spot_img
Homeຂ່າວພາຍ​ໃນປີ 2023 ເຊກອງ ດຶງດູດການລົງທຶນພາກເອກະຊົນໄດ້ 10 ໂຄງການ

ປີ 2023 ເຊກອງ ດຶງດູດການລົງທຶນພາກເອກະຊົນໄດ້ 10 ໂຄງການ

Published on

ທ່ານ ບົວຈອນ ແກ້ວປະດັບສີ ຮອງຫົວໜ້າແຜນການ ແລະ ການລົງທຶນແຂວງເຊກອງ ໃຫ້ຮູ້ວ່າ: ໃນໄລຍະຜ່ານມາ ແຂວງເຊກອງໄດ້ເອົາໃຈໃສ່ສ້າງເງື່ອນໄຂສິ່ງອໍານວຍຄວາມສະດວກໃຫ້ແກ່ການລົງທຶນຂອງພາກເອກະຊົນພາຍໃນ ແລະ ຕ່າງປະເທດ ຊຶ່ງມາຮອດປັດຈຸບັນ ສາມາດດຶງດູດການລົງທຶນໄດ້ທັງໝົດ 121 ໂຄງການ ຄາດຄະເນມູນຄ່າການລົງທຶນ 4.365 ລ້ານໂດລາ. ໃນນີ້, ການລົງທຶນຂອງເອກະຊົນພາຍໃນ 82 ໂຄງການ ແລະ ຕ່າງປະເທດ 39 ໂຄງການ. ສະເພາະໃນປີ 2023 ສາມາດດຶງດູດການລົງທຶນໄດ້ 10 ໂຄງການ ຄາດຄະເນມູນຄ່າການລົງທຶນ 44 ລ້ານໂດລາ. ໃນນີ້, ຂັ້ນແຂວງອະນຸມັດ 6 ໂຄງການ ແລະ ຂັ້ນສູນກາງອະນຸມັດ 4 ໂຄງການ.

ພ້ອມນີ້, ຍັງໄດ້ຢັ້ງຢືນສະໜັບສະໜູນໂຄງການທີ່ເຊັນສັນຍາກັບແຂວງ ໄປເຊັນສັນຍາຢູ່ສູນກາງຈຳນວນ 8 ໂຄງການ ເປັນຕົ້ນ ແມ່ນໄດ້ສະໜັບສະໜູນໃຫ້ກຸ່ມບໍລິສັດ ພົງຊັບທະວີ ຈຳກັດຜູ້ດຽວ ເຊັນສັນຍາພັດທະນາໂຄງການ (PDA) ກັບ ຂັ້ນສູນກາງຈຳນວນ 3 ໂຄງການ ປະກອບມີໂຄງການກໍ່ສ້າງເຂື່ອນໄຟຟ້າຫ້ວຍກາລະບາຍ 1, ໂຄງການກໍ່ສ້າງເຂື່ອນກໍ່ສ້າງໄຟຟ້າກາລະບາຍ 2 ແລະ ໂຄງການກໍ່ສ້າງເຂື່ອນໄຟຟ້າຫ້ວຍກາລະບາຍ 3 ລວມມີກໍາລັງການຕິດຕັ້ງ 83 ເມກາວັດ ເຫັນວ່າກຳລັງຕິດຕັ້ງເກີນສິດອະນຸຍາດຂອງແຂວງ; ສະໜັບສະໜູນໃຫ້ບໍລິສັດ ເທບສີເມືອງການຄ້າ ຈຳກັດ ທີ່ໄດ້ເຊັນສັນຍາພັດທະນາໂຄງການ (PDA) ກັບ ແຂວງ ຍົກກຳລັງຕິດຕັ້ງຈາກຂັ້ນແຂວງຂຶ້ນກັບຂັ້ນສູນກາງ 5 ໂຄງການ ປະກອບມີໂຄງການກໍ່ສ້າງເຂື່ອນໄຟຟ້າຫ້ວຍກະເຕັນ, ໂຄງການກໍ່ສ້າງເຂື່ອນໄຟຟ້ານ້ຳຕົກຫ້ວຍເປເລ, ໂຄງການກໍ່ສ້າງເຂື່ອນໄຟຟ້າຫ້ວຍລະຊຳ 1, ໂຄງການກໍ່ສ້າງເຂື່ອນໄຟຟ້າຫ້ວຍລະຊຳ 2 ແລະ ໂຄງການກໍ່ສ້າງເຂື່ອນໄຟຟ້າອີເມີນ 6.

ທີ່ມາ: MediaLAOS

ບົດຄວາມຫຼ້າສຸດ

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...