ລົດໄຟຟ້າແອພອດລິ້ງ ປະເທດໄທ ປະກາດວ່າ: ຕັ້ງແຕ່ວັນທີ 14 ກໍລະກົດເປັນຕົ້ນໄປ, ຜູ້ໂດຍສານສາມາດນຳສັດລ້ຽງຂຶ້ນລົດໄຟຟ້ານຳໄດ້, ເຊິ່ງສາມາດເດີນທາງໄດ້ຫຼາຍສະຖານີຄື: ສຸວັນນະພູມ, ບ້ານທັບຊ້າງ, ລາດກະບັງ, ຫົວໝາກ, ຣາມຄຳແຫງ, ມັກກະສັນ, ພະຍາໄທ.

• ສຳລັບຂໍ້ຄວນປະຕິບັດສຳລັບຜູ້ໂດຍສານທີ່ນຳສັດລ້ຽງມາຕ້ອງປະຕິບັດຄື:

1. ວັນຈັນ-ວັນສຸກ ສາມາດເດີນທາງພ້ອມສັດລ້ຽງ ເວລາ 10.00–15.00 ແລະ 20.00-24.00 ເທົ່ານັ້ນ.
2. ວັນເສົາ-ວັນທິດ ສາມາດເດີນທາງໄດ້ຕະຫຼອດເວລາທຳການ.
3. ຜູ້ໂດຍສານພ້ອມສັດລ້ຽງ ຈະຕ້ອງຂຶ້ນໃນຕູ້ທີ່ມີສັນຍາລັກລະບຸວ່າ: ສຳລັບເດີນທາງພ້ອມສັດລ້ຽງ ຫຼື Pet Travel Service ເທົ່ານັ້ນ.
4. ຊະນິດຂອງສັດລ້ຽງທີ່ໃຫ້ເດີນທາງນຳໄດ້ມີ ໝາ, ແມວ, ປາລ້ຽງສວຍງາມ ແລະ ນົກເທົ່ານັ້ນ.

5. ຜູ້ໂດຍສານ 1 ທ່ານ, ສາມາດນຳສັດລ້ຽງມານຳໄດ້ 1 ໂຕ.
6. ສັດລ້ຽງຕ້ອງຢູ່ໃນກົງ, ກະເປົາເປ້, ກະເປົາຫິ້ວທີ່ມິດຊິດ, ນຳໜັກຂອງສັດບໍ່ເກີນ 10 ກິໂລກຣາມ, ຂະໜາດກົງ ຫຼື ກະເປົາເປ້ກວ້າງບໍ່ເກີນ 35 ຊັງຕີເເມັດ, ຍາວ 56 ຊັງຕີແມັດ, ສູງ 36 ຊັງຕີແມັດ.
7. ໃນລະຫວ່າງການເດີນທາງ ຜູ້ໂດຍສານຕ້ອງອຸ້ມກົງ ຫຼື ພາຍກະເປົາໄວ້ກັບຕົວ ແລະ ຫ້າມວາງໄວ້ບ່ອນນັ່ງຂອງຜູ້ໂດຍສານທ່ານອື່ນເດັດຂາດ, ປ້ອງກັນການຂວາງທາງຂອງຜູ້ໂດຍສານທ່ານອື່ນ.

ຂ່າວ: pptv