Homeຂ່າວພາຍ​ໃນທູດລາວ ຢ້ຽມຢາມແຮງງານລາວທີ່ໄດ້ຮັບບາດເຈັບຈາກເຫດກາດຍິງໃນຫ້າງດັງ

ທູດລາວ ຢ້ຽມຢາມແຮງງານລາວທີ່ໄດ້ຮັບບາດເຈັບຈາກເຫດກາດຍິງໃນຫ້າງດັງ

Published on

ໃນຕອນເຊົ້າ 5 ຕຸລາ 2023, ທ່ານ ຄໍາພັນ ອັ່ນລາວັນ, ເອກອັກຄະລັດຖະທູດ ແຫ່ງ ສປປລາວ ປະຈໍາ ຣາຊະອານາຈັກໄທ ພ້ອມຄະນະ ໄດ້ຢ້ຽມຢາມ ແລະ ໃຫ້ກໍາລັງໃຈ ນາງ ຄໍາຜີວ ຄໍາຊົມພູ, ພົນລະເມືອງລາວ ແລະ ແຮງງານລາວຕາມ MOU ທີ່ຖືກຍິງຢູ່ ຫ້າງຊັບພະສິນຄ້າສະຫຍາມພາຣາກອນ ໃນຕອນແລງວັນທີ 3 ຕຸລາ 2023. ພາຍຫຼັງເກີດເຫດ, ເຈົ້າໜ້າທີ່ໄທໄດ້ນໍາສົ່ງຜູ້ກ່ຽວເຂົ້າປິ່ນປົວຢູ່ໂຮງໝໍກຸງເທບຄຣິດສະຕຽນ ເປັນການດ່ວນ.

ເຫດຍິງກັນເກີດຂື້ນໃນເວລາ 16 ໂມງ ຂອງວັນທີ 3 ຕຸລາ 2023, ໂດຍມີໄວໜຸ່ມຄົນໄທ ເພດຊາຍ ອາຍຸ 14 ປີ ກໍ່ເຫດຍິງປືນສັ້ນໃນຫ້າງຊັບພະສິນຄ້າສະຫຍາມພາຣາກອນ ທີ່ຢູ່ໃຈກາງບາງກອກ, ເຮັດໃຫ້ມີຜູ້ເສຍຊີວິດ 2 ຄົນ (ນັກທ່ອງທ່ຽວຈີນ ເພດຍິງ ແລະ ແຮງງານມຽນມາ ເພດຍິງ) ແລະ ມີຜູ້ບາດເຈັບຈຳນວນ 5 ຄົນ, ຊຶ່ງ 1 ໃນຈຳນວນຜູ້ໄດ້ຮັບບາດເຈັບເປັນຄົນສັນຊາດລາວ ຊື່ ນາງ ຄໍາຜິວ ຄຳຊົມພູ, ອາຍຸ 28 ປີ, ເປັນຄົນອານາໄມຢູ່ໃນຮ້ານຄ້າດັ່ງກ່າວ ຊຶ່ງເບື້ອງຕົ້ນອາການແມ່ນສາຫັດຍ້ອນຖຶກລູກປືນຝັງໃນບ່າໄຫຼ່ ແຕ່ປະຈຸບັນອາການປອດໄພ ແລະ ດີຂື້ນຕາມລໍາດັບ.

ຕໍ່ເຫດການດັ່ງກ່າວ, ໃນຕອນເຊົ້າຂອງວັນທີ 4 ຕຸລາ 2023, ທ່ານ ເສດຖາ ທະວີສິນ, ນາຍົກລັດຖະມົນຕີ ແຫ່ງ ຣາຊະອາ ນາຈັກໄທ ໄດ້ໂທລະສັບຫາທ່ານ ທູດລາວ ສະແດງຄວາມເສຍໃຈຕໍ່ເຫດການ ແລະ ທາງການໄທຈະໃຫ້ການດູແລເປັນຢ່າງດີ ແລະ ແຈ້ງໃຫ້ຊາບວ່າ ພະບາດສົມເດັດພະເຈົ້າມະຫາຊີວິດ ແລະ ພະຣາຊີນີ ໄດ້ຮັບແຮງງານລາວທີ່ໄດ້ຮັບບາດເຈັບໄວ້ໃນພະຣາຊະນຸເຄາະຂອງພະອົງທັງສອງ. ພ້ອມດຽວກັນນີ້, ໃນຕອນບ່າຍຂອງວັນດຽວກັນ, ທ່ານ ທູດລາວ ກໍໄດ້ຕ້ອນຮັບການສະເໜີເຂົ້າມາຢ້ຽມຢາມພົບປະຂອງ ທ່ານນາງ ສຸດາວັນ ຫວັງສຸພະກິດໂກສົນ, ລັດຖະມົນຕີກະຊວງການທ່ອງທ່ຽວ ແລະ ກິລາ ແລະ ທ່ານ ຈັກກະພົງ ແສງມະນີ, ຮອງລັດຖະມົນຕີກະຊວງການຕ່າງປະເທດ ພ້ອມດ້ວຍຄະນະ ເພື່ອສະແດງຄວາມເສຍໃຈຕໍ່ເຫດການທີີ່ເກີດນີ້ ແລະ ສະແດງຄວາມພ້ອມຂອງຝ່າຍໄທ ໃນການຊ່ວຍເຫຼືອແກ່ແຮງງານລາວທີ່ໄດ້ຮັບບາດເຈັບຈາກເຫດການດັ່ງກ່າວ.

ພາຍຫຼັງໄດ້ຮັບຂ່າວ, ສະຖານທູດລາວ ໄດ້ຕິດຕາມ ແລະ ປະສານຢ່າງໃກ້ຊິດກັບພາກສ່ວນກ່ຽວຂ້ອງຕ່າງໆຂອງໄທ ເປັນຕົ້ນ: ກະຊວງການຕ່າງປະເທດ, ສຳນັກງານຕຳຫຼວດແຫ່ງຊາດ ເພື່ອປະສານຊ່ວຍເຫຼືອດູແລຄົນລາວທີ່ໄດ້ຮັບບາດເຈັບໃນເຫດການຄັ້ງນີ້ ພ້ອມທັງໄດ້ສະແດງຄວາມຊາບຊຶ້ງທີ່ພະບາດສົມເດັດພະເຈົ້າມະຫາຊີວິດ ແລະ ພະຣາຊີນີ ໄດ້ກະລຸນາຮັບຄົນເຈັບໄວ້ໃນພະຣາຊະນຸເຄາະຂອງພະອົງທັງສອງ.

ນາງ ຄໍາຜິວ ຄໍາຊົມພູ, ເກີດຢູ່ບ້ານດອນໂຂງ, ເມືອງສຸຂຸມາ, ແຂວງຈຳປາສັກ, ເດີນທາງເຂົ້າມາອອກແຮງງານຢູ່ໄທຕາມ MOU ນັບແຕ່ເດືອນ ມິຖຸນາ 2023 ເປັນຕົ້ນມາ.

ແຫຼ່ງຂ່າວຈາກ ກົມການຂ່າວ ກະຊວງການຕ່າງປະເທດ

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...