spot_img
Homeຂ່າວພາຍ​ໃນກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 57

ກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 57

Published on

ກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 57 ແລະ ກອງປະຊຸມທີ່ກ່ຽວຂ້ອງ ຊຶ່ງວັນທີ 27 ກໍລະກົດ 2024 ທີ່ເປັນມື້ສຸດທ້າຍຂອງການດໍາເນີນກອງປະຊຸມ ຊຶ່ງມີກອງປະຊຸມທີ່ສໍາຄັນດັ່ງນີ້:

1 ທ່ານ ສອນໄຊ ສີພັນດອນ ນາຍົກລັດຖະມົນຕີ ໃນນາມປະທານອາຊຽນປີ 2024 ໄດ້ຕ້ອນຮັບການເຂົ້າ ຢ້ຽມຂ່ຳນັບຂອງບັນດາລັດຖະມົນຕີຕ່າງປະເທດອາຊຽນ ແລະ ຜູ້ຕາງຫນ້າຈາກປະເທດບັນດາຄູ່ຮ່ວມມືພາຍນອກຂອງອາຊຽນ ແລະ ເລຂາທິການໃຫຍ່ອາຊຽນ.

2 ນາຍົກລັດຖະມົນຕີ ໄດ້ຕ້ອນຮັບການເຂົ້າຢ້ຽມຂ່ານັບຂອງທ່ານລັດຖະມົນຕີກະຊວງການຕ່າງປະເທດອິນເດຍ ດຣ ສຸບຣາມານຢໍ ໃຈຊັງເກີ.

3 ທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ, ປະທານກອງປະຊຸມ ໄດ້ຕ້ອນຮັບ ແລະ ພົບປະສອງຝ່າຍກັບ ດຣ ສຸບຣາມານຢ່ ໃຈຊັງເກີ ລັດຖະມົນຕີກະຊວງການ ຕ່າງປະເທດອິນເດຍ. ສອງຝ່າຍໄດ້ຕີລາຄາສາຍພົວພັນມິດຕະພາບ ແລະ ການຮ່ວມມືອັນດີງາມລະຫວ່າງ 2 ປະເທດ ໂດຍສະເພາະ ຝ່າຍລາວໄດ້ຕີລາຄາສູງຕໍ່ການຊ່ວຍເຫຼືສະຫນອງທຶນຝຶກອົບຮົມໃນດ້ານຕ່າງໆ ເຊັ່ນ: ພາສາອັງກິດ, ການພັດທະນາຊັບພະຍາກອນມະນຸດ ແລະ ດ້ານອື່ນໆ ພ້ອມດຽວກັນນັ້ນ ໃນພິທີໄດ້ມີພິທີມອບ ທຶນການຊ່ວຍເຫຼືອຂອງການຮ່ວມມືແມ່ນໍ້າຂອງ ແມ່ນໍ້າຄົງຄາອີກດ້ວຍ.

4 ໃນວັນດຽວກັນ, ກໍມີກອງປະຊຸມລັດຖະມົນຕີ ຕ່າງປະເທດອາຊຽນບວກສາມ ຄັ້ງທີ 25, ກອງປະຊຸມ ລັດຖະມົນຕີຕ່າງປະເທດຂອງກອງປະຊຸມສຸດຍອດອາຊີຕາເວັນອອກ ຄັ້ງທີ 14 ແລະ ກອງປະຊຸມພາກພື້ນ ອາຊຽນ ຄັ້ງທີ 31, ກອງປະຊຸມລັດຖະມົນຕີຕ່າງປະເທດອາຊຽນ ແລະ ສະຫະລັດອາເມລິກາ.

ກອງປະຊຸມອາຊຽນບວກສາມໄດ້ທົບທວນການຮ່ວມມືພາຍໃຕ້ຂອບຂອງອາຊຽນບວກສາມ ຄັ້ງທີ 25 ຊຸກຍູ້ການຈັດຕັ້ງແຜນວຽກສໍາລັບໄລຍະ 2023-2027 ພ້ອມກັນນີ້, ກອງປະຊຸມໄດ້ຕີລາຄາສູງຕໍ່ການຮ່ວມ ມືພາຍໃຕ້ຂອບຂອງອາຊຽນບວກສາມໃນການຮັບມືກັບຄວາມທ້າທາຍຕ່າງໆຫຼາຍປະເພດ.

ສໍາລັບກອງປະຊຸມລັດຖະມົນຕີຕ່າງປະເທດຂອງກອງປະຊຸມສຸດຍອດອາຊີຕາເວັນອອກ ຄັ້ງທີ 14 ໄດ້ ທົບທວນຄືນການຮ່ວມມືໃນໄລຍະຜ່ານມາ ກໍຄືການຈັດຕັ້ງຜັນຂະຫຍາຍແຜນປະຕິບັດງານອີເອເອສ ສໍາລັບ ສົກປີ 2024-2028 ໃນນີ້ກອງປະຊຸມໄດ້ເຫັນດີຮັດແຫນ້ນການຮ່ວມມືໂດຍເນັ້ນໃສ່ຂົງເຂດບູລິມະສິດ ເປັນຕົ້ນ ຄວາມຫມັ້ນຄົງທາງດ້ານພະລັງງານ, ສະບຽງອາຫານ, ການສຶກສາ, ການແກ້ໄຂສິ່ງທ້າທາຍຈາກການປ່ຽນແປງ ດິນຟ້າອາກາດ, ການປົກປັກຮັກສາສິ່ງແວດລ້ອມ ແລະ ອື່ນໆ.

ສ່ວນກອງປະຊຸມເວທີພາກພື້ນອາຊຽນຄັ້ງທີ 31 ໄດ້ທົບທວນຄືນການປະຕິບັດແຜນວຽກ ແລະ ກິດ ຈະກໍາຕ່າງໆທີ່ຜ່ານມາ ແລະ ໄດ້ຮັບຮອງເອກະສານສໍາຄັນສໍາລັບການຈັດຕັ້ງໃນສົກປີ 2024-2025, ການຕ້ານ ການກໍ່ການຮ້າຍ, ອາຊະຍະກໍາຂ້າມຊາດ, ການບັນເທົາທຸກໄພພິບັດ
ສໍາລັບກອງປະຊຸມອາຊຽນ-ສ ອາເມລິກາ ໄດ້ທົບທວນຄືນຄວາມສໍາພັນອາຊຽນ-ສອາເມລິກາ ແລະ ໄດ້ກໍານົດທິດທາງໃນອະນາຄົດໂດຍເນັ້ນໃສ່ການຫັນປ່ຽນທາງດ້ານດີຈິຕອນ, ເຕັກໂນໂລຊີ, ແລະ ປັນຍາປະດິດ.

5. ກອງປະຊຸມລັດຖະມົນຕີຕ່າງປະເທດຂອບການຮ່ວມມື ຄູ່ຮ່ວມແມ່ນໍ້າຂອງ-ສະຫະລັດອາເມລິກາ ຄັ້ງທີ 3 ໂດຍ ທ່ານສະເຫຼີມໄຊ ກົມມະສິດ ແລະ ທ່ານ ແອນໂທນີ ເຈ ບລີນກິນ ລັດຖະມົນຕີກະຊວງກາານຕ່າງປະເທດ ອາເມລິກາ ໄດ້ເປັນປະທານຮ່ວມ. ບັນດາຄະນະຜູ້ແທນໄດ້ຮ່ວມກັນວາງທິດທາງແຜນການໃນຕໍ່ຫນ້າ ແລະ ໄດ້ ຮັບຮອງເອົາເອກະສານສໍາຄັນຂອງກອງປະຊຸມ 2 ສະບັບ.

6. ປິດທ້າຍສໍາລັບການດໍາເນີນກອງປະຊຸມໃນຄັ້ງນີ້ ກໍແມ່ນພິທີຖະແຫຼງຂ່າວ ຜົນສໍາເລັດຂອງກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 57 ແລະ ກອງປະຊຸມທີ່ກ່ຽວຂ້ອງ. ຊຶ່ງ ທ່ານ ສະເຫຼີມໄຊ ກົມມະສິດ ໄດ້ຖະແຫຼງຂ່າວຕໍ່ສື່ມວນຊົນທັງພາຍໃນ ແລະ ຕ່າງປະເທດວ່າ: ກອງປະຊຸມມີທັງຫມົດ 25 ກອງປະຊຸມທີ່ໄດ້ປຶກສາ ຫາລືຢ່າງກົງໄປກົງມາໃນຫຼາຍຫົວຂໍ້ ໂດຍສະເພາະໄດ້ສະແດງຄວາມຍິນດີຕໍ່ຄວາມຄືບຫນ້າໃນການຈັດຕັ້ງປະຕິບັດ 9 ບູລິມະສິດຂອງປະເທດອາຊຽນ ໃນປີ 2024, ຄວາມຄືບຫນ້າວິໄສທັດປະຊາຄົມອາຊຽນ 2025 ແລະ ຍຸດທະສາດ 2045 ຊຶ່ງຈະຖືກຮັບຮອງເອົາໃນປີຫນ້າ.

ແຫຼ່ງຂ່າວ: MediaLAOS

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...