Homeຂ່າວພາຍ​ໃນປືກສາຫາລືສ້າງຄວາມເຂັ້ມແຂງດ້ານການຄຸ້ມຄອງໜີ້ສິນສາທາລະນະຢູ່ລາວ

ປືກສາຫາລືສ້າງຄວາມເຂັ້ມແຂງດ້ານການຄຸ້ມຄອງໜີ້ສິນສາທາລະນະຢູ່ລາວ

Published on

ທະນາຄານພັດທະນາອາຊີ ຫຼື ເອດີບີ ຮ່ວມກັບກະຊວງການເງິນຂອງລາວ ຈັດກອງປະຊຸມລະດັບສູງ ເພື່ອປືກສາຫາລືກ່ຽວກັບການສ້າງຄວາມເຂັ້ມແຂງທາງດ້ານການຄຸ້ມຄອງໜີສິນສາທາລະນະຢູ່ລາວ ໃນວັນທີ 4 ຫາວັນທີ 5 ຕຸລາ 2023ນີ້ ທີ່ໂຮງແຮມແລນມາກ ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ສັນຕິພາບ ພົມວິຫານ ລັດຖະມົນຕີ ກະຊວງການເງິນ ມີຜູ້ຕາງໜ້າ ຈາກ ກົມອາຊີຕາເວັນອອກສ່ຽງໄຕ້ຂອງທະນາຄານພັດທະນາອາຊີ ບັນດາ ສະຖານທູດປະຈໍາລາວ ຜູ້ຊ່ຽວຊານ ກະຊວງການເງິນ ທະນາຄານແຫ່ງ ສປປ ລາວ ບັນດາປະເທດຄູ່ຮ່ວມພັດທະນາ ສະຖາບັນການເງິນສາກົນ ແລະ ພາກສ່ວນກ່ຽວຂ້ອງເຂົ້າຮ່ວມ.

ກອງປະຊຸມຄັ້ງນີ້ ໄດ້ສູມໃສ່ ກໍານົດການພົວພັນ ລະຫວ່າງການຄຸ້ມຄອງໜີ້ສິນສາທາລະນະ ແລະ ນະໂຍບາຍການເງິນ, ເງິນຕາ ເພື່ອຊ່ວຍສ້າງວິທີການຂອງລັດຖະບານທັງໝົດ ທີ່ແນ່ໃສ່ເພີ່ມທະວີການຄຸ້ມຄອງໜີ້ສິນສາທາລະນະ ການຖອດຖອນບົດຮຽນຈາກພາກພື້ນ ແລະ ສາກົນ ບັນດາເຈົ້າໜ້າທີ່ພາກລັດ ຜູ້ຕາງໜ້າພາກເອກະຊົນ ນັກຊ່ຽວຊານ ຄູ່ຮ່ວມພັດທະນາ ຈາກພາກພື້ນ ແລະ ສາກົນ ໄດ້ທົບທວນຄືນບົດຮຽນ ແລະ ຂໍ້ສະເໜີແກ່ລັດຖະບານລາວ ພິຈາລະນາເຂົ້າໃນແຜນການທີ່ຈະສ້າງຄວາມເຂັ້ມແຂງໃຫ້ແກ່ວຽກງານການຄຸ້ມຄອງໜີ້ສິນສາທາລະນະ.

ທ່ານ ສຸລິວັດ ສຸວັນນະຈູມຄໍາ ຫົວໜ້າກົມຄຸ້ມຄອງໜີ້ສິນສາທາລະນະ ກະຊວງການເງິນໃຫ້ຮູ້ວ່າ : ໃນການປືກສາຫາລືໃນຄັ້ງນີ້ ຈະຊ່ວຍໃຫ້ລັດຖະບານກໍ່ຄືກະຊວງການເງິນ ໃນການກໍານົດມາດຕະການສະເພາະ ແລະ ເພີ່ມທະວີໃນການຄຸ້ມຄອງໜີ້ສິນສາທາລະນະໃຫ້ດີຂື້ນເປັນກ້າວ.

ນອກນີ້ ຍັງເນັ້ນໜັກ ເຖິງຄວາມຈໍາເປັນຕ້ອງຮັບປະກັນການແກ້ໄຂບັນຫາທີ່ຫຼີກລ່ຽງບໍ່ໄດ້ ລະຫວ່າງນະໂຍບາຍເງິນຕາ, ງົບປະມານ ນະໂຍບາຍທາງການເງິນ ແລະ ການຄຸ້ມຄອງໜີ້ສິນສາທາລະນະ ຕ້ອງໄດ້ຮັບການບູລະນະ ປັບປຸງ ແລະ ແກ້ໄຂ ນອກນີ້ ຍັງມີຄວາມຈໍາເປັນຫຼາຍ ໃນການຕິດຕາມກວດກາ ໜີ້ສິນ ພາກລັດຢ່າງຮອບດ້ານ ຖືກຕ້ອງ ທັນການ ແລະ ໂປ່ງໃສຫຼາຍຂື້ນໃນການຕິດຕາມໜີ້ສິນພາກລັດທັງໝົດ ການຄໍ້າປະກັນ ການປ່ອຍເງິນກູ້ຕໍ່ ພ້ອມທັງໜີ້ສິນສໍາຮອງຂອງບັນດາລັດວິສະຫະກິດ ແລະ ຈາກການລົງທືນຮ່ວມລະຫວ່າງພາກລັດ ແລະ ເອກະຊົນ , ຜ່ານມາລັດຖະບານລາວ ໄດ້ປະຕິບັດຫຼາຍມາດຕະການແກ້ໄຂຢ່າງຕໍ່ເນື່ອງ ເພື່ອຫຼຸດຜ່ອນອັດຕາເງິນເຟີ້ ແລະ ຮັກສາສະຖຽນລະພາບຂອງອັດຕາແລກປ່ຽນ ເພື່ອຮັບມື ກັບຜົນກະທົບຈາກການແຜ່ລະບາດຂອງພະຍາດໂຄວິດ 19 ແລະ ການເພີ່ມຂື້ນຂອງອັດຕາເງິນເຟີ້ໃນທົ່ວໂລກ ເຊິ່ງໄດ້ກະທົບຕໍ່ການເຕີບໂຕຂອງເສດຖະກິດ ແລະ ກະທົບຕໍ່ມາດຕາສ່ວນໜີ້ສິນສາທາລະນະຕໍ່ ລວມຍອດຜະລິດຕະພັນພາຍໃນຂອງລາວ ກະຊວງການເງິນຍັງໄດ້ປະກອບສ່ວນເຂົ້າໃນການສັງລວມງົບປະມານໂດຍເພີ່ມການເກັບລາຍຮັບ ແລະ ຫຼຸດຜ່ອນລາຍຈ່າຍ.

ຜ່ານມາລັດຖະບານລາວ ໄດ້ປະຕິບັດຫຼາຍມາດຕະການແກ້ໄຂຢ່າງຕໍ່ເນື່ອງ ເພື່ອຫຼຸດຜ່ອນອັດຕາເງິນເຟີ້ ແລະ ຮັກສາສະຖຽນລະພາບຂອງອັດຕາແລກປ່ຽນ ເພື່ອຮັບມື ກັບຜົນກະທົບຈາກການແຜ່ລະບາດຂອງພະຍາດໂຄວິດ 19 ແລະ ການເພີ່ມຂື້ນຂອງອັດຕາເງິນເຟີ້ໃນທົ່ວໂລກ.

ແຫຼ່ງຂ່າວ Lao National Radio

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...