັນເງິນກີບ. ກໍລະນີພົບເຫັນການລະເມີດ ໃຫ້ປະຕິບັດມາດຕະການຕໍ່ຜູ້ລະເມີດ ຕາມທີ່ໄດ້ກຳນົດໄວ້ໃນມາດຕາ 54 ແລະ 55 ຂອງກົດໝາຍວ່າດ້ວຍ ການຄຸ້ມຄອງເງິນຕາຕ່າງປະເທດ, ຖ້າຫາກມີການລະເມີດລັກສະນະເບົາບາງ ແລະ ເປັນຄັ້ງທຳອິດ ຈະຖືກສຶກສາອົບຮົມກ່າວເຕືອນ, ພ້ອມທັງເຮັດບົດທຶກໃຫ້ປັບປຸງກຳນົດ 30 ວັນ. ຖ້າຫາກລະເມີດເປັນຄັ້ງທີ II ແມ່ນຈະໄດ້ປັບໃໝ ຕາມທີ່ໄດ້ກໍານົດໄວ້ໃນຂໍ້ 2 ຂໍ້ 1 ມາດຕາ 55 ແມ່ນຈະປັບໃໝ ແຕ່ 10.000.000 ກີບ ຫາ 20.000.000 ກີບ/ຄັ້ງ. ຖ້າຫາກມີການລະເມີດຊໍ້າເປັນຄັ້ງທີ III ຈະໄດ້ປັບໃໝສອງເທົ່າຂອງມູນຄ່າປັບໃໝຄັ້ງຫຼ້າສຸດ.

May be an image of 4 people and text

ການລົງຕິດຕາມກວດກາໃນຄັ້ງນີ້, ທີມງານແມ່ນໄດ້ສ້າງບົດບັນທຶກ ແລະ ກ່າວເຕືອນໃຫ້ຜູ້ປະກອບການຮ້ານຄ້າຕ່າງໆ ຕິດປ້າຍລາຄາສິນຄ້າ, ການຊື້-ຂາຍເປັນຫົວໜ່ວຍເງິນກີບ ຫາກໃນຕໍ່ໜ້າຍັງພົບເຫັນ ບໍ່ຕິດປ້າຍລາຄາສິນຄ້າ ເປັນຫົວໜ່ວຍເງິນກີບ ແມ່ນຈະຖືກປັບໃໝແຕ່ 10.000.000 ກີບ ຫາ 20.000.000 ກີບ/ຄັ້ງ ຕາມມາດຕາ 54 ແລະ 55 ຂອງກົດໝາຍວ່າດ້ວຍ ການຄຸ້ມຄອງເງິນຕາຕ່າງປະເທດ.

ຂ່າວ: ປະເທດລາວ

ບົດຄວາມຫຼ້າສຸດ

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...