Homeຂ່າວພາຍ​ໃນລາວກຽມພ້ອມເປັນເຈົ້າພາບກອງປະຊຸມໄອປາ

ລາວກຽມພ້ອມເປັນເຈົ້າພາບກອງປະຊຸມໄອປາ

Published on

ທ່ານ ສັນຍາ ປະເສີດ ປະທານກຳມາທິການການຕ່າງປະເທດ ຫົວໜ້າອະນຸກຳມະການກອງເລຂາແຫ່ງຊາດ ໄດ້ໃຫ້ສໍາພາດ ຕໍ່ສື່ມວນຊົນ ໃນວັນທີ 29 ພຶດສະພາທີ່ຜ່ານມາ, ທີ່ສະພາແຫ່ງຊາດ ວ່າ: ສປປ ລາວ ກະກຽມຄວາມພ້ອມ ໃນການເປັນເຈົ້າພາບຈັດກອງປະຊຸມ ສະມັດຊາໃຫຍ່ລັດຖະສະພາລະຫວ່າງຊາດອາ ຊຽນ (AIPA) ຄັ້ງທີ 45 ໃນທ້າຍເດືອນຕຸລານີ້.

อาจเป็นรูปภาพของ 1 คน

ມາຮອດປັດຈຸບັນ ມີບາງກິດຈະກຳທີ່ໄດ້ເຮັດສຳເລັດແລ້ວເຊັ່ນ: 1) ກອງປະຊຸມຄະນະສະເພາະກິດຂອງໄອປາເພື່ອປຶກສາຫາລືກ່ຽວກັບການສ້າງຄູ່ມືການພົວພັນລະຫວ່າງໄອປາກັບພາຍນອກ ແລະ ການສ້າງຫ້ອງສະໝຸດກົດໝາຍດີຈີຕອນຂອງໄອປາ; 2) ກອງປະຊຸມສຳມະນາຂອງສະມາຊິກລັດຖະສະພາເພດຍິງໄອປາ (WAIPA) ຄັ້ງທີ 2 ແລະ ກອງປະຊຸມຄະນະປະສານງານໄວປາ; 3) ກອງປະຊຸມຮ່ວມກັນລະຫວ່າງ AIPA-FAO-IISD ຄັ້ງທີ 1 ກ່ຽວກັບການຈັດຕັ້ງປະຕິບັດຄູ່ມືການຂອງອາຊຽນໃນການສົ່ງເສີມການລົງທຶນຢ່າງມີປະສິດທິພາບໃນຂະແໜງອາຫານ, ກະສິກກຳ ແລະ ປ່າໄມ້.

ນອກຈາກນັ້ນ, ພວມຂຸ້ນຂ້ຽວກະກຽມຈັດກິດຈະກຳ ແລະ ກອງປະຊຸມຕ່າງໆໃນກອບໄອປາອີກຫຼາຍກອງປະຊຸມ ໃຫ້ສຳເລັດຕາມແຜນການໃນປີ2024 ເຊັ່ນ: 1) ກອງປະຊຸມສະພາທີ່ປຶກສາໄອປາ ກ່ຽວກັບໄພອັນຕະລາຍຂອງຢາເສບຕິດ(AIPACODD) ຄັ້ງທີ 7; 2) ກອງປະຊຸມຮ່ວມກັນລະຫວ່າງ AIPA-FAO-IISD ຄັ້ງທີ 2 ກ່ຽວກັບການຈັດຕັ້ງປະຕິບັດຄູ່ມືຂອງອາຊຽນ ໃນການສົ່ງເສີມການລົງທຶນຢ່າງມີປະສິດທິພາບ ໃນຂະແໜງອາຫານ, ກະສິກກຳ ແລະ ປ່າໄມ້; 3) ກອງປະຊຸມສະມາຊິກລັດຖະສະພາໜຸ່ມໄອປາ (YPA); 4) ກອງປະຊຸມພົບປະລະຫວ່າງຜູ້ນຳໄອປາ ແລະ ຜູ້ນຳອາຊຽນ ຊຶ່ງຈະຈັດຂຶ້ນໃນລະຫວ່າງກອງປະຊຸມສຸດຍອດອາຊຽນ ແລະ ກອງປະຊຸມໃຫຍ່ AIPA ຄັ້ງທີ 45 ຊຶ່ງຈະຈັດຂຶ້ນໃນລະຫວ່າງວັນທີ 18-24 ຕຸລາ 2024 ທີ່ນະຄອນຫຼວງວຽງຈັນ.

ຂ່າວ-ພາບ: ແສງຈັນ

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...