spot_img
Homeຂ່າວຕ່າງປະເທດຕຳຫຼວດຈັບ! ຍູທູບເບີດັງຊາວອິນເດຍ ເຮັດຄອນເທັ້ນກິນແກງນົກຍຸງ

ຕຳຫຼວດຈັບ! ຍູທູບເບີດັງຊາວອິນເດຍ ເຮັດຄອນເທັ້ນກິນແກງນົກຍຸງ

Published on

ສຳນັກຂ່າວຕ່າງປະເທດລາຍງານ ໃນວັນທີ 14 ສິງຫາ 2024 ຜ່ານມາ, ເຈົ້າໜ້າທີ່ຕຳຫຼວດຈັບກຸມຍູທູບເບີຊາວອິນເດຍ ຫຼັງຈາກໂພສຄລິບວີດີໂອ ທີ່ສ້າງຄວາມບໍ່ພໍໃຈໃຫ້ແກຄົນທົ່ວໄປຢ່າງຫຼວງຫຼາຍ ໂດຍຄລິບດັ່ງກ່າວເປັນພາບທີ່ເຂົາກຳລັງນັ່ງເຮັດ ແລະ ກິນແກງນົກຍຸງ ເຊິ່ງເປັນນົກປະຈຳຊາດຂອງຊາວອິນເດຍ.

ຕາມການລາຍງານຍູທູບເບີລາຍນີ້ຊື່ວ່າ: ທ້າວ ໂກດຳ ປາເນ ກຸມາ ຖືກຈັບເມື່ອວັນຈັນ ທີ 12 ສິງຫາ 2024 ຜ່ານມາ, ກ່ອນຈະຖືກນຳໂຕສົ່ງເຂົ້າຄຸກ ຫຼັງຈາກຄລິປວີດີໂອອື່ນໆ ທີ່ພົບໃນໂທລະສັບ ແລະ ໄດ້ຍອມຮັບວ່ານົກທີຕົນເອງກິນນັ້ນເປັນນົກຍຸງແທ້.

ທາງດ້ານເຈົ້າໜ້າທີ່ຕຳຫຼວດ ໃນລັດເຕລັງຄານາ ທາງຕອນໃຕ້ຂອງອິນເດຍລະບຸວ່າ: ຂະນະນີ້ ທ້າວ ກຸມານຖືກຄຸມຂັງພາຍໃຕ້ການຄວບຄຸມຕົວ 14 ມື້ພາຍໃຕ້ກົດໝາຍການຄຸ້ມຄອງສັດປ່າ ແລະ ຕອນນີ້ສານຈະຕັດສິນວ່າຈະມີໂທດຕິດຄຸກ ຫຼື ຈະໄດ້ຮັບການປະກັນຕົວ.

ທັງນີ້ການຂະຍາຍຕົວຂອງບ້ານເມືອງອິນເດຍມີຄວາມໄວວາ ເຮັດໃຫ້ຈຳນວນນົກຍຸງຫຼຸດລົງຫຼາຍ ແລະ ນົກຍຸງຖືເປັນສັດທີ່ໄດ້ຮັບການຄຸ້ມຄອງ ພາຍໃຕ້ກົດໝາຍການຄຸ້ມຄອງສັດປ່າຂອງອິນເດຍຢ່າງເຂັ້ມງວດ.

ບົດຄວາມຫຼ້າສຸດ

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...