spot_img
Homeຂ່າວເສົ້າປະຊາຊົນ ບ້ານກົກມ່ວງ ເມືອງຕຸ້ມລານ ເສຍຊີວິດຈາກລະເບີດແຕກໃສ່ ຈຳນວນ 1 ຄົນ.

ປະຊາຊົນ ບ້ານກົກມ່ວງ ເມືອງຕຸ້ມລານ ເສຍຊີວິດຈາກລະເບີດແຕກໃສ່ ຈຳນວນ 1 ຄົນ.

Published on

ອີງຕາມຫ້ອງການ ຖວທ ເມືອງຕຸ້ມລາມ ແຂວງສາລະວັນລາຍງານໃນ ເວລາປະມານ 2:30 ນາທີ ຂອງວັນທີ 2 ທັນວາ 2023 ຜ່ານມາ, ໄດ້ເກີດເຫດລະເບີດແຕກໃສ່ປະຊາຊົນ ຈຳນວນ 1 ຄົນເສຍຊີວິດຄາທີ່ ຢູ່ບ້ານກົກມ່ວງ ເມືອງຕຸ້ມລານ ແຂວງສາລະວັນ.

ຜ່ານການລົງເກັບກຳຂໍ້ມູນເບື້ອງຕົ້ນຜູ້ເສຍຊີວິດຊື່ວ່າ: ນ. ຈ່ອຍ ແສນຄຳ, ອາຍຸ 30 ປີ, ເຊິ່ງເປັນເມຍ ຂອງ ທ. ພິມ ລືຄຳຫານ ຢູ່ບ້ານກົກມ່ວງ ເມືອງຕຸ້ມລານ, ສ້າງຄອບຄົວ ແລະ ໄດ້ມີລູກຮ່ວມກັນ ຈຳນວນ 5 ຄົນ, ຍິງ 2 ຄົນ. ສ່ວນສາເຫດ ແມ່ນ: ນ. ຈ່ອຍ ແສນຄຳ (ຜູ້ເສຍຊີວິດ) ໄດ້ໄປຂຸດໜານຜັກ ຢູ່ແຄ້ມໜອງຊະ ໃກ້ກັບທົ່ງນາຂອງເພີ່ນເອງ, ບັງເອີ້ນໄປຂຸດຖືກລະເບີດ, ເຮັດໃຫ້ລະເບີດແຕ່ກໃສ່ຈົນເສຍຊີວິດຄາທີ່ ປະເພດລູກລະເບີດທີແຕກໃສ່ແມ່ນ: “ລູກລະເບີດໂບມບີ”.

ປັດຈຸບັນເຖິງແມ່ນວ່າມີພາກສ່ວນກ່ຽວຂ້ອງລົງກວດກາ ແລະ ເກັບກູ້ລະເບີດທີຕົກຄ້າງໃນສະໄໝສົງຄາມກໍ່ຕາມ, ແຕ່ຍັງເຫັນວ່າ: ລະເບີດຕາມຮົ້ວໄຮ່ປາຍນາຂອງປະຊາຊົນ ຍັງພົບເຫັນຫຼາຍ, ເຮັດໃຫ້ການທຳການຜະລິດຂອງປະຊາຊົນພົບຄວາມຫຍຸ້ງຍາກ ແລະ ເປັນການກົດໜ່ວງທ້ວງດຶງຕໍ່ການສ້າງສາພັດທະນາ ຄອບຄົວ, ບ້ານເມືອງ ກໍ່ຄືປະເທດຊາດ.
ຂ່າວ ໂດຍ: ວຽງສະຫວັນ ແສນຄຳ.

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...