spot_img
Homeຂ່າວພາຍ​ໃນແຂວງໄຊຍະບູລີ ນໍາເຂົ້າສິນຄ້າທີ່ຈໍາເປັນ ມູນຄ່າ 50,50 ລ້ານໂດລາ

ແຂວງໄຊຍະບູລີ ນໍາເຂົ້າສິນຄ້າທີ່ຈໍາເປັນ ມູນຄ່າ 50,50 ລ້ານໂດລາ

Published on

ແຂວງໄຊຍະບູລີ ໄລຍະຜ່ານມາແມ່ນໄດ້ເອົາໃຈໃສ່ ໃນການຈັດຕັ້ງປະຕິບັດ ການຕິດຕາມກວດກາການນໍາເຂົ້າ-ສົ່ງອອກສິນຄ້າ ແລະ ການຄຸ້ມຄອງລາຄາສິນຄ້າ ດ້ວຍຄວາມຮັບຜິດຊອບສູງ ແລະ ໄດ້ກໍານົດນໍາເຂົ້າສິນຄ້າທີ່ຈໍາເປັນ ຈໍານວນໜຶ່ງມູນຄ່າ 50,50 ລ້ານໂດລາສະຫະລັດ.

ທ່ານ ຈັນເພັງ ພັນທຸອາມາດ ຫົວໜ້າພະແນກ ອຸດສາຫະກໍາ ແລະ ການຄ້າແຂວງ ໄດ້ລາຍງານກ່ຽວກັບການຕິດຕາມກວດກາການນໍາເຂົ້າ-ສົ່ງອອກສິນຄ້າ ແລະ ການຄຸ້ມຄອງລາຄາສິນຄ້າ ຕໍ່ກອງປະຊຸມ ອົງການປົກຄອງແຂວງເປີດກວ້າງຄັ້ງທີ II ໃນຕອນເຊົ້າຂອງວັນທີ 22 ທັນວາ 2023 ທີ່ສະໂມສອນຫ້ອງວ່າການແຂວງ ໄຊຍະບູລີ ວ່າ: ໃນໄລຍະ 11 ເດືອນ ປີ 2023 ແມ່ນໄດ້ກໍານົດການນໍາເຂົ້າສິນຄ້າທີ່ຈໍາເປັນມູນຄ່າ 50,50 ລ້ານໂດລາສະຫະລັດ ຖ້າທຽບໃສ່ແຜນການປີ 2023 ແມ່ນກວມເອົາ 42,40%, ເຊິ່ງປະກອບມີ: ນໍ້າມັນເຊື້ອໄຟ, ເຄື່ອງອຸປະໂພກ-ບໍລິໂພກ, ແນວພັນ, ສັດ ແລະ ເຄື່ອງຮັບໃຊ້ການຜະລິດ, ພາຫະນະ ແລະ ອາໄລ່, ເຄື່ອງກໍ່ສ້າງ ແລະ ເຄື່ອງໄຟຟ້າ, ແກ໊ດຫຸງຕົ້ມ-ນໍ້າມັນລໍ່ລື່ນ, ແກັດເຈ້ຍ ແລະ ສານເຄມີຮັບໃຊ້ໂຮງງານໄຟຟ້າຫົງສາ.

ພ້ອມດຽວກັນຍັງໄດ້ກໍານົດລາຍການສິນຄ້າທີ່ບໍ່ຈໍາເປັນນໍາເຂົ້າຈາກຕ່າງປະເທດມີ 137 ລາຍການໃນນັ້ນ: ປະເພດຜັກມີ 59 ລາຍການ, ໝາກໄມ້ມີ 23 ລາຍການ, ປາສົດ ແລະ ປາແຫ້ງມີ 10 ລາຍການ, ສັດປີກ 4 ລາຍການ, ສັດໃຫຍ່ 5 ລາຍການ, ຜະລິດຕະພັນສັດ 20 ລາຍການ, ສິນຄ້າອຸດສາຫະກໍາ-ຫັດຖະກໍາ 16 ລາຍການ, ສໍາລັບການສົ່ງອອກສິນຄ້າໄປຕ່າງປະເທດມີມູນຄ່າທັງໝົດ 84,96 ລ້ານໂດລາສະຫະລັດ, ເທົ່າກັບ 70,21%, ສິນຄ້າສົ່ງອອກສ່ວນໃຫຍ່ແມ່ນຜົນຜະລິດກະສິກໍາກວມເອົາ 99,15%ເຊັ່ນ: ມັນຕົ້ນ, ສາລີ, ໝາກເດືອຍ, ໝາກກ້ວຍ, ໝາກໂມ, ຖົ່ວເຫຼືອງ ແລະ ຢາງພາລາ, ເຄື່ອງປ່າຂອງດົງກວມເອົາ 0,33% ແລະ ຫີນຄົບກວມເອົາ 0,52%, ສ່ວນການຄຸ້ມຄອງລາຄາສິນຄ້າແມ່ນໄດ້ເອົາໃຈໃສ່ຢ່າງຕັ້ງໜ້າເຮັດໃຫ້ລາຄາສິນຄ້າປະເພດຕ່າງໆໃນທ້ອງຕະຫຼາດຢູ່ໃນເກນປົກກະຕິ.

ແຫຼ່ງຂ່າວ News.XBL

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...