spot_img
Homeຂ່າວພາຍ​ໃນພິທີມອບ-ຮັບ ໂຮງຮຽນມັດທະຍົມສົມບູນບ້ານຕິ້ວ

ພິທີມອບ-ຮັບ ໂຮງຮຽນມັດທະຍົມສົມບູນບ້ານຕິ້ວ

Published on

ເມື່ອວັນທີ 21 ມັງກອນທີ່ຜ່ານມາໄດ້ມີພິທີມອບ-ຮັບ ໂຮງຮຽນມັດທະຍົມສົມບູນ (ມສ) ບ້ານຕິ້ວ, ເມືອງລະມາມ, ແຂວງເຊກອງ, ເຊິ່ງໄດ້ຮັບການກໍ່ສ້າງໂດຍທຶນຊ່ວຍເຫຼືອລ້າຈາກລັດຖະບານ ແລະ ປະຊາຊົນຍີ່ປຸ່ນ, ເຊິ່ງມີທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ, ທ່ານ ກິກຸຈິ ໄທຈຸ (Mr. Kikuchi Taiju) ຕາງໜ້າສະຖານເອກອັກຄະຣາຊະທູດຍີ່ປຸ່ນ ປະຈໍາ ສປປ ລາວ, ທ່ານ ວົງເດືອນ ຈັນທະບຸດຊຽງ ເຈົ້າເມືອງ ເມືອງລະມາມ, ທ່ານ ຄໍາໄພ ສິມມາວັດ ຫົວໜ້າພະແນກສຶກສາທິການ ແລະ ກິລາແຂວງພ້ອມຄະນະເຂົ້າຮ່ວມ.ທ່ານນາງ ພອນໄພ ສີວິໄລ ຫົວໜ້າຫ້ອງການສຶກສາທິການ ແລະ ກິລາເມືອງລະມາມໄດ້ລາຍງານໃຫ້ຮູ້ວ່າ: ໂຄງການກໍ່ສ້າງອາຄານຮຽນມັດທະຍົມສົມບູນບ້ານຕົ້ວ, ເມືອງລະມາມ, ແຂວງເຊກອງ ໄດ້ເລີ່ມລົງມືກໍ່ສ້າງໃນເດືອນພະຈິກ 2022 ໂດຍແມ່ນບໍລິສັດ ເອັດແອັດວານ ຈຳກັດຜູ້ດຽວ ເປັນຜູ້ຮັບເໝົາກໍ່ສ້າງ ແລະ ມາຮອດເດືອນພຶດສະພາ 2023 ແມ່ນສໍາເລັດຕາມແຜນການ, ເຊິ່ງເປັນອາຄານຊັ້ນດຽວ ຂະໜາດ 9 x 28 ແມັດ ປະກອບມີ 3 ຫ້ອງຮຽນ 1 ຫ້ອງການ ແລະ ເຄື່ອງເຟີນີເຈີ້ຄົບຊຸດ. ພ້ອມນີ້, ຍັງມີຫ້ອງນໍ້າ 1 ຫຼັງ 2 ຫ້ອງ ລວມມູນຄ່າທັງໝົດ 66.892 ໂດລາສະຫະລັດ ຫລື ປະມານ 1,3 ຕື້ກີບ. ທ່ານ ກິກຸຈິ ໄທຈຸ ໄດ້ກ່າວວ່າ: ການຊ່ວຍເຫຼືອຂອງລັດຖະບານ ແລະ ປະຊາຊົນຍີ່ປຸ່ນໃນຄັ້ງນີ້ມີເປົ້າໝາຍທີ່ຈະຂະຫຍາຍອາຄານ, ສະໜອງວັດຖຸອຸປະກອນການຮຽນ-ການສອນ; ເຊິ່ງໃນເມື່ອກ່ອນໂຮງຮຽນດັ່ງກ່າວມີອາຄານຮຽນ 2 ຫຼັງ ແລະ ວັດຖຸອຸປະກອນຕ່າງໆມີຄວາມເກົ່າແກ່ຊຸດໂຊມເຮັດໃຫ້ການຮຽນ-ການສອນພົບຄວາມຫຍຸ້ງຫຼາຍດ້ານ. ສະນັ້ນ, ຂ້າພະເຈົ້າເຊື່ອວ່າ: ການຊ່ວຍເຫຼືອຄັ້ງນີ້, ຈະເປັນການປະກອບສ່ວນສໍາຄັນເຂົ້າໃນປັບປຸງສະພາບແວດລ້ອມການສຶກສາໂດຍແມ່ນການຮຽນ-ການສອນຢູ່ໂຮງຮຽນແຫ່ງນີ້ໃຫ້ດີຂຶ້ນ.

ໃນໂອກາດນີ້,ທ່ານ ເຫຼັກໄຫຼ ສີວິໄລ ກໍ່ໄດ້ສະແດງຄວາມຂອບໃຈ ຕໍ່ລັດຖະບານ ແລະ ປະຊາຊົນຍີ່ປຸ່ນ ໂດຍສະເພາະແມ່ນທ່ານເອກອັກຄະຣາຊະທູດຍີ່ປຸ່ນ ປະຈຳ ສປປ ລາວ ທີ່ໃຫ້ການຊ່ວຍເຫຼືອ, ສະໜັບສະໜູນທຶນຮອນເຂົ້າໃນການກໍ່ສ້າງໂຮງຮຽນດັ່ງກ່າວ ແລະ ບັນດາໂຄງການອື່ນໆ ເຊິ່ງເປັນການປະກອບສ່ວນສໍາຄັນຕໍ່ການພັດທະນາຂະແໜງການສຶກສາກໍຄື: ການພັດທະນາຊັບພະຍາກອນມະນຸດ ແລະ ການພັດທະນາເສດຖະກິດ-ສັງຄົມຂອງແຂວງເຊກອງໃຫ້ດີຂຶ້ນ.

ຂ່າວ-ພາບ: ສັນຍາ

ບົດຄວາມຫຼ້າສຸດ

ກິນສົ້ມໝູດິບ ອັນຕະລາຍທີ່ສຸດສຳລັບຄົນຖືພາ ອາດຈະເຮັດໃຫ້ລູກໃນທ້ອງບໍ່ສົມບູນ

ຂອງມັກໃຜ? ດັ່ງທີ່ເຮົາຮູ້, ຊີ້ນໝູສົດບໍ່ສາມາດກິນດິບໄດ້ ແຕ່ກໍຍັງມີອາຫານບາງຊະນິດທີ່ນໍາຊີ້ນໝູສົດໄປແປຮູບເປັນອາຫານ ເຊັ່ນ: ສົ້ມໝູ ໂດຍຄົນບາງກຸ່ມ ກໍຍັງມີວິທີການກິນໂດຍບໍ່ໄດ້ຜ່ານການປຸງສຸກ. ສົ້ມໝູແມ່ນອາຫານທີ່ເຮັດຈາກຊີ້ນໝູສົດທີ່ຜ່ານການໝັກດ້ວຍເຂົ້າ, ກະທຽມ ແລະ ເກືອ ເຮັດໃຫ້ມີລົດຊາດສົ້ມ ເຮັດໃຫ້ເກີດຈາກສານເເລັກຕິກ...

ພ້ອມໃຫ້ບໍລິການ 40 ຈຸດທົ່ວປະເທດ! ສະຖານີສາກລົດໄຟຟ້າ BlueDot ຈາກບໍລິສັດ ລາວທານີ ທີ່ມາພ້ອມກັບມາດຕະຖານ ແລະ ຄວາມປອດໄພຂັ້ນສູງ

ສະຖານີສາກລົດໄຟຟ້າ BlueDot ຈາກບໍລິສັດລາວທານີ ທີ່ມາພ້ອມກັບມາດຕະຖານ ແລະ ມີຈຸດສາກລົດຫຼາຍກວ່າ 40 ຈຸດທົ່ວປະເທດ. ໃນຍຸກປັດຈຸບັນ, ການເດີນທາງດ້ວຍລົດຍົນໄຟຟ້າກໍາລັງໄດ້ຮັບຄວາມນິຍົມຫຼາຍຂຶ້ນເລື້ອຍໆ ໃນ ສປປ ລາວ ດັ່ງນັ້ນ, “ສະຖານີສາກລົດໄຟຟ້າ”...

ລາວ-ກູບາ ສືບຕໍ່ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ

ລາວ-ກູບາ ພົບປະສອງຝ່າຍຢ່າງເປັນທາງການ ເພື່ອຕີລາຄາ, ຖອດຖອນບົດຮຽນ, ປຶກສາຫາລືດ້ານຍຸດທະສາດ ແລະ ກໍານົດທິດທາງການຮ່ວມມື ໃຫ້ກ້າວເຂົ້າສູ່ລວງເລິກ ເພື່ອຜົນປະໂຫຍດລວມຂອງປະຊາຊົນສອງຊາດ. ໂດຍຕອບສະໜອງຕາມຄໍາເຊີນຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ,...

ເຮືອໂດຍສານຫຼົ້ມ ທີ່ປະເທດໄນຈີເຣຍ ເສຍຊີວິດ 60 ຄົນ ເຊິ່ງມີການບັນຈຸຜູ້ໂດຍສານຫຼາຍກວ່າ 100 ຄົນ

ເສຍຊີວິດ 60 ຄົນ ເຫດການເຮືອໂດນສານຫຼົ້ມທີ່ປະເທດໄນຈີເຣຍ ຜູ້ເສຍຊີວິດສ່ວນຫຼາຍແມ່ນຜູ້ຍິງ ແລະ ເດັກນ້ອຍ. ໃນວັນທີ 02 ກັນຍາ 2025 ທີ່ຜ່ານມາ, ເກີດເຫດເຮືອໂດຍສານຫຼົ້ມ ປະເທດໄນຈີເຣຍ, ເນື່ອງຈາກເຮືອໄດ້ຕໍາກັບຕໍໄມ້ທີ່ຢູ່ໃນນ້ໍ້າ...