spot_img
Homeຂ່າວພາຍ​ໃນປກສ ເມືອງຫົວເມືອງ ຈັບຜູ້ຖືກຫາ ພ້ອມຂອງກາງ

ປກສ ເມືອງຫົວເມືອງ ຈັບຜູ້ຖືກຫາ ພ້ອມຂອງກາງ

Published on

ວັນທີ 19 ກຸມພາ ທີ່ຜ່ານມາ, ເຈົ້າໜ້າທີ່ຕຳຫຼວດ ປກສ ເມືອງຫົວເມືອງ ແຂວງ ຫົວພັນ ໄດ້ຮັບແຫຼ່ງຂ່າວຈາກພົນລະເມືອງດີວ່າ: ຢູ່ຂອບເຂດເທດສະບານ ເມືອງຫົວເມືອງ ໄດ້ມີກຸ່ມຄົນບໍ່ດີລັກລອບຊື້-ຂາຍ ຢາເສບຕິດ. ຈາກນັ້ນ, ເຈົ້າໜ້າທີ່ຈຶ່ງໄດ້ແຕ່ງຕັ້ງທີມງານວິຊາສະເພາະລົງໄປກວດກາຕິດຕາມເຫັນວ່າ: ມີມູນຄວາມຈິງແທ້ ຮອດເວລາປະມານ 12:00 ໂມງຂອງວັນດຽວກັນ ຈຶ່ງໄດ້ພົບເຫັນເປົ້າໝາຍ ຂັບຂີ່ລົດຈັກຍີ່ຫໍ້ຮອນດາ, ສີຟ້າດຳ, ປ້າຍທະບຽນ ຫຼວງພະບາງ ຈຕ 6805 ມາຕາມສາຍທາງຂອບເຂດ ເທດ ສະບານເມືອງ ມຸ່ງໜ້າໄປຫາ ບ້ານເມືອງເປິນ. ຈາກນັ້ນ, ເຈົ້າໜ້າທີ່ຕຳຫຼວດ ປກສ ເມືອງຫົວເມືອງ ຈຶ່ງໄດ້ຂັບຂີ່ລົດຕິດຕາມນຳເປົ້າໝາຍໄປ. ພໍດີຮອດຈຸດກວດກາ (ປ້ອມຍາມ) ຂອງບໍລິສັດຂຸດຄົ້ນຖ່ານຫີນ ຢູ່ບ້ານເມືອງເປີນ ເມືອງຫົວເມືອງ ແຂວງຫົວພັນ ເຈົ້າໜ້າທີ່ຕຳຫຼວດຈຶ່ງໄດ້ສັ່ງໃຫ້ເປົ້າໝາຍຈອດລົດ ເພື່ອຂໍກວດກາຕາມລະບຽບການ.

May be an image of 2 people and text

ຜ່ານການກວດກາຈຶ່ງຮູ້ວ່າຜູ້ຖືກຫາຊື່ ທ້າວ ປັ້ນ ສີສົມບັດ,ຢູ່ບ້ານບົມ, ເມືອງນໍ້າບາກ ແຂວງຫຼວງພະບາງ, ເຊິ່ງຜູ້ກ່ຽວເປັນພະນັກງານຂອງບໍລິສັດຂຸດຄົ້ນຖ່ານຫີນ ແລະ ໄດ້ພົບເຫັນຢາບ້າ ຈໍານວນ 8 ເມັດ ຢູ່ໃນຖົງເສື້ອເບື້ອງຊ້າຍຂອງຜູ້ກ່ຽວ. ຫຼັງ ຈາກນັ້ນ, ເຈົ້າໜ້າທີຕຳຫຼວດ ປກສ ເມືອງຫົວເມືອງ ຈຶ່ງໄດ້ທໍາການຈັບຕົວຜູ້ກ່ຽວ, ພ້ອມຂອງກາງຢາບ້າ ຈຳນວນ 8 ເມັດ, ລົດຈັກ 1 ຄັ່ນ ມາທຳການສືບສວນ-ສອບສວນອີກ.

May be an image of 1 person and text

ຜ່ານການສືບສວນ-ສອບສວນ, ຜູ້ກ່ຽວໄດ້ຊັດທອດວ່າ: ໄດ້ຊື້ຢາບ້ານຳ ທ້າວ ສິນພະກອນ, ອາຍຸ 28 ປີ ອາຊີບປະຊາຊົນ, ຢູ່ບ້ານບວມງາມ, ເມືອງຫົວເມືອງ, ແຂວງຫົວພັນ. ຈາກນັ້ນ, ເຈົ້າໜ້າທີ່ຕຳຫຼວດໄດ້ເຂົ້າກັກຕົວທ້າວ ສິນພະກອນ ພ້ອມຂອງກາງຢາບ້າຈຳນວນ 307 ເມັດຢູ່ໃນກະເປົາເງິນທີ່ຜູ້ກ່ຽວໄດ້ຊຸກເຊື່ອງໄວ້ໃນຖົງໂສ້ງເບື້ອງຂວາ.ປັດຈຸບັນນີ້, ເຈົ້າໜ້າທີ່ຕຳຫຼວດ ປກສ ເມືອງຫົວເມືອງ ໄດ້ດຳເນີນຄະດີກັບພວກຖືກຫາທັງສອງຄົນຕາມລະບຽບກົດໝາຍ.

ຂ່າວ: ຄວາມສະຫງົບ.

ບົດຄວາມຫຼ້າສຸດ

ລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ)

ສຕລ ປະກາດລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ) ທີມຊາດລາວ ຊຸດໃຫຍ່ ພາຍໃຕ້ການຄຸມທີມຂອງ ທ່ານ ຮາ ຮອກ...

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...