spot_img
Homeຂ່າວຕ່າງປະເທດໄທກວດຍຶດສິນຄ້າທີ່ໂຄສະນາເກີນຈິງ ລວມມູນຄ່າ 40 ລ້ານບາດ

ໄທກວດຍຶດສິນຄ້າທີ່ໂຄສະນາເກີນຈິງ ລວມມູນຄ່າ 40 ລ້ານບາດ

Published on

ໃນວັນທີ 16 ພະຈິກ 2023 ເຈົ້າໜ້າທີ່ໄທ ໄດ້ປະຕິບັດການກວດລ້າງເຄືອຂ່າຍຄົນຫວຽດນາມ ທີ່ໂຄສະນາຂາຍນົມຜົງສາລະພັດປະໂຫຍດທີ່ເກີນຄວາມເປັນຈິງ ກວດຍຶດສິນຄ້າໄດ້ 23 ລາຍການ ລວມທັງໝົດ 43.411 ຢ່າງ ມູນຄ່າຫຼາຍກວ່າ 40.000.000 ບາດ.

ເນື່ອງຈາກປັດຈຸບັນ ຄ່ານິຍົມກ່ຽວກັບຜະລິດຕະພັນສຸຂະພາບເປັນທີ່ໄດ້ຮັບຄວາມສົນໃຈຈາກຜູ້ບໍລິໂພກຫຼາຍ ຈຶ່ງເຮັດໃຫ້ບັນຫາການແຜ່ລະບາດຂອງຜະລິດຕະພັນເສີມສຸຂະພາບປອມນັບມື້ນັບຫຼາຍຂຶ້ນ ເພື່ອຫວັງໃຫ້ປະຊາຊົນຫຼົງເຊື່ອແລ້ວຊື້ຜະລິດຕະພັນດັ່ງກ່າວ.

ນອກນີ້ ຍັງພົບວ່າເວັບໄຊ້ທີ່ມີການຕັດຕໍ່ພາບ ວິດີໂອ ເພື່ອສ້າງຄວາມເຊື່ອຖືໃຫ້ແກ່ຜະລິດຕະພັນ ແລະ ປາກົດການໂຄສະນາໃນອອນລາຍເປັນວົງກວ້າງ ມີເນື້ອຫາທີ່ມີການບັນລະຍາຍຄຸນປະໂຫຍດຂອງຜະລິດຕະພັນອາຫານທີ່ບໍ່ມີມູນຄວາມຈິງ ຈຳນວນ 4 ເວັບໄຊ້ຄື:

  • https://www.ovisureth.site/
  • https://www.ovisureofficial.com/
  • https://www.youtube.com/channel/UC9d1lEKxZ1y2SKC18z2Kd6w
  • https://suachoxuongkhop.info/

ໂດຍເວັບໄຊ້ດັ່ງກ່າວ ມີການໂຄສະນາຜະລິດຕະພັນນົມຜົງ ຍີ່ຫໍ້ Ovisure Gold ໂດຍກ່າວຄຸນປະໂຫຍດເກີນຄວາມເປັນຈິງວ່າ: ປົກປ້ອງລະບົບຫົວໃຈ ແລະ ຫຼອດເລືອດ ປ້ອງກັນພະຍາດເບົາຫວານ ເສີມສ້າງສະຕິປັນຍາ ບັນເທົາອາຫານປວດຂໍ້ໄຫຼ່ ອາການເນັບຊາ ປ້ອງກັນຄວາມເສື່ອມ-ກະດູກພ່ອຍ ແລະ ອື່ນໆອີກຫຼາກຫຼາຍ ພ້ອມຍັງກ່າວອ້າງວ່າ ເປັນຜະລິດຕະພັນທີ່ຖືກຮັບຮອງຈາກ FDA ສະຫະລັດອາເມຣິກາ ແລະ ນຳເຂົ້າຈາກສະຫະລັດອາເມຣິກາ.

ທັ້ງນີ້ ເຈົ້າໜ້າທີ່ໄທ ໄດ້ເຂົ້າກວດຄົ້ນຢູ່ 2 ຈຸດ ທີ່ ແຂວງຊົນບຸລີ ລວມມີຜະລິດຕະພັນອາຫານ 37.911 ຢ່າງ ເປັນນົມຜົງຍີ່ຫໍ້ຕ່າງໆ 36.471 ກະປຸກ, ຢາບໍ່ຂຶ້ນທະບຽນ 4.120 ລາຍການ, ຜະລິດຕະພັນສະໝຸນໄພບໍ່ຂຶ້ນທະບຽນ 1.080 ລາຍການ ແລະ ເຄື່ອງກວດລະດັບນ້ຳຕານ Sinocare ຈຳນວນ 300 ອັນ ລວມສິນຄ້າທີ່ຍຶດໄດ້ 43.411 ຢ່າງ ມູນຄ່າຫຼາຍກວ່າ 40.000.000 ບາດ.

ເຊິ່ງມີຫຼາຍຜະລິດຕະພັນຄືດັ່ງນີ້:

  1. OVISURE GOLD,
  2. Digo sure,
  3. Zextra Sure,
  4. Via Sure Canxi,
  5. Hevisure gold,
  6. GluOats,
  7. Gluzextra Gold,
  8. HIUP COMPLETE,
  9. Sica sure canxi wemee,
  10. Pro up,
  11. Hevifood Body fit

ຂະນະທີ່ກວດຄົ້ນ ພົບຄົນຕ່າງປະເທດສັນຊາດຫວຽດນາມ 8 ຄົນ ທີ່ກຳລັງແພັກສິນຄ້າເພື່ອຖ້າຈຳໜ່າຍ ເຈົ້າໜ້າທີ່ໄດ້ຈັບກຸມຜູ້ຖືກຫາ 8 ຄົນ ເພື່ອທຳການສືບສວນ-ສອບສວນ.

ແຫຼ່ງຂ່າວ ThaiPost

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...