ພິທີປະກາດພະນັກງານອອກ ພັກການ-ຮັບອຸດໜູນບຳນານ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງນະຄອນໄກສອນພົມວິຫານ ໄດ້ຈັດຂຶ້ນໃນຕອນບ່າຍ ຂອງວັນທີ 30 ເມສານີ້, ໂດຍການເປັນ ປະທານຂອງທ່ານ ບຸນໂຈມ ອຸບົນ ປະເສີດ ກຳມະການສູນກາງພັກ ເລຂາພັກແຂວງ ເຈົ້າແຂວງສະຫວັນນະເຂດ, ມີທ່ານ ປະສົງສິນ ຈະເລີນສຸກ ກຳມະການປະຈຳພັກແຂວງ ເລຂາພັກນະຄອນໄກສອນ ພົມວິຫານ, ຄະນະນຳນະຄອນ, ຄະນະຈັດຕັ້ງແຂວງ, ຫົວໜ້າຫ້ອງການອ້ອມຂ້າງນະຄອນ ແລະນາຍບ້ານທົ່ວນະຄອນ ເຂົ້າຮ່ວມ.
ໃນພິທີ, ຕາງໜ້າຄະນະຈັດ ຕັ້ງແຂວງ ໄດ້ຜ່ານຂໍ້ຕົກລົງຂອງ ທ່ານ ເຈົ້າແຂວງສະຫວັນນະເຂດວ່າດ້ວຍ: ການອະນຸມັດໃຫ້ທ່ານ ສົມໝາຍ ສົງວິໄລ ກຳມະການ ປະຈຳພັກນະຄອນ, ຮອງເຈົ້ານະຄອນໄກສອນພົມວິຫານ ອອກພັກ ການ-ຮັບອຸດໜູນບໍານານ, ຜ່ານຂໍ້ຕົກລົງຂອງທ່ານເຈົ້າແຂວງວ່າດ້ວຍ: ການແຕ່ງຕັ້ງພະນັກງານ ໂດຍໄດ້ແຕ່ງຕັ້ງທ່ານ ນາງ ວັນ ນາລີ ແກ້ວຫານາມ ກຳມະການປະຈຳພັກນະຄອນ ເປັນຮອງເຈົ້າ ນະຄອນໄກສອນ ພົມວິຫານ.
ຂ່າວ: ສະຫວັນພັດທະນາ