spot_img
Homeຂ່າວຕ່າງປະເທດເຈົ້າໜ້າທີ່ໄທບຸກຈັບ ໂຮງງານຜະລິດແປ້ງນົວ-ເຄື່ອງປຸງປອມ ພ້ອມຂອງກາງຫຼາຍລາຍການ

ເຈົ້າໜ້າທີ່ໄທບຸກຈັບ ໂຮງງານຜະລິດແປ້ງນົວ-ເຄື່ອງປຸງປອມ ພ້ອມຂອງກາງຫຼາຍລາຍການ

Published on

ສຳນັກຂ່າວໄທລາຍງານ ເມື່ອອາທິດທີ່ຜ່ານມາ, ເຈົ້າໜ້າທີ່ຕຳຫຼວດສອບສວນກາງ (CIB) ໄດ້ເຂົ້າຈັບກຸມ ນາງ ເຜັນຜະກາ ອາຍຸ 68 ປີ ຢູ່ຊອຍ 14 ເຂດປະເວດ ກຸງເທບມະຫານະຄອນ ປະເທດໄທ, ເຊິ່ງເປັນຜູ້ຕ້ອງຫາຄະດີ ປອມເຄື່ອງໝາຍການຄ້າມີໄວ້ເພື່ອຈຳໜ່າຍສິນຄ້າທີ່ມີເຄື່ອງໝາຍການຄ້າ, ປອມເຄື່ອງໝາຍການຄ້າ, ຂອງບຸກຄົນອື່ນທີ່ໄດ້ຈົດທະບຽນແລ້ວ.

ຜ່ານການສືບສວນ-ສອບສວນຂອງເຈົ້າໜ້າທີ່ພົບຂອງການ: ຜົງປຸງອາຫານປອມ 10 ຊອງ ແລະ ຊອງເປົ່າທີ່ກຳລັງຈະບັນຈຸ 2000 ຊອງ, ແປ້ງນົວປອມບັນຈຸແລ້ວ 350 ຊອງ ແລະ ຊອງເປົ່າອີກ 9000 ຊອງ, ນ້ຳປາບັນຈຸແລ້ວ 2,700 ແກ້ວ ແລະ ແກ້ວເປົ່າບັນຈຸ 300 ແກ້ວ, ນ້ຳສົ້ມສາຍຊູ ບັນຈຸ 2,472 ແກ້ວ ແລະ ແກ້ວເປົ່າ 600 ແກ້ວ, ນ້ຳກະທຽມດອງບັນຈຸ 5,280 ແກ້ວ ແລະ ແກ້ວເປົ່າ 240 ແກ້ວ, ນ້ຳມັນໝາກພ້າວບັນຈຸແລ້ວ 282 ແກ້ວ ແລະ ແກ້ວເປົ່າ 600 ແກ້ວ, ນເຄື່ອງຈັກພາສະນະອຸປະກອນ ແລະ ວັດຖຸດິບທີ່ໃຊ້ໃນການຜະລິດຫຼາຍລາຍການຈຳນວນ 5,161 ອັນ.

ເຊິ່ງຂະບວນການຜະລິດດັ່ງກ່າວ ພາຊະນະ ແລະ ອຸປະກອນທີ່ໃຊ້ໃນການຜະລິດບໍ່ໄດ້ມາດຕະຖານ ບໍ່ສະອາດຖືກຫຼັກອະນາໄມ ເຈົ້າໜ້າທີ່ຈຶ່ງແຈ້ງຂໍ້ກ່າວຫາໃຫ້ຜູ້ຕ້ອງຫາຮັບຮູ້ ແລະ ຈັບກຸມຕົວເພື່ອສອບສວນ ແລະ ດຳເນີນຄະດີຕາມກົດໝາຍຕໍ່ໄປ.

ຝາກເຖິງພໍ່ແມ່ປະຊາຊົນໃຫ້ລະມັດລະວັງໃນການເລືອກຊື້ສິນຄ້າທີ່ໃຊ້ໃນການບໍລິໂພກ ຄວນຊື່ສິນຄ້າຈາກແຫຼ່ງ ແລະ ຍີ່ຫໍ້ທີ່ມີຄວາມໜ້າເຊື່ອຖື ເນື່ອງຈາກລາວເຮົາເປັນປະເທດທີ່ນຳເຂົ້າສິນຄ້າບໍລິໂພກຈາກເພື່ອນບ້ານເປັນຫຼັກ ຖ້າຖືກຂອງປອມທີ່ບໍ່ໄດ້ຮັບອະນຸຍາດ ທີ່ມີຂະບງນການຜະລິດທີ່ບໍ່ໄດ້ມາດຕະຖານອາດກໍ່ໃຫ້ເກີດອັນຕະລາຍແກ່ຮ່າງກາຍຄົນເຮົາໄດ້.

ແຫຼ່ງຂ່າວ: ມະຕິຊົນອອນລາຍ

ບົດຄວາມຫຼ້າສຸດ

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...