spot_img
Homeຂ່າວພາຍ​ໃນອອກມາຊີແຈງແລ້ວ! ກໍລະນີແມ່ເກີດລູກຢູ່ໂຮງໝໍແຂວງໄຊຍະບູລີແລ້ວເສຍຊີວິດ

ອອກມາຊີແຈງແລ້ວ! ກໍລະນີແມ່ເກີດລູກຢູ່ໂຮງໝໍແຂວງໄຊຍະບູລີແລ້ວເສຍຊີວິດ

Published on

ຈາກກໍລະນີທີ່ເຟສບຸກຊື່ວ່າ: Faiynoy Kts  ໄດ້ອອກມາໂພສໃນວັນທີ 31 ທັນວາ 2023 ໂດຍມີເນື້ອໃນວ່າ: ໂຮງຫມໍ້ແຂວງໄຊຍະບູລີ ຝາກເປັນຂະຕິເຕືອນໃຈເຖິງແພດຫມໍ້ທຸກຄົນທີ່ປະຕິບັດຫນ້າທີ່ຂອງຕົວເອງຢູ່ໂຮງໝໍ ທີ່ລະເລີຍຫນ້າທີ່ຕໍ່ປະຊາຊົນ ບໍ່ສົນໃຈຕໍ່ຄໍາຮ້ອງຂໍຂອງປະຊາຊົນ ຄົນເຈັບໄດ້ໄປເຖິງໂຮງຫມໍແຕ່ 9:45 ໂມງ ຄົນເຈັບທ້ອງເກີດລູກ ເພິ່ນຂໍຮ້ອງໃຫ້ທ່ານຫມໍຜ່າຕັດໃຫ້ ແຕ່ໝໍບໍ່ຍອມຜ່າຕັດ ເວົ້າແຕ່ວ່າບໍ່ເປັນຫຍັງ ເຖິງມີແພດໝໍແລ້ວເຈົ້າບໍ່ຕ້ອງຢ້ານ ມີແຕ່ຄໍາເວົ້າ ລະບໍ່ເຮັດຫຍັງ ຈົນຮອດ 5:00 ໂມງຈົນເຮັດໃຫ້ຄົນເຈັບ ທົນນອາການເຈັບບໍ່ໄຫວ ຈົນເກີດການຊັອກຫມົດສະຕິ ແລ້ວທ່ານໝໍຍັງມາຫາ ວ່າ ຄົນເຈັບເປັນບ້າໝູ ທັງໆທີ່ຄົນເຈັບຕັ້ງແຕ່ນ້ອຍຈົນໃຫຍ່ບໍ່ເຄີຍມີການບ້າໝູແມ້ແຕ່ເທື່ອດຽວ ຈົນເຮັດໃຫ້ປະຊາຊົນຄົນຕາດໍາໆ ໄດ້ເສຍຊີວິດລົງ ແລະ ຍັງຖິ້ມໂທດໃສ່ຄົນເຈັບວ່າເປັນພະຍາດຕ່າໆໆນາໆ ໂດຍບໍ່ຮັບຜິດຊອບຫຍັງເລີຍ ແຖມຍັງເວົ້າຈາບໍ່ສຸພາບຕໍ່ຍາດຕິພີ່ນ້ອງຄົນເຈັບເຫດການນີ້ເຮັດໃຫ້ເດັກນ້ອຍຕາລ່າໆສອງຄົນຕ້ອງເປັນກໍາພ້າແມ່ໄປຕະຫຼອດການ ຝາກເຖິງແພດໝໍຢູ່ໂຮງຫມໍແຂວງໄຊຍະບູລີເອົາໃຈໃສ່ຕໍ່ຫນ້າທີ່ວຽກງານຂອງຕົວເອງໃຫ້ເຂັ້ມງວດຫຼາຍກວ່ານີ້ເພື່ອບໍ່ໃຫ້ເກີດເຫດການແບບນີ້ເກີດຂື້ນອີກກັບກໍລະນີອື່ນ.

ຕໍ່ກັບເຫດການດັ່ງກ່າວ: ທາງໂຮງໝໍແຂວງໄຊຍະບູລີໄດ້ອອກມາຊີ້ແຈງໃນວັນທີ 5 ມັງກອນ 2024 ນີ້ວ່າ: ກໍລະນີທີ່ເກີດຂຶ້ນຢູ່ໃນໂຮງໝໍແຂວງໄຊຍະບູລີນີ້ ແມ່ນເພດຍິງອາຍຸ 33 ປີ ໄດ້ເຂົ້າມາຈະເກີດລູກຜູ້ທີ 3 ເຊິ່ງທາງໂຮງໝໍກໍໄດ້ມີຂະບວນການໃນການຕິດຕາມການເກີດລູກແມ່ນເຮັດຖືກຕ້ອງຕາມຂັ້ນຕອນ ເຊິ່ງໃນເວລາທີ ເຂົ້າມາເກີດລູກນັ້ນ 10:00 ໂມງ ແລະໄດ້ຕິດຕາມມາຮອດເວລາ 16:00 ໂມງ ທາງຜູ້ກ່ຽວມີອາການນ້ຳຄາວປາແຕກ ຫຼັງຈາກທີ່ນ້ຳຄາວປາແຕກ ໜຶ່ງຊົ່ວໂມງ ຄົນເຈັບຫາຍໃຈຝຶດ ຄວາມດັນຕົກ ໜ້າກໍ່າແຫຼ້ ແລະ ສຸດທ້າຍກໍ່ຢຸດຫາຍໃຈ, ຕໍ່ກັບພະຍາດດັ່ງກ່າວຜູ້ກ່ຽວຍັງມີພະຍາດເສັ້ນເລືອດອຸດຕັນລອດປອດ ເຊິ່ງທາງທີມງານແພດກໍພາກັນຊ່ວຍສຸດຄວາມສາມາດແລ້ວ ແຕ່ກໍບໍ່ສາມາດຊ່ວຍຊີວິດຂອງຜູ້ກ່ຽວໄວ້ໄດ້.

ສຸດທ້າຍນີ້ທາງເຈົ້າໜ້າທີ່ ແລະ ທາງໂຮງໝໍແຂວງໄຊຍະູລີ ກໍຂໍສະແດງຄວາມເສຍໃຈທີ່ບໍ່ສາມາດຊ່ວຍເຫຼືອຊີວິດຜູ້ເຈັບໄວ້ໄດ້ ແລະ ຂໍໃຫ້ທຸກຄົນທຳຄວາມເຂົ້າໃຈທາງດ້ານວິຊາການ ບໍ່ຢາກໃຫ້ສະແດງຄວາມຄິດເຫັນທີ່ມີລັກສະນະບໍ່ຖືກຕ້ອງ ແລະ ຢາກໃຫ້ມີການຜິດຈາລະນາວິນິໃສໃນການສະແດງຄວາມຄິດເຫັນຢູ່ໃນເຟສບຸກດ້ວຍ ຕໍກັບເຫດການດັ່ງກ່າວນີ້ ພວກເຮົາຊິມີການທົບທວນຄືອີກ ທາງສູນກາງ ທາງແຂວງ ຍັງຊິໄດ້ທົບທວນຄືນໃໝ່ອີກກ່ຍວກັບກໍລະນີດັ່ງກ່າວເຊິ່ງເປັນກໍລະນີທີ່ບໍ່ເຄີຍເກີດຂຶ້ນ.

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...