spot_img
Homeຂ່າວພາຍ​ໃນໄລຍະສົ່ງທ້າຍປີເກົ່າຕ້ອນຮັບປີໃໝ່ 2024 ເສຍຊິວິດ 21 ຄົນ

ໄລຍະສົ່ງທ້າຍປີເກົ່າຕ້ອນຮັບປີໃໝ່ 2024 ເສຍຊິວິດ 21 ຄົນ

Published on

ສະຫຼຸບຍອດອຸບັດຕິເຫດທີ່ເກີດຂຶ້ນໃນໄລຍະການສະເຫຼີມສະຫຼອງສົ່ງທ້າຍປີເກົ່າຕ້ອນຮັບປີໃໝ່ ປີ 2024, ແຕ່ວັນທີ 29 ທັນວາ 2023 ຫາ 2 ມັງກອນ 2024 ເຫັນວ່າ ຍອດຫຼຸດລົງຈາກປີທີ່ຜ່ານມາ.

ອີງຕາມການລາຍງານຂອງບົດຂ່າວຄວາມສະຫົງບໃຫ້ຮູ້ວ່າ: ໃນໄລຍະການສະເຫຼີມສະຫຼອງສົ່ງທ້າຍປີເກົ່າ ຕ້ອນຮັບປີໃໝ່ ນັບແຕ່ວັນທີ 29 ທັນວາ 2023 ຫາ 2 ມັງກອນ 2024 (5 ວັນ) ທົ່ວປະເທດ ມີອຸບັດຕິເຫດເກີດຂຶ້ນທັງໝົດ 148 ຄັ້ງ ເສຍຊິວິດ 21 ຄົນ, ໃນນັ້ນ ມີຄົນໄດ້ຮັບບາດເຈັບ 227 ຄົນ ແລະ ພາຫະນະເປ່ເພ 269 ຄັນ, ເມື່ອທຽບໃສ່ໄລຍະດຽວກັນຂອງປີທີ່ຜ່ານມາ ເຫັນວ່າການເກີດອຸບັດຕິເຫດຫຼຸດລົງ 42 ຄັ້ງ ແລະ ຍອດຜູ້ເສຍຊີວິດຫຼຸດລົງ 5 ຄົນ.

ພັທ ແກ້ວມາລາ ແສງທອງ ຮອງຫົວໜ້າກົມຕໍາຫຼວດຈະລາຈອນ ກົມໃຫຍ່ຕໍາຫຼວດ ກະຊວງປ້ອງກັນຄວາມສະຫງົບໄດ້ໃຫ້ສຳພາດຕໍ່ສື່ມວນຊົນ ເມື່ອວັນທີ 3 ມັງກອນທີ່ຜ່ານມາວ່າ: ເລີ່ມຕັ້ງແຕ່ວັນທີ 29 ທັນວາ 2023 – 2 ມັງກອນ 2024 ເປັນໄລຍະສະເຫຼີມສະຫຼອງສົ່ງທ້າຍປີເກົ່າຕ້ອນຮັບປີໃໝ່ ທົ່ວປະເທດມີອຸບັດຕິເຫດເກີດຂຶ້ນທັງໝົດ 148 ຄັ້ງ ແລະ ມີຈຳນວນຜູ້ເສຍຊີວິດ 21 ຄົນ, ທຽບໃສ່ໄລຍະດຽວກັນຂອງປີທີ່ຜ່ານມາເຫັນວ່າອັດຕາການເກີດອຸບັດຕິເຫດຫຼຸດລົງ 42 ຄັ້ງ ແລະ ຍອດຜູ້ເສຍຊີວິດຫຼຸດລົງ 5 ຄົນ. ໃນນັ້ນ ມີຄົນໄດ້ຮັບບາດເຈັບ 227 ຄົນ ແລະ ພາຫະນະເປ່ເພ 269 ຄັນ, ສໍາລັບແຂວງທີ່ມີອຸບັດຕິເຫດເກີດຂຶ້ນຫຼາຍກວ່າໝູ່ແມ່ນ ນະຄອນຫຼວງວຽງຈັນ ເກີດຂຶ້ນ 18 ຄັ້ງ, ແຂວງຈຳປາສັກ ເກີດຂຶ້ນ 17 ຄັ້ງ , ແຂວງ ວຽງຈັນ ເກີດຂຶ້ນ 16 ຄັ້ງ, ແຂວງ ສະຫວັນນະເຂດ ເກີດຂຶ້ນ 13 ຄັ້ງ, ແຂວງ ຄໍາມ່ວນ ເກີດຂຶ້ນ 11 ຄັ້ງ, ສ່ວນແຂວງທີ່ມີ ຜູ້ເສຍຊີວິດຫຼາຍກວ່າໝູ່ ປະກອບມີ: ນະຄອນຫຼວງວຽງຈັນ ເສຍຊີວິດ 6 ຄົນ, ແຂວງຄໍາມ່ວນ ເສຍຊີວິດ 3 ຄົນ, ແຂວງວຽງຈັນ ເສຍ ຊີວິດ 2 ຄົນ, ແຂວງບໍລິຄໍາໄຊ ເສຍຊີວິດ 2 ຄົນ, ແຂວງຫຼວງນໍ້າທາ ເສຍຊີວິດ 2 ຄົນ. ສ່ວນສາເຫດທີ່ພາໃຫ້ເກີດອຸບັດຕິເຫດເກີດມາ ຈາກຫຼາຍປັດໄຈຄື: ເກີດມາຈາກການດື່ມສິ່ງມຶນເມົາ 19 ຄັ້ງ , ຂັບຂີ່ດ້ວຍຄວາມໄວເກີນກໍານົດ 34 ຄັ້ງ, ບໍ່ປ່ອຍສິດ 22 ຄັ້ງ, ປ່ຽນທິດ ທາງ 31 ຄັ້ງ, ຊິງບໍ່ຮັບປະກັນ 8 ຄັ້ງ, ສະພາບເຕັກນິກລົດບໍ່ຮັບປະກັນ 5 ຄັ້ງ, ບໍ່ແນບຂວາ 4 ຄັ້ງ, ຂັບຂີ່ອອກສາຍທາງຂອງຕົນ 10 ຄັ້ງ, ບໍ່ຮັກສາໄລຍະຫ່າງ 1 ກໍລະນີ ແລະ ປັດໄຈອື່ນໆ ທີ່ເກີດຂຶ້ນອີກ 14 ຄັ້ງ.

ເພື່ອຫຼຸດຜ່ອນອັດຕາການເກີດອຸບັດຕິເຫດໃນສັງຄົມລາວໃຫ້ຫຼຸດໜ້ອຍຖອຍລົງ, ຢາກຂໍຄວາມຮ່ວມມືກັບທຸກຄົນໃຫ້ມີສະຕິລະມັດໃນເວລາຂັບຂີ່ລົດ, ເມົາບໍ່ຂັບ, ໃຫ້ກຽດເຊິ່ງກັນແລະກັນ, ໝັ່ນກວດເຊັກສະພາບເຕັກນິກພາຫະນະຂອງຕົນເອງໃຫ້ຢູ່ໃນສະພາບດີສະເໝີ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...