ປກສ ອອກຄໍາສັ່ງ ຊອກຈັບຕົວ ນາງ ເພັດສະພອນ ຊາມູນຕີ, ວັນເດືອນປີເກີດ 7 ທັນວາ 1977, ອາຊີບ ນັກທຸລະກິດ, ໜັງສືຜ່ານ ແດນເລກທີ P2478198, ລົງວັນທີ 1 ທັນວາ 2022, ປັດຈຸບັນຢູ່ບ້ານທາດຫຼວງໃຕ້, ໜ່ວຍ 13, ເມືອງໄຊເສດຖາ ນະຄອນຫຼວງວຽງຈັນ.
ໂດຍມີຂໍ້ກ່າວຫາ ການສໍ້ໂກງຊັບ ແລະ ການນໍາໃຊ້ແຊັກ ຫຼື ພັນທະບັດອື່ນໂດຍບໍ່ຖືກຕ້ອງຕາມກົດໝາຍ ຕາມມາດຕາ 233 ແລະ 281 ຂອງປະມວນກົດໝາຍອາຍາ ປີ 2017.
ຜູ້ກ່ຽວມີຄວາມສູງ 155 ຊັງຕີແມັດ ສີຜິວຂາວ, ພໍ່ຊື່ ທ້າວ ຍຸນຄຳ ຊາມູນຕີ ແລະ ແມ່ຊື່ ນາງ ບຸນເຖິງ ວິໄລສານ ທັງສອງຢູ່ບ້ານໂພຍຊອງ ເມືອງວຽງຄຳ ແຂວງວຽງຈັນ.
ຖ້າຜູ້ໃດພົບເຫັນຜູ້ກ່ຽວ ສາມາດຈັບຕົວໄດ້ທັນທີເພື່ອນຳມາໃຫ້ເຈົ້າໜ້າທີ່ດຳເນີນຄະດີຕາມກົດໝາຍ.
