ອີງຕາມການລາຍງານຂອງໜ່ວຍກູ້ໄພສຸກເສີນອົງການກາແດງແຂວງອຸດົມໄຊໄດ້ໃຫ້ຮູ້ວ່າ: ໃນວັນທີ 8 ມິຖຸນາທີ່ຜ່ານມາ, ເວລາ 12:02 ນາທີ ໄດ້ຮັບແຈ້ງຈາກປະຊາຊົນ ວ່າມີອຸບັດຕິເຫດລົດເມໂດຍສານ+ລົດໃຫຍ່(ລົດ6ລໍ້) ທີ່ເຂດຫຼັກ 55, ເມືອງຂວາ, ແຂວງຜົ້ງສາລີ. ຫຼັງຈາກນັ້ນເຈົ້າໜ້າທີ່ໄດ້ລົງກວດສອບສະຖານທີ່ເກີດເຫດຕົວຈິງພົບເຫັນຜູ້ໄດ້ຮັບບາດເຈັບຈຳນວນ 4 ຄົນຄື:

*ຂໍ້ມູນຜູ້ບາດເຈັບ1: ເພດ ຍິງ, ອາຍຸ 23 ປີ; ອາການບາດເຈັບເບື້ອງຕົ້ນ: ກະທົບບ່າໄຫຼ່ເບື້ອງຊ້າຍ ແລະ ຕີນເບື້ອງຊ້າຍມີບາດແຜ

*ຂໍ້ມູນຜູ້ບາດເຈັບ2: ເພດ ຊາຍ, ອາຍຸ 31 ປີ; ອາການບາດເຈັບເບື້ອງຕົ້ນ: ກະທົບບ່າໄຫຼ່ເບື້ອງຊ້າຍ ແລະ ມີອາການແໜ້ນໜ້າເອິກ

*ຂໍ້ມູນຜູ້ບາດເຈັບ3: ເພດ ຊາຍ, ອາຍຸ 24 ປີ; ອາການບາດເຈັບເບື້ອງຕົ້ນ: ຂາເບື້ອງຊ້າຍມີບາດແຜເລັກນ້ອຍ

*ຂໍ້ມູນຜູ້ບາດເຈັບ4: ເພດ ຊາຍ, ອາຍຸ 20 ປີ; ອາການບາດເຈັບເບື້ອງຕົ້ນ: ມີອາການແໜ້ນໜ້າເອິກ ແລະ ຂາເບື້ອງຂວາຂຽວຊ້ຳ

ເຊິ່ງໜ່ວຍກູ້ໄພໄດ້ທຳການປະຖົມພະຍາບານຂັ້ນເບື້ອງຕົ້ນແລ້ວນໍາສົ່ງໂຮງໝໍແຂວງອຸດົມໄຊເພື່ອຮັບການຮັກສາຂັ້ນຕໍ່ໄປ.

ຂ່າວ: ໜ່ວຍກູ້ໄພສຸກເສີນອົງການກາແດງແຂວງອຸດົມໄຊ