spot_img
Homeຂ່າວພາຍ​ໃນພະຍາຍາມຄາຕະກຳເພື່ອປິດບັງຄວາມຜິດທີ່ຈະຂົ່ມຂືນ

ພະຍາຍາມຄາຕະກຳເພື່ອປິດບັງຄວາມຜິດທີ່ຈະຂົ່ມຂືນ

Published on

ໃນວັນທີ 19 ທັນວາ 2023 ເຈົ້າໜ້າທີ່ ພະແນກຕໍາຫຼວດປກສ ເມືອງທ່າແຂກ ແຂວງ ຄຳມ່ວນ ໄດ້ນຳ ທ້າວ ລໍາໄພ ໄຊຍະວົງສາ ອາຍຸ 31 ປີ ປະຊາຊົນ ບ້ານ ຕານ ເມືອງທ່າແຂກ ແຂວງຄຳມ່ວນ ໄປເຮັດແຜນປະກອບຄໍາສາລະພາບ ພາຍຫຼັງກໍ່ເຫດພະຍາຍາມຄາຕະກຳເພື່ອປິດບັງຄວາມຜິດ.

ເຈົ້າໜ້າທີ່ ປກສ ແຂວງຄຳມ່ວນ ໃຫ້ຮູ້ວ່າ: ທ້າວ ລຳໄພ ໄຊຍະວົງສາ ໄດ້ສາລະພາບໃນເບື້ອງຕົ້ນວ່າ ໃນເວລາ 19 ໂມງຂອງວັນທີ 12 ພະຈິກ 2023 ຜູ້ກ່ຽວ ແໄດ້ໄປດື່ມເບຍຢູ່ເຮືອນຂອງໝູ່ທີ່ຢູ່ບ້ານດຽວກັນ ຫຼັງຈາກນັ້ນຈຶ່ງໄດ້ແຍກຍາຍກັນກັບເຮືອນ ແຕ່ພໍຜູ້ກ່ຽວຍ່າງມາຮອດເຮືອນຂອງ ນາງ ແພງ ຜູ້ເສຍຫາຍ ຈຶ່ງມີແນວຄິດຢາກຮ່ວມເພດສໍາພັນກັບນາງແພງ. ຈາກນັ້ນ ຈຶ່ງໄດ້ໄປໄຂປະຕູເຂົ້າໄປເຮືອນເຫັນ ນາງ ແພງ ແລະ ລູກສາວຂອງນາງ ແພງ ອາຍຸ 10 ປີ ນອນຢູ່ໃນຫ້ອງນອນ ແລ້ວແກ້ໂສ້ງເສື້ອຂອງຜູ້ກ່ຽວອອກຈົນໝົດ ເພື່ອຫວັງຈະຮ່ວມເພດສຳພັນກັບ ນາງ ແພງ ແຕ່ນາງ ແພງໄດ້ຕື່ນ ພໍດີ, ນາງ ແພງ ແລະ ລູກສາວ ຈຶ່ງໄດ້ແລ່ນອອກຈາກຫ້ອງນອນ, ສ່ວນທ້າວ ລຳໄພ ໄຊຍະວົງສາ ໄດ້ນຸ້ງໂສ້ງ ແລ້ວແລ່ນອອກຈາກເຮືອນໄປ.

ແຕ່ພາຍຫຼັງໄປຮອດເຮືອນແລ້ວ ທ້າວ ລຳໄພ ມີແນວຄິດຢ້ານ ນາງ ແພງ ຈະໄປແຈ້ງເຈົ້າໜ້າທີ່ຕຳຫຼວດ ມາຈັບ ຈິ່ງໄດ້ເອົາມີດປາຍແຫຼມ ຍາວ 30 ຊັງຕິແມ້ດຢູ່ເຮືອນຄົວ ຍ່າງກັບໄປເຮືອນຂອງນາງ ແພງ ເພື່ອຫວັງຈະຄາຕະກໍາປິດປາກ ພໍກັບໄປຮອດ ຜູ້ກ່ຽວໄດ້ໃຊ້ມີດງັດປະຕູທາງຫຼັງເຮືອນແລ້ວເຂົ້າໄປໃນເຮືອນ ກໍປະກົດເຫັນນາງ ແພງໄດ້ນັ່ງຢູ່ຕຽງແລ້ວທ້າວ ລຳໄພ ໄດ້ຍ່າງເຂົ້າໄປຫານາງ ແພງ ທາງດ້ານໜ້າ ແລ້ວໄດ້ໃຊ້ມືເບື້ອງຂວ່າປິດປາກ ນາງແພງ ໄວ້ໃຊ້ມືເບື້ອງຊ້າຍຈັບມີດ ເພື່ອປາດຄໍ 1 ຄັ້ງ ຈົນມີເລືອດອອກ ສ່ວນນາງ ແພງ ໄດ້ຕໍ່ສູ້ພ້ອມທັງໄດ້ຮ້ອງຂໍຄວາມຊ່ວຍເຫຼືອນໍາຄົນເຮືອນໃກ້ ທ້າວ ລຳໄພ ໄດ້ແລ່ນອອກຈາກເຮືອນ ແລະ ກັບມາເຮືອນຕົວເອງ ແລ້ວນໍເອົາມີດທີ່ທີ່ໃຊ້ກໍ່ເຫດມາລ້າງຄາບເລືອດອອກ ແລ້ວເຊື່ອງໄວ້ຢູ່ໃນເຮືອນ; ສ່ວນ ນາງແພງ ແມ່ນຖືກນຳສົ່ງໄປປິ່ນປົວຢູ່ໂຮງໝໍ.

ຕໍ່ມາໃນເວລາ 00 ໂມງ 10 ນາທີ ຂອງວັນທີ 13 ພະຈິກ 2023 ເຈົ້າໜ້າທີ່ ປກສ ກຸ່ມຈອມທອງ ແລະ ການຈັດຕັ້ງບ້ານຕານ ຈຶ່ງໄດ້ນຳກຳລັງເຈົ້າໜ້າທີ່ເຂົ້າໄປກັກຕົວ ທ້າວ ລຳໄພ ໄຊຍະວົງສາ ຢູ່ທີ່ເຮືອນຂອງຜູ້ກ່ຽວ.

ແຫຼ່ງຂ່າວ: ປກສ ແຂວງຄຳມ່ວນ

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...