spot_img
Homeຂ່າວພາຍ​ໃນສາລະວັນ ກູ້ລະເບີດ 431 ສະໜາມ

ສາລະວັນ ກູ້ລະເບີດ 431 ສະໜາມ

Published on

ອີງຕາມຂໍ້ມູນທີ່ ທ່ານ ດາວວົງ ພອນແກ້ວ ເຈົ້າແຂວງສາລະວັນ ລາຍງານຜ່ານລະບົບອອນລາຍຕໍ່ກອງປະຊຸມຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກ ໄດ້ຈັດຂຶ້ນຫວ່າງບໍ່ດົນມານີ້ ທີ່ນະຄອນຫຼວງວຽງຈັນ ໂດຍການເຂົ້າຮ່ວມເປັນປະທານຂອງ ທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນ ຕີ ລັດຖະມົນຕີ ກະຊວງການຕ່າງປະເທດ ປະທານຄະນະກຳມະການຄຸ້ມຄອງແຫ່ງ ຊາດ ເພື່ອແກ້ໄຂບັນຫາລະເບີດບໍ່ທັນແຕກຕົກຄ້າງຢູ່ ສປປ ລາວ ໃຫ້ຮູ້ວ່າ: ສາລະວັນເປັນແຂວງໜຶ່ງທີ່ຖືກຖິ້ມລະເບີດໃສ່ເປັນອັນດັບຕົ້ນໆ ຂອງ ສປປ ລາວ, ໂດຍສະເພາະແມ່ນເຂດທີ່ມີການເຄື່ອນໄຫວລຽບຕາມເສັ້ນທາງໂຮ່ຈິມິນ, ໂດຍມີການຢັ້ງ ຢືນການຖິ້ມລະເບີດໃສ່ແຂວງສາລະວັນ ຈາກຖານຂໍ້ມູນແຫ່ງຊາດ ຈໍານວນທັງໝົດ 19.514.200 ໜ່ວຍ ແລະ ບໍ່ທັນສາມາດຮູ້ໄດ້ວ່າມີຈໍານວນຈັກໜ່ວຍທີ່ບໍ່ທັນແຕກ (ບໍ່ມີໃນຖານຂໍ້ມູນແຫ່ງຊາດ)

No photo description available.

ມາຮອດປັດຈຸບັນ ສາມາດກວດກູ້ ແລະ ທໍາລາຍໄປແລ້ວ ທັງໝົດ 168,033 ໜ່ວຍ, ຈໍານວນບ້ານທີ່ຢັ້ງຢືນໄດ້ວ່າ ມີຄວາມອັນຕະລາຍ (CHAs) ມີທັງໝົດ 326 ບ້ານ ໃນ 7 ເມືອງເປົ້າໝາຍ ຂອງແຂວງ, ມີສະໜາມສໍາຫຼວດ ແລະ ກວດກູ້ທັງໝົດ 2,622 ສະໜາມ, ໄດ້ສໍາເລັດການກວດກູ້ແລ້ວ ທັງໝົດ 431 ສະໜາມ ແລະ ສະ ໜາມຍັງບໍ່ທັນໄດ້ມີການສໍາຫຼວດ ແລະ ກວດກູ້ ທັງໝົດ 2,191 ສະໜາມ.

No photo description available.

ທ່ານໃຫ້ຮູ້ຕື່ມວ່າ: ຢູ່ແຂວງສາລະວັນ ຍັງມີເຫດການລະເບີດຕົກຄ້າງແຕກໃສ່ປະ ຊາຊົນໃນທຸກປີ ຊຶ່ງໃນໄລຍະຜ່ານຈົນຮອດປັດຈຸບັນນີ້ ມີອຸບັດເຫດເກີດຂຶ້ນທັງໝົດ 59 ຄັ້ງ, ມີຜູ້ຖືກເຄາະຮ້າຍທັງໝົດ 103 ຄົນ, ບາດເຈັບ 74 ຄົນ, ເສຍຊີວິດ 29 ຄົນ.
ພ້ອມນີ້ທ່ານ ໄດ້ສະເໜີຄະນະກໍາມະການຂັ້ນແຂວງ ແລະ ກອງເລຂາ ຕ້ອງໄດ້ມີກົນໄກການປະຊຸມ 6 ເດືອນ ແລະ 1 ປີ, ການເລືອກພື້ນທີ່ບຸລິມະສິດຂອງແຂວງ, ເປັນຕົ້ນແມ່ນຄວາມຕ້ອງການ ໃນການສໍາຫຼວດ ແລະ ກວດກູ້ລະເບີດບໍ່ທັນແຕກທີ່ຍັງຕົກຄ້າງ ໃນພື້ນທີ່ຂອງການກໍ່ສ້າງ ຫຼື ເຂດພັດທະນາຂອງແຂວງ ແລະ ອື່ນໆ.

ຂ່າວ: ວສລ

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...