Homeຂ່າວຄວາມສະຫງົບຈັບໄດ້ແລ້ວໜຸ່ມນ້ອຍໃຈໂຫດ ກໍ່ເຫດຂົ່ມຂືນ ແລ້ວຄາຕະກຳເພື່ອປິດປາກ

ຈັບໄດ້ແລ້ວໜຸ່ມນ້ອຍໃຈໂຫດ ກໍ່ເຫດຂົ່ມຂືນ ແລ້ວຄາຕະກຳເພື່ອປິດປາກ

Published on

ພັທ ສີພູມ ທອງສະໝຸດ ຫົວໜ້າກອງບັນຊາການປ້ອງກັນຄວາມສະຫງົບ ເມືອງບາຈຽງຈະເລີນສຸກ ແຂວງຈຳປາສັກລາຍງານ ໃນວັນທີ 28 ມິຖຸນາ 2024 ວ່າ: ໃນຄັ້ງວັນທີ 25 ມິຖຸນາ 2024 ຜ່ານມາ, ກອງບັນຊາການ ປກສ ເມືອງບາຈຽງຈະເລີນສຸກໄດ້ຮັບລາຍງານວ່າ: ມີຄົນເສຍຊີວິດຢູ່ຈຸດທົງໂສກ ຂອບເຂດບ້ານແກ້ງຢາງ ເມືອງບາຈຽງຈະເລີນສຸກ ຈາກນັ້ນເຈົ້າໜ້າທີ່ວິຊາສະເພາະ ສົມທົບກັບພາກສ່ວນກ່ຽວຂ້ອງລົງທັນນະສູດສະຖານທີ່ເກີດເຫດພົບຜູ້ເສຍຊີວິດ 1 ຄົນ: ຊື່ນາງ ແດັດດີ້ ອາຍຸ 13 ປີ ສັນຊາດລາວ ອາຊີບນັກຮຽນ ຢູ່ບ້ານແກ້ງຢາງ ກຸ່ມທົງສາລາ ເມືອງບາຈຽງຈະເລີນສຸກ ແຂວງຈຳປາສັກ.

ຜ່ານການກວດສອບສະຖານທີ່ເກີດເຫດ ແລະ ທັນນະສູດຊາກສົບ ໃນວັນທີ 26 ມິຖຸນາ 2024 ຈຶ່ງສາມາດກັກຕົວຜູ້ກໍ່ເຫດໄດ້ຊື່ວ່າ: ທ້າວ ລຸ້ງ ອາຍຸ 15 ປີ ສັນຊາດລາວ ອາຊີບຊາວສວນ ຢູ່ບ້ານແກ້ງຢາງ ກຸ່ມທົງສາລາ ເມືອງບາຈຽງຈະເລີນສຸກ ແຂວງຈຳປາສັກ ຜ່ານການສືບສວນ-ສອບສວນຜູ້ກ່ຽວຮັບສາລະພາບວ່າ: ເວລາປະມານ 8 ໂມງຂອງວັນທີ 25 ມິຖຸນາ ຜູ້ກ່ຽວໄດ້ອອກໄປນາ ໂດຍວາງແຜນຈະໄປກໍ່ເຫດຂົ່ມຂືນໂດຍສະເພາະ ຍ້ອນຮູ້ວ່າຜູ້ຕົກເປັນເຫຍື່ອໄປລ້ຽງງົວເປັນປະຈຳ ໂດຍໃຊ້ກະສອບສຸບ ຫົວ ແລະ ໃຊ້ເຊືອກງົວມັດ ພ້ອມກໍາປັນຊົກທ້ອງຈົນສະຫລົບ ຈາກນັ້ນ ຈຶ່ງອູ້ມຈາກຖຽງເຂົ້າປ່າເພື່ອໄປຂົ່ມຂືນຈົນສຳເລັດແລ້ວຄາຕະກຳ.

ສາເຫດ ແລະ ແຮງຈູງໃຈຂອງຜູ້ກ່ຽວ: ຜູ້ກ່ຽວໄດ້ມີການກະກຽມ ແລະ ມີຄວາມປັກໃຈຢາກຂົ່ມຂືນ ນາງ ແດັດດີ້ ມາຕັ້ງແຕ່ປີ 2023 ເຊິ່ງພາຍຫຼັງຂົ່ມຂືນສຳເລັດແລ້ວ ຜູ້ກ່ຽວຈຶ່ງໄດ້ຄາຕະກຳເພື່ອປິດປາກ ຕໍ່ພຶດຕິກຳດັ່ງກ່າວແມ່ນຜິດຕໍ່ມາດຕາ 249 ປະມວນກົດໝາຍອາຍາວ່າດ້ວຍ ສ້າງຄວາມເສຍຫາຍຕໍ່ຊີວິດ ນອກຈາກນັ້ນຍັງໄດ້ສ້າງຄວາມບໍ່ສະຫງົບ ແລະ ຄວາມບໍ່ເປັນລະບຽບຮຽບຮ້ອຍຂອງສັງຄົມ ສ່ວນຄະດີດັ່ງກ່າວແມ່ນໄດ້ມອບໃຫ້ພະແນກສືບສວນ-ສືບສວນ ປກສ ແຂວງຈຳປາສັກ ສືບຕໍ່ດຳເນີນຕາມຂັ້ນຕອນກົດໝາຍ.

ແຫຼ່ງຂ່າວ: ປກສ ແຂວງຈຳປາສັກ

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...