ໃນເວລາທີ່ເລັ່ງດວ່ນເຈົ້າເຄີຍປະສົບບັນຫາສຸກເສີນ ເຊັ່ນ ຄີມບຳລຸງຜິວໝົດ ຄີມນວດຜົມກໍໝົດ ຊວຍຫຍັງຂະໜາດນີ້ບໍ ຕໍ່ໄປນີ້ໝົດກັງວົນເລື່ອງນີ້ໄປໄດ້ເລີຍ ເຮົາມີສູດເດັດຈາກຂອງໃຊ້ທີ່ເຮືອນມາຝາກກັນ
– ໃບໜ້າ ໝາກນາວເພື່ອຄວາມໝົດຈົດ ນ້ຳໝາກນາວນີ້ ນຳມາປະສົມກັບໄຂ່ຂາວສາມາດເຮັດຄວາມສະອາດຜິວໜ້າໄດ້ຢ່າງດີ ສຳລັບສາວຜິວມັນ ບີບນ້ຳໝາກນາວປະສົມກັບໄຂ່ຂາວ 1 ໜ່ວຍຕີໄຂ່ຂາວໃຫ້ເປັນຟອງ ແລະ ເທລົງກະທະພ້ອມນ້ຳມະນາວຕັ້ງໄຟອ່ອນໆ ຈົນກະທັ້ງຂຶ້ນຟູໜາປະໄວ້ໃຫ້ເຢັນ ນຳມາທາທົ່ວໃບໜ້າ ຖິ້ມໄວ້ 2-3 ນາທີ ແລະ ເຊັດອອກດ້ວຍສຳລີຊຸບນ້ຳໝາດໆ
– ຜັກໜອກ ຊະລໍຄວາມແກ່ ໃບຜັກໜອກທີ່ແສນດີ ຈະເປັນຜູ້ຊ່ວຍກະຕຸ້ນການສ້າງຄອນລາເຈນ ແລະ ອີລາຕິນ ຖ້າຢາກຈະຍືດໄລຍະເວລາຄວາມເຕັ່ງຕຶງໄວ້ດົນ ໄປຕະຫລາດຊື້ໃບຜັກໜອກສົດໆ ມາປັ່ນຫລືຕຳໃຫ້ລະອຽດແລ້ວກອງເອົາແຕ່ນ້ຳ ໃຊ້ສຳລີຊຸບນ້ຳພອກ ຫລື ທາເທິງໃບໜ້າປະໄວ້ 15 ນາທີ ແລ້ວລ້າງອອກ ເຮັດທຸກມື້ກ່ອນນອນ
– ຜິວພັນ ຂັດຕົວດ້ວຍນ້ຳຕາລ ເຮົາໃຊ້ນ້ຳຕານເມັດໃຫຍ່ໆ ເປັນສະຄຣັບຂັດຜິວໄດ້ ດ້ວຍນ້ຳຕານຊາຍ 1 ຖ້ວຍປະສົມຄີມອາບນ້ຳໃນເຮືອນ ປະມານ 2 ບ່ວງກະແຟ ນຳມານວດໃຫ້ທົ່ວຕົວ ບໍລິເວນໃດແຫ້ງຫລາຍກໍນວດໃຫ້ດົນກວ່າສ່ວນອື່ນ ເຊັ່ນ ແຂນສອກ ຫົວເຂົ່າ ລ້າງອອກດ້ວຍນ້ຳເຢັນ ຜິວພັນຈະສົດໃສເປັ່ງປະກາຍ
– ຜົມເງົາງາມ ດ້ວຍໝາກພ້າວ ສຳລັບຜົມແຫ້ງເສຍ ເພື່ອການບຳລຸງທີ່ເລິກລ້ຳ ລອງປະສົມນ້ຳເຜຶ້ງ 1 ບ່ວງກະແຟ ກັບນ້ຳມັນໝາກພ້າວ 2 ບ່ວງກະແຟນວດໃຫ້ທົ່ວຫົວ ປ່ອຍຖິ້ມໄວ້ 10 ນາທີ ແລ້ວລ້າງອອກ ກ່ອນສະດ້ວຍແຊມພູອີກເທື່ອ
– ໝາກຂີ້ຫູດ ກຳຈັດລັງແຄ ສະຜົມດ້ວຍແຊມພູໃຫ້ສະອາດໝົດຈົດແລ້ວ ໃຊ້ໝາກຂີ້ຫູດ 1-2 ໜວ່ຍໃສ່ນ້ຳ 3-5 ຈອກຕົ້ມໃຫ້ເດືອດປະໄວ້ຈົນອຸ່ນແລ້ວບົດໝາກຂີ້ຫູດທີ່ຕົ້ມແລ້ວໃຫ້ລະອຽດ ກອງເອົາເນື້ອ ແລະ ກາກອອກ ນຳນ້ຳມະກູດມາດໂລມຜົມ ຖິ້ມໄວ້ 5-10 ນາທີ ແລ້ວຈຶ່ງລ້າງອອກ ເຮັດອາທິດລະ 3 ເທື່ອກໍພໍ
– ຖະໜອມມື ມືນຸ່ມດ້ວຍເຂົ້າໂອ໊ດ ໃຊ້ເຂົ້າໂອ໊ດ 2 ບ່ວງປະສົມກັບນົມ 2 ບ່ວງປະສົມກັນພໍເຂົ້າກັນໄດ້ດີແລ້ວ ນຳມາທາຖູມືທັງສອງຂ້າງ ລ້າງອອກແລ້ວເຮັດຊ້ຳອີກຈະຊ່ວຍໃຫ້ມືທັງຂາວຂຶ້ນ ແລະນຸ່ມຂຶ້ນ